#كابوسي المرعب#

follow

بارت 29

لقيت عبدالله حمرت ليهو 😒...ابوي: تعالي يا نجو 😊مشيت على جهة ابوي و قعدت جمبو...ابوي: اسمعي يا بتي عبدالله داير يقول ليك حاجه...نجاه: بس انا م دايرة اسمع ☹💔...ابوي: ولا عشان خاطري😥...نجاه: طيب قول عايز شنو😑💔...عبدالله: لو بتسمحي لي اجي اشوف اويس ولدي كل يومين💔بتكلم و راسو في الواطه💔...نجاه: لا معليش م ممكن مش رفضتو 😒💔رفع راسو بكل انكسار💔...عبدالله: نجاه دا م انا دي امي انا كنت ح اموت لو م جاني طفل وانتي عارفه الحاجه دي💔...ابوي: يا بتي دا ولدو م تحرميهو منو عشاني يا بتي خليهو يجي يشوف ولدو💔ابوي شالو مني و اداهو لعبدالله انا غضبت شديد قمت منهم و بمشي بغضب لمن بعمل صوت في السلم💔...ابوي: سامحها يا ولدي😔💔...عبدالله: لا يا عمي انا عاذرها اصلا دا من حقها💔انا غلطت عليها و امي كمان 💔...ابوي: الحمدلله بس يا ولدي💔عبدالله خت اويس في رجولو...عبدالله: اويس حبيب بابا وين انت يا بطل💕...نجاه: كريه و متخلف كلو من خالتي ورتهو اسي م ح يخلينا في حالنا و لا كلو يومين كمان😡💔🚶🏿‍♂️🚶🏿‍♂️🚶🏿‍♂️🚶🏿‍♂️عبدالله بقا يسجل لينا زيارة كل يومين و لمن يجي بخلي ناس شمس ينزلو ليهو اويس انا خالص م بشوفو ولو بالغلط بجيب ليهو لعبات و شئ حلويات و عصاير و اويس بمشي ليهو و يلعب معاهو بقعد معاهو ساعتين برجعو لي نايم💕 كدا لحدي م تمينا شهر عديل و انا حالفه م اشوفو 😒💔المهم يوم المفروض كان يجي م جا قلت امكن مشغول لكن عبدالله م جا اسبوع كامل انا اتوترت و دا غير مسكني خوف 💔تاني يوم خلصت دوامي ٢ ظهر غشيت اويس من الحضانه قلت نغشا عبدالله المستشفى يسلم على اويس مشينا المستشفى سئلنا عنو قالو في عمليه نص ساعه و بخلص انتو انتظروهو في مكتبو😊دخلنا مكتبو مشيت محل الطاوله حقتو خاتي صورة فيها انا و هو لمن كنا في تركيا و خاتي صورة صغيرة لاويس في النص 💕خلتني ابكي الصراحه 💔قعدت في الكرسي المقاصد مكتبو اديت اويس لعبتو و اديتو السكاته وانا بتفصح كدا ضربت لي بينو و قالت الا اجيها اسي وريتها اني في المستشفى بعد اخلص بجيك قفلت منها جا عبدالله اتفاجا بينا...عبدالله: نجاه فيكم حاجه😳...نجاه: لا الصراحه وقفت تجينا قلت امكن حصلت ليك حاجه قلت اجيب ليك اويس لحدي عندك😊...عبد الله: واللهي كنت مشغول بشويه عمليات كتر خيرك شديد واللهي احلى مفاجئة واللهي 😊شالو و مشا قعد بيهو في كرسيهو يبوس فيهو و شئ ونسه و لعب اويس مبسوط بيهو يضحك ليهو ساي💕انا اتكيفت منهم شديد منظرهم كيوت قعدت اتبسم ليهم💞💕💕عبدالله خت اويس في الطاوله و اويس يشيل و يهبش😂...عبدالله: كيف الجامعه...نجاه: كويسه الحمدالله💕...عبدالله: اويس حبيبي دي لا م صح هاك شيل دي😙...نجاه: بالمناسبه عيد ميلاد اويس الاسبوع الجاي يوم الاحد😊عاين لي كدا و دمع ...عبدالله: يعني ح يبقا عمرو سنه😭😢💔...نجاه: اي😊💔...عبدالله: طيب ممكن طلب😓...نجاه: اتفضل😊..عبدالله: تخليني اعمل ليهو الزينه و التورته و كدا لو بتسمحي لي🙁قلت في نفسي حرام يا نجاه دا ولدو ...نجاه: اكيد ليه لا😊...عبدالله: بالجد تسلمي كتير 😍...نجاه: طيب نحنا نستاذن 😊...عبدالله: م بدري ياخ اقعدو شويه☹...نجاه: يا ريت بس نحنا اتأخرنا يعني 😊...عبدالله: طيب اوصلك...نجاه: لا لا ارتاح انا اصلا جايه بعربيتي😊...عبدالله: طيب ارح قدامي اوصلكم تحت🙂شال اويس نزلنا تحت ركبت و هو ركب اويس حمبي ...عبدالله: نجاه...نجاه: ايوا😐...عبدالله: خلو بالكم من نفسكم💕حسيت بالفرح ...نجاه: ان شاء الله😊ودعناهو و مشينا لبينو في بيتها استقبلتنا بالبكاء و دراما💔...نجاه: يا بت في شنو😥...مبين: تعالو اقعدو 😭قعدنا بقت تقشقش في دموعها💔...نجاه: يا بت مالك احكي😥...مبين: انا حامل يا نجو و كلمت عمر فرح شديد 😭💕...نجاه: بالجد يا كلبه الف الف مبروك 😍😍😍حضنتها علي قوي...نجاه: طيب بتبكي ليه دي حاجه حلوة شديد و انتي و عمر تستاهلو كل خير😍😍😍💕...مبين: انا عارفه عشان كدا انا فرحانه😭...نجاه: 😂😂😂😂طيب كويس...مبين: اخيرا يا اويس عروستك جايه😭💕ضرب لي عبدالله رديت ليهو...نجاه: الو ...عبدالله: الو نجاه كيفك💕...نجاه: كويسه الحمدالله...عبدالله: وصلتو كيف كويسين...نجاه: اي الحمدلله نحنا مع ناس بينو😊...عبدالله: اها لا لا كويس واللهي يلا سلام انا عندي شويه أشغال لمن تصلو البيت اضربي لي💕 و قفل مني اشوف ليك الزفته بينو بتغمز لي 😉...مبين: الله الله تطورات 🌚...نجاه: م تفرحي ساي عشان ولدو م اكتر😒...مبين: اممم كلام لكن 😉...نجاه: يلا اصلا ماشا لانو انا تعبانه😒😂...مبين: طيب عايني فضل تلات ايام لعيد ميلاد اويس لازم نجهز ليهو😍...نجاه: عبدالله قال يخلو ليهو الحاجات دي 🙁...مبين: خلاص تمام لكن لازم نقشر رائك شنو بعد بكره نمشي المول نشتري هدوم للعيد ميلاد😙...نجاه: طيب اصلا انا بكره بخلص خمسه ف م بقدر...مبين: تمام م مشكله يلا باي 😙ودعنا بينو و رجعنا البيت ضرب لي عبدالله و سئل مني و من اويس 💕بديت انبسط بس م لدرجه كدا💔المهم عدا اليوم التاني على خير من غير جديد غير انو عبدالله بضرب اليوم البعديهو مشينا المول و اشترينا حاجاتنا 💕طالعين من المول ضرب لي عبدالله...نجاه: الو ...عبدالله: الو نجاه كيفك انتو وين...نجاه: نحنا طلعنا من المول راجعين البيت...عبدالله: لالا خليكم في محلكم انا جاي عليكم...نجاه: بس قاطعني...عبدالله: من غير بس يا نجاه م تقاطعيني هدا انا شايفكم😊قفل مني بركن عربيتو و جا علينا سلم علينا طبعا اويس نطا فوقو😂فرحان بيهو💕...عبدالله: اويس البطل كيفك😘و يبوس فيهو اويس أشر على محل اللعبات و شغال ليهو دي دي 😂😍...عبدالله: طيب طيب اسي نجيب ليك 😘انتو يا نجاه أمشو اقعدو في المطعم داك انا اوديهو و بنجي😊...نجاه: خلاص تمام 🙂هم مشا محل اللعبات و نحنا مشينا المطعم قعدنا...مبين: مسكين عبدالله م مصدق انو ولدو بين ايدينو😥💔انا سرحانه بعاين في قزاز المطعم على محل اللعبات و هو يشيل ليهو دا و يقرا دا لو فيهو خطر عليهو و لا كدا💕...نجاه: اي واللهي 😥...مبين: قلتي شنو 😳...نجاه: لا لا ولا حاجه 😅الهبله قعدت تكاويني كدا لحدي م جو ناس عبدالله حتى سكتت😒😂قعد جمبي و خت اويس في الطاوله...عبدالله: م طلبتو لسه🤨...نجاه: لا نحنا ماشين 😊عاين لي جوه عيوني...عبدالله: م على كيفكم ح ناكل كلنا انا زاتي جعان🙁...مبين: طيب لا زاتي لاني حامل و كدا😌...عبدالله: بالجد ياخ الف مبروك ربنا يحلك بالسلامه😍...مبين: اللن يسلمك يا رب😊طلبو لينا بيتزا مشكله و بروست لبينو و منقه مشكله💕قعدنا ناكل اشيل و اكل اويس و عبدالله عيونو م نزلت مني انا لمن خليت الاكل من الخجل😐بعد اكلنا ركبنا العربيه و ركب لعبات اويس في الظهريه💕ودعناهو و مشينا البيت كنت مبسوطه شديد منو حسيت انو اتغير💕🚶🏿‍♂️🚶🏿‍♂️...نجاه: يا بينو اقعدي هنا ناسيه انك حامل كوركي لي شمس يمشي يجيب اللبن من السوبر...مبين: يا شمس تعال...شمس: ايوا نعم ...نجاه: اويس مع ابوي...شمس: اي دايرين حاجه😁...مبين: اي جيب اللبن من السوبر عشان ترجع تلبسو لانو المغرب قرب💕...شمس: خلاص تمام اديني المفتاح يا نجو 😁...نجاه: قاعد في السفرة برا م تتأخر 😐و طلع طوالي...نجاه: قومي يا بينو نلبس اصلا عبدالله قال المغرب نتحرك نمشي المحل الكاتبو لي انا امشي اكلم ناس ابوي و اللبس اويس💕...مبين: خلاص انا امشي اللبس توبي👍😁شلت اويس ناس ابوي بدو يلبسو سقت اويس حممتو و لبستو عفريتة لونها اوفوايت و كشميري💜💕بعد م لبستو و ريحتو وديتو لابوي كانو لبسو شمس و يزن لابسين بناطلين اوفوايت و قمصان كشميري💜طلعت بينو كانت بتلبس في التوب الكشميري و فستانو اوفوايت💜 دخلت استحميت و لبست فستان من فوق واسع و ضيق من النص و فاري من تحت لونو كشميري كوزت الطرحه و لبست كعب اوفوايت عملنا مكياج بينو تشيل و تشاغل فيني😂شئ تصفر لي و شئ تغمز لي😂نزلنا اتصورنا صور بعدها طلعنا على المحل القالو عبدالله كان مكان على البحر مليان زينة بالون الأبيض و ازرق💙عامل بوفيه مفتوح و تورته كبيرة في النص و كورنر لعب و ضيوف في كل مكان💕بنعاين جانا عمر لابس زي ناس شمس 🌚💜...عمر: اوووو سيد العيد ميلاد و امو اخباركم😊😍...نجاه: تمام انت كيف 💕...عمر: انا كويس واللهي تعالو ادويكم 💕ساقنا محل الناس قاعدين جو ناس سمو و حازم سلمو علينا 💕بعدهم جات خالتو سلمت علي بالاحضان و بوس شالت اويس بوس تقيل 💕اتغيرت معاملتها شديد للاحسن 💕حسيت زي في هبشني في كتفي اتلفت لقيت دا عبدالله مدخل يدينو في جيوبو و مديني ابستامة وقف يعاين لي مسافه جوه عيوني لمن نزلت راسي ضحك ضحكه😍...عبدالله: طالعه مزه كدا الليله 😉❤خجلت م عرفت اطير وين🌚💔...نجاه: تسلم يا رب😊لابس زي ناس شمس (طبعا دي فكرتي نلبس كلنا مواحد 🌚💕)مشا شال اويس و يرفعو فوق...عبدالله: البطل تما سنه 😘بعد اتونسنا مشينا قطعنا التورته قامو فتحو السماعات و قعدنا نرقص و انا شايله اويس 💕عبدالله وقف جمبي يرقص طرحتي وقعت م قدرت ارفعها مع اويس قام هو رفعا لي و شال اويس و وقف قدامي نظام اصلح الطرحه💕بعد صحلتها و تمينا الرقيص بينو فتتو فت😂😂قعدنا ناكل انا كبيت في صحني و باكل و باكل اويس عبدالله قعد جمبي ياكل و يشاغل اويس💕جات خالتو قعدت جمبي...مي: كيفك يا بتي 😔...نجاه: كويسه يا خالتو انتي كيف من بعد العمليه ...مي: كويسه نحمد الله💕عمر نادا عبدالله مشا ليهو...مي: يا بتي اعفي لي امسحيها لي في وشي😭💔...نجاه: لالا يا خالتو م تقولي كدا صح امي ماتت بس لو كانت عايشه م ح تزعل منك💔...مي: اي يا بتي امك زوله طيبه ربنا يرحمها و يرحم اخواتك💔...نجاه: اللهم امين💕المهم اتونست معاي ونسه حلوه بالجد اتغيرت حسيت انها ندمت بعد اكلنا قمنا اتصورنا كان يوم بمنتهى الجمال 💕انا اول مره اشوف اويس مبسوط كدا ❤عبدالله بقا يتواصل معاي كتير لدرجه بضرب لي في اليوم تلات مرات كدا بنتونس و نتعابط😂مرات بضرب لي فيديو بلبس طرحتي يتونس معاي و مع اويس💕 و دا غير زيارتو لاويس💕💕يوم انا راجعة البيت ضرب لي.....

#stop🎵