بارت 6
واحده من خالاتي: محمد بتك كدا بتموت هي هسي جسد من غير روح😣...ابوي: م عارف والله انا ح اسوقهم معاي احتمال يغيرو جو و ح اوديها لدكتور هناك😓...مبين: انا شايفه كدا احتمال وجودها هنا ح يذكرها ب ناس خالتو و حالتها تتأخر...ابوي: خلاص بعد بكره بنسافر لانو انا خايف على صحه بتي 😭💔ابوي لاقاني حاضنه صورة جماعيه لينا ...ابوي: يا بتي الله يخليك ارجعي لي م تخليني😭طبعا انا لا حياة لمن تنادي هاديه شديد ابوي رقدني في السرير مسح لي شعري باسني في راسي و مرق شوية كدا جات داخله بينو وقفت تعاين لي
دمعت...مبين: ارجعي يا نجو اشتقت ل اختي حبيبتي😢😭💔و رقدت جمبي... فضلنا كدا لحدي يوم السفر انا كنت زي اللعبه
يحركوني محل م دايرين 😔 وصلنا الامارات و ابوي مره يتونس معاي و اخواني يتكلمو معاي بس انا ولا اصلا معبراهم 😣...شمس: ابوي متين نجو ترجع لينا 😭💔انا دمعت عشان اتذكرت يوم سافرت جيت لابوي هنا و دابي قعدت اسبوع ضربت لارين لابوي...لارين: ابوي متين نجو ترجع لينا...نجاه: متين اصلا
لحقتو تشتاقو لي يا دوبي أسبوع يا لاري😂...لارين: لا خلاص كفاك انا دايراك ال ح يوصلني المول منو ☻...نجاه: ايوا قولي كدا من زمان كلمي امي بتوديك😒...لارين: لا امي بتقول لي انا م خدامه ابوكم 😂💔اما انتي حنينه...نجاه: خلاص بنكسف يا زوله ان شاء الله بجي بسرعه...لارين: بحبك ياخ ربنا م يحرمنا منك😍رجعت بصوت يزن...يزن: نجو م تزعلي ناس امي في مكان احسن مننا 😥مسكتو حضنتو و قلت في سري انا عارفه يا يزن لاكن حار شديد كانو محلين لينا حياتنا😭😭الحياه معاهم ليها طعم 😭هزيت ليهو راسي بنعم و مشيت غرفتي نمت ...الصباح ابوي وداني المستشفى لدكتور و عمل لي كم عمليه و م ونجحت فضلت كدا لمده شهرين و في يوم نادا ابوي ...الدكتور: طبعا نجاه م بتستجيب للعلاج ولو م استجابت العلاج م بمشي ...ابوي: خير يا دكتور 😔...الدكتور: انا عندي واحد زميلي دكتور جراح كبير في السودان اسمو دكتور عبد الله خالد و م شاء الله عليهو ح احول ليهو نجاه و ان شاء الله تتحسن🙂...ابوي: ان شاء الله.... بعد كم يوم رجعنا السودان و مشينا العياده حقت دكتور عبدالله بس السكرتيرة قالت انو هو سافر امريكا...ابوي: خلاص نسافر ليهو 😊شلت دفتر و كتبت ليهو انو ماف داعي ننتظرو لحدي م يجي ...ابوي: متاكده يا بتي 😥...السكرتيره: لاكن هو برجع بعد بكره ...ابوي: شكرا ليك ... و رجعنا البيت .....تاني يوم صحيت مشيت لابوي و كتبت ليهو انو انا عايزة ارجع الجامعه ( اصلا انا كنت متابعه معاهم لمن كنت في الامارات لانو ناس دفعتي كانو برسلو لي 😴و صادف انو نازلين امتحانات )...ابوي: م عارف يا بتي اصلا انتو نازلين امتحانات يوم الاحد و انا خايف على صحتك كتبت ليهو انو اصلا بينو ح تجي تبيت معاي نقرا و انا قاريه و ح الحق لانو الليله الاربع 😊وافق مشيت نمت .....الصباح صحيت مشيت صليت بعد ساعه جات بينو و قعدنا نقرا...مبين: انتي متاكده يا نجو انك عايزة ترجعي الجامعه كتبت ليها اي و اصلا انا متاخره شهرين ماف داعي...مبين: خلاص راحتك بس لو غلبتك حاجه وريني عشان اشرحها ليك😘هزيت ليها راسي بقينا نقرا لحدي العشاء نمنا ...اليوم التاني ابوي قال لينا انو نمشي لعمي قال عازمنا مشيت لبست لي عبايه و طرحه سوداء مشينا و نحنا راجعين ابوي وقف عند المول...ابوي: انا المفروض انزل اجيب الحاجات ال في الورقه دي للبيت بس انا والله تعبان ممكن تمشي تجيبيهم 😊هزيت راسي بنعم قبلت اشوف بينو تمشي معاي بس لقيتها نامت😴ف اطريت انزل براي دخلت بقيت اشيل الحاجات ال في الورقه و فضل لي اللبن مشيت على ثلاجتو و كان في واحد بس اول م مسكتو في يد مسكت معاي أتلفت اشوف ليك واحد طويل و عريض و عندو عضلات لونو قمحي شعرو كتير عندو سكسوكه و ملتحي عيونو كبيره زي النعسان 😍 كان ماسك التلفون جريتو منو ...الولد: انتي انا اول مسكتو أتلفت عاينت ليهو و كملت طريقي جا وقف لي في طريقي ...الولد: انا بكره لمن اتكلم مع زول و م يرد لي ردي ولا انتي بكماء و دا حقي انا شلتو اول😏و خطفو مني و كمل طريقو غازني الكلام مشيت حاسبت باقي الحاجات و انا اخلاقي فوق نخرتي ركبت العربيه😡...ابوي: بسم الله مالك يا بتي😟هزيت ليهو براسي نظام ماف ...
#stop🎵
أنت تقرأ
#كابوسي المرعب#
Romanceدي اول روايه لي ان شاء الله تعجبكم ....... كابوسي المرعب. بعصب اي و بقول كلام حار بس واللهي بندم كيف لمن اعرف اني وجهت ليك كلام حار و خليتك تزعل عشان كدا براضيك بسرعه لانو م بهون على تنوم و انت زعلان🎵🥀
