قدر

الفصل الثامن

البارت الثامن(قدر)
ملك بفرحه وكسوف:  طب امشى امشى
عمرو وهو بيقرب من الباب: ماشى همشى بس على فكره شعرك حلو
ملك فضلت تلف فى الاوضه بفرحه ورمت نفسها على السرير
ملك لنفسها:*هستنى عشانك العمرو كله دى اصلا روايه وانت بطلها بحبك*
عمرو بيخبط على اوضه دلال: ماما
دلال: ادخل ياعمرو
عمرو: بابا هيبعت الورق بتاعى النهارده
دلال: عارفه ابوك قالى
عمرو: طيب وبعدين
دلال: اطلع لخالك وهو هيجى معاك
عمرو: طيب ماشى مش عايزه حاجه
دلال: سيبنى انام بقى اطلع بره
عمرو: هههه حاضر تحبى اجيب جردل مايه وادلقه عاليكى
دلال بزعيق: اطلع بره يالا اطلع قال جردل مايه قال
عمرو وهو طالع لخاله فوق لقى احمد نازل جرى
عمرو: احمد احمد
احمد سمعه ومردش
عمرو: ماله ده كمان يوم غريب
بعد ماطلع الشقه عمرو لقى خالد بيلبس الكوتشى ونازل
عمرو: هو اخوك ماله
خالد: خطيبته ياعم
عمرو: مالها
خالد: طلعت ماشيه مع اربع رجاله غيره وواحد صاحبه شافها امبارح طالعه شقة مع واحد
عمرو بدهشه: يانهار ازرق طيب خطبها ليه من الاول
خالد: كان بيحبها بعدين كانت محترمه وهاديه
عمرو: طب روح الحقو ليعمل فى نفسه حاجه
خالد: منا رايح اهو سلام
عمرو: خالد هو مين فيكوا اكبر
خالد: انا اكبر من احمد ب 3 دقايق
عمرو: ياه كتير اوى
خالد: انا ماشى سلام
عمرو: سلام...خالو خالو
محمد كان لسه صاحى من النوم: امم نعم
عمرو: صباح الخير
محمد: صباح النور
عمرو: فوق بقى كده عشان نجيب الورق و نقدم فى المدرسه
محمد وهو بيتاوب: حاضر حاضر هغسل وشى بس
عمرو: طب بسرعه يلا
محمد: حاضر...... والله العظيم انتوا لو ولادى ماهعمل معاكوا كده
.
بعد 10 دقايق
عمرو: يلا ياخالو
محمد: ايه رايك
عمرو.: الله الله ايه الحلاوه دى
محمد بتناكه: ياابنى دى اقل حاجه عندى
عمرو: طيب انت ليه متجوزتش لحد دلوقتى
محمد عينه دمعت: بعدين بعدين ياعمرو
عمرو: انا ضايقتك
محمد: لا لا خالص
عمرو: طيب بدمع ليه
محمد: لا ياعمرو دا البرفان كتير وتلاقيه حرق عينى
عمرو: هعمل انى مصدقك بس لازم تقولى كل حاجه
محمد بضحك: ماشى يالمض
وهما نزلين لقيوا ملك ملك على باب الشقه
ملك:  انتوا رايحين فين
محمد: انتى اللى لبسه ومتشيكه كده ليه
ملك: دى اقل حاجه عندى قم ان لبسى كله كده
عمرو: دى وراثه بقى حالة الشياكه دى ههههههههههه
محمد: بس يلا اتلم
عمرو: حاضر
محمد: احنا رايحين نجيب ورق عمرو عشان نقدم ليه فى المدرسه
ملك: امم طب ممكن اجى معاكوا
محمد: للأسف
ملك زعلت
محمد بضحك: للاسف ممكن
ملك بفرحه: هيه هاقول لماما واجى
دخلت وقالت لمامتها وخرجت
ملك: يلا
محمد: يلا
.
.
راحوا على مكتب البريد و طول الطريق عمرو بيبص لملك وكأنه عايز يقول حاجه ومش عارف
محمد: دلوقتى هنروح المدرسه
عمرو: تمام
ملك: مدرستى
محمد: بالظبط
عمرو: مدرستك
محمد: ايوه يا عمور خدمت عمرك اهو
عمرو: حبيبى حبيبى حبيبى
فى المدرسه
المدير: اتفضل يامحمد
محمد: ازيك يافندم
المدير: بخير الحمدلله
محمد: يارب دايما
المدير: اؤمور يا محمد
محمد: ان كنت عايز اقدم ورق عمرو ابن اختى عندكم
المدير: بس باب التقديم قفل
محمد: احنا عندنا عشم فى حضرتك برضو
المدير: طيب ايه اللى اخركم فى التقديم
محمد: ده عمرو ابن دلال وكانوا فى قطر وهو لسه نازل من حوالى اسبوع هو فى 3 ثانوى
المدير: خلاص هنوافق على التقديم
محمد: شكرا يافندم
المدير وهو بيكلم عمرو: خلى ملوكه بقى تقولك القوانين دى اكتر بنت ملتزمه ومحبوبه فى المدرسه وفوق ده متفوقه
ملك: ميرسى لحضرتك
المدير: جهزى نفسك تكريم اوائل الطلبه اول يوم دراسه وطبعا المركز الاول زى كل سنه ملك محفوظ
ملك: ميرسى ميرسى ان شاء الله ابقى عند حسن ظن حضرتك دايما
المدير: ان شاء الله
محمد: عن اظن حضرتك سلام
المدير: سلام
بعد ماخرجوا
عمرو: انا جعان تعالوا بقى نروح اى كافيه او مطعم وبالمره تحكيلى انت ليه متجوزتش
محمد: وانا كمان وهحكيلك عشان تعرف انا ليه بساعدك انت وملك
.
.
راحوا مطعم وطلبوا اكل
عمرو  :  ها احكى بقى
ملك:  يلا ياخالو عايزه اعرف انا كمان
محمد بتنهيده:  اسمعو ايام الكليه
Flash back ايام الجامعه
محمد: يا موزه ياعسل انتى يابت
ملك حبيبت محمد: بس يا بابا وامشى من هنا
محمد: ارجوكى حنى عاليا شويه
ملك: تؤ وامشى بدل ما تشوف الوش التانى
محمد: وانا نفسى اشوف الوش التانى ده
ملك: استغفر الله العظيم انت عايز ايه يامحمد
محمد:  خلاص بقى متزعاليش
ملك:  لا هزعل عشان تفضل طول اليوم متكلمنيش وتخلينى قلقانه عاليك
محمد:  خلاص بقى وانتى قمر كده
ملك:  ها طول عمرى
محمد:  طب خلاص بقى والنبى دا انا وانتى لابسين نفس اللون
ملك بأبتسامه:  طيب خلاص
محمد:  يالهوى على القمر لما يضحك
ملك:  بس بقى ايه رايك في تسريحة شعرى
محمد بضحك:  حلوه اوى الكحكه بسكر دى بتفكرنى بزرار المسابقات فى من سيربح المليون هههه
ملك: انت بتضحك عاليا ماشى (وسابته ومشيت)
محمد مسك ايدها: خدى بس والله قمر بس اقعدى
ملك: طب هاتيجي تكلم بابا امتى
محمد: النهارده قبل بكره بس ابوكى مش تايقنى اصلا ولازم اج....هز
ملك: فى ايه
بصت وراها لقيت باباها
ملك بصدمه: بابى
جابر ابو ملك: ايوه بابى اتفضلى معايا يا انسه
محمد: عمى
جابر: اخرس مسمعش صوتك واياك تكلم بنتى تانى انت مين عشان تكلم ملك جابر ها
محمد: انا انا بحبها
جابر: ها بتحبها انا هقولك كلمه بس اوعى تنساها *مش اى حاجه بنحباها بتكون لينا * سلام
محمد: فضل قاعد مصدوم وروح البيت استنى ان ملك تكلمه مكلمتهوش وعدى يوم وتلاته واسبوع وشهر وايامه زى بعض بيروح الكليه وبيذاكر والمذاكره كانت ممله اوى لحد ماجه يوم وجابر كلمه
جابر: الو يامحمد
محمد: الو مين
جابر: انا جابر ابو ملك
محمد قام بسرعه: اذيك ياعمى هى ملك حصلها حاجه ولا ايه
جابر: لا ياحبيبى بس ياريت تجيلى المستشفى حالا محتاجك فى موضوع
محمد: حاضر حاضر ثوانى وهكون عند حضرتك
ركب العربيه وراح المستشفى
محمد: عمى جابر
جابر: محمد تعالى
محمد: طمنى فى ايه
جابر: بص يابنى انا عمرى ماكان همى الفلوس ولا الغنا ابدا 
محمد: بجد مهو كان باين لماحضرتك.....
جابر مقاطع محمد: والله كان غصب عنى ملك عندها كانسر ومكنتش تعرف ولما حالتها بقت خطر بعدتكم عن بعض عشان قلبها مش يتكسر لو انت بعدت عنها لو متحملتش مرضها
محمد بصدمه: كانسر
جابر: ايوه
محمد: والله ياعمى لو كان عندها ايه هفضل جمبها عارف ليه *لانى عمرى ماحبيت حد قد.ماحبيتها وعمرى ما ارتحت قد ما ارتحت معاها وانا مش عايز ابقى اب الا منها هى*
جابر  بفرحه:  بجد يابنى
محمد:  بجد بس هى فين عايز اشوفها
جابر:  هى فى الاوضه بس انت مش زعلان منى
محمد:  تؤ تؤ بس ودينى ليها بقى
جابر  :  حاضر يلا
راحوا الاوضه ومحمد دخل الاول
ملك بدهشه وعياط:  محمد!!
محمد  قرب منها وحضنها:  بس مش عايز اشوف دمعتك عشان.. عشان بحبك ودمعتك غاليه
ملك بعياط:  بس خلاص يا محمد مش بقيت بنت غير فى البطاقه بس
محمد بصلها ومسك وشها:  بصى فى عينى كده.. بقولك بصى فى عينى
ملك بصت فى عينه
محمد:  عارفه انا شايف ايه.. انا شايف قمر  .... قمر غير كده مش يهمنى حاجه خالص فهمه
ملك:  متأكد انك عايز تكمل معايا
محمد:  تؤ هفكر
ملك:  نعم
محمد بضحك:  يابت بهزر طبعا موافق..بس لازم مراتى تبقى اقوى من الكانسر
وحضنها
ملك:  ماشى بس برضو انت لازم تذاكر السنه دى جامد عشان تبقى اكبر مهندس معمارى فى الدنيا دى اخر سنه ليك
محمد:  عنيا ليكى بس ممكن ترتاحى دلوقتى
ملك بفرحه:  ماشى
خرج محمد من الغرفه
محمد:  انا ماشى ياعمى دلوقتى عشان مش يقلقوا عاليا فى البيت
جابر:  ماشى يا ابنى سلام
محمد روح وبعد. ماروح بساعه دخل نام وصحى على  تليفونه وهو بيرن برقم جابر
محمد  بنعاس:  الو ياعمى فى حاجه لا ايه
جابر بعياط:  ملك ملك تعيش انت يا ابنى
محمد بصدمه:  انت بتهزر صح اكيد بتهزر
جابر:  هى دى فيها هزار
محمد نزل بسرعه وركب العربيه وراح المستشفى
محمد:  ملك فين اشوفها اشوفها ياعنى والنبى
جابر:  خلاص يا ابنى ماتت
محمد بصراخ:  لا لا لا
نرجع للواقع فى الكافيه
ملك بصدمه:  ماتت وكنت مسمينى على اسمها وكل ده ومقولتش ليا
محمد:  اهدى يا ملك انا مقولتش ليكى الا لما ارتبطى بعمرو عشان تعرفى قيمه اللى بتحبيه كويس *لان احساس الامان والراحه اللى بنحسه مع حد بنحبه استحاله يتكرر تانى ابدا*
عمرو:  وعملت ايه بعد ما ماتت
محمد: ذاكرت السنه دى جامد عشان افرحها فى قبرها وبقيت مهندس كبير زى ما انتو شايفين
ملك:  كنت بتقرب منها ليه ياخالو مش انت دايما بتقول مينفعش حد يلمسك
محمد:  ايوه قولت بس وقتها كنت صغير محدش كان بينصحنى و كان فى وقتنا الكل بيعمل كده ولما كبرت فهمت ان كده كان غلط وحرام واستغفرت ربنا
عمرو:  طيب مفكرتش تتجوز غيرها او..
محمد مقاطع عمرو:  عمرى ما فكرت انى احب وحده تانيه لان ملك خطفتنى من اول نظره وبعدين لو كان خيرا لبقى انا عايزكوا تحفظوها كويس انتوا لو خير لبعض هتفضلوا لو مش خير هتبعدوا
عمرو بص لملك.: عمرى ماهسيبها عشان بحبها انا ارتحت معاها
ملك:  وانا كمان
محمد:  ربنا يخليكوا لبعض بس كله بأمر ربنا فى الاخر
عمرو:  وربنا عمره ماهيفرق بين قلوب اجتمعت لديها نفس الرغبه
محمد بأبتسامه:  ان شاء الله انا هروح الحمام مش هتأخر
بعد ما مشى
عمرو:  امم المدرسه بقى ايه شروطها او قوانينها وايه حكاية اوائل الطلبه دى
ملك:  بص المدرسه ليها زى موحد و بنروح الساعه 6 وبنخرج الساعه 2 واوائل الطلبه دى لازم تجهز ليها عشان تصورنى بالايفون بتاعك
عمرو:  جاهز دايما
ملك:  طب ورينى كده اشوف كاميرته
عمرو:  اتفضلى
ملك اخدت التليفون:  الله حلوه اوى
عمرو:  طب اتصورى
ملك سابت التليفون من ايدها:  لا لا انا مش بتصور على تليفون حد
عمرو:  هو انا بحبك من شويه
ملك بكسوف:  طيب اسكت
عمرو  افتكر احمد.:  احمد.. الو الو يا احمد انت فين
احمد:  فى البيت
عمرو:  عملت ايه ولا ايه اللى حصل
احمد:  لما تيجى هحكيلك
عمرو:  ماشى سلام
ملك:  هو فى ايه
عمرو:  لا يا لوكا متخديش فى بالك
محمد  :  ايه اتأخرت
عمرو:  لا ابدا
محمد:  طيب يلا ولا هتفضلوا هنا
ملك:  لا يلا عشان حتى الحق اصلى
محمد:  طيب يلا
.
.
فى قطر
زايد:  شو بتقصد بأنك ماراح تشتغل معى
مجدى:  اللى سمعته انا هنزل مصر
زايد:  راح تندم يا مجدى
مجدى: ربنا الحارس وادام انا رافض حاجه عشان ارضى ربنا يبقى ربنا مش هيسبنى ابدا يا زايد فاهم
زايد: هاد اخر كلام عندك
مجدى: ايوه
زايد: تمام وبتمنى تعقل ابوك يا مدحت
مدحت: ابويا عاقل طول عمره وعمل الصح نورت
زايد بنرفزه: ماشى
مجدى: مدحت جهز ورق السفر لمصر هنفتح بنك هناك عاؤز تقارير وافيه بكل التفاصيل بكره وشوف انسب وقت للسفر
مدحت: تمام
مجدى نفسه: استر يارب استر يارب
.
.
فى مصر فى منزل المكاوى بالتحديد فى شقه معتز
اسلام بزعيق: انت بتضربنى يا بابا
معتز: ايوه واقتلك كمان لما تنام مع بنت مش مراتك يبقى امد ايدى
مياده: ابنى يا معتز مش تضربه
معتز: مهو من دلعك فيهم عيالك طلعوا بايظين البنت بتلبس حاجات مش ينفع تتلبس وكل يوم تصاخب واحد.وده كله عشان ابقى open mind (متفتح) ومش ابقى ريفى والولاد طلعوا عيال مش يعتمد عاليهم ابدا ابدا واحد بينام مع بنات والتانى الله اعلم بيعمل ايه فى الايام اللى بيغبها عن البيت حتى الكليه دخلتيهم خاص عشان مجموعهم مش جاب اى كليه وكمان كانوا بيغشوا فى الثانوى ومش جابوا مجموع امال بقى لو كان بمجهودهم كانوا عملو ايه دى بقت عيشه تقرف اووف
مياده: Cela m'a vraiment divorcé si je le voulais (كده كتير بجد طلقنى لو حابب بالفرنساى)
معتز: وحياة ابومى بلاش عوجت اللسان دى واتكلمى زى الناس
مياده: اووف  انا ماشيه راحه الكوافير سلام
.
.
فى منزل عائلت ملك
عمرو: يالهوى يعنى فى الاخر طلعت مدوراها
احمد: امم
عمرو: طيب ياعم فى داهيه متزعلش نفسك انت اكتشفتها على حقيقتها
احمد: والله ياابنى مافارق معايا بس كانت تخونى مع واحد اغنى منى كنت قولت ماشى واحد احلى منى كنت قولت ماشى واحد اطول منى كنت قولت ماشى لاكن تخونى مع واد عامل شبه  شيبوب اخو عنتر ده اللى قهر نفسيتى اوى دا انا صرخت فيه لقيته وقع على الارض
خالد وعمرو: ههههههههههه حرام هنموووت
عمرو: ده اللى مزعلك خلاص ياعن فكك بقى شكلها بتخب الوحشين
خالد: على راى عمرو فكك احنا بداية الدراسه ندخل الجامعه ولا كأن حاجه حصلت هتلاقيها راجعه زحفه على بطنها
احمد: ياعم دى فكرانى هزعل عاليها طيب واللهى انا مكنت بفتكر انى خاطب غير لم فاتن تزعق وتقولى انت مخطوب دا انا ليل نهار بلعب بابجى مش فاضى ليها هو انا كنت بحبها بس كان عادى يعنى لو مكلمتتيش عادى.مش بتوحشنى انا هطبتها لانى مش بحب اعمل حاجه فى الخفا
خالد: انت صح يا اخويا
عمرو: ايوه صح كده
احمد: طيب نامو نامو
.
.
.
بعد اسبوع كانت ملك ومامتها راحوا بيتهم
ذينب دخله تصحى ملك
ذينب: ملك ملك
لقيت ملك بتصلى
ذينب: ربنا يهديكى يابنتى
ملك: مام صباح الخير يا ست الكل
ذينب: صباح النور يا قلبى انا بعملك السندوتشات وهعمل حساب عموره معاكى هيعدى عاليكى هو وخالك يوصلوكى
ملك بفرحه: بجد
ذينب: ايوه انتى فرحانه اوى كده ليه اهدى يابت شويه
ملك: يا ماما هتكرم اوائل طلبه النهارده
ذينب: يارب اوائل طلبه دايما يارب انا مش عايزه غير اوائل طلبه فى 3ثانوى تحققى حلم ابوكى الله يرحمه
ملك: ان شاء الله
سمعت صوت عربيه محمد
ملك: يلا بقى عشان انزل..سلام يا ماما
ذينب: سلام يا قلبى
نزلت من البيت و اول ما عمرو شافها
عمرو: اوه هى ملك حلوه بهدوم المدرسه كده ولا عشان بحبها ولا ايه بالظبط
محمد: اتلم يلا ملك طول عمرها قمر
ملك: صباح الخير
عمرو ومحمد فى نفس واحد: صباح النور
محمد: البوسه.بتاعت خالو يلا
ملك باست خالها: يلا بقى عندى تكريم النهارده
عمرو: شكلك حلو اوى
ملك بكسوف: ميرسى ميرسى
محمد: تاخدوا بالكوا من بعض
ملك: حاضر
محمد: عمرو تعامل ملك كأنها اختك فى بنات بتكرها هناك وهتستنى ليها اى غلطه هى بنت خالتك بس فاهم
عمرو: فاهم فاهم
ملك: عين الايفون بتاعك البنات هتحرى عاليك اول ماتشوفه
عمرو: انا قمر.اصلا هما هيجروا لوحدهم
ملك بنرفزه: تبقى وحده تتجراء كده وتعملها وانا هخلى وشها شوارع
عمرو بخضه: ملك مالك فى ايه
محمد: خلى بالك ملك شريره جدا
عمرو بخضه: اخدت بالى استر يارب استر يارب
.
.
.
.
يتبع
بقلم: شهد شعلان