قدر

الفصل الخامس عشر

Part 15
ملك منهاره من العياط
فاتن دخلت الاوضه واتخضت: يالهوى مالك ياملك فيكى ايه بت ردى عاليا بتعيطى كده ليه
ملك بعياط جامد: ع ع عمرو
فاتن اتخضت: ماله حصل ليه حاجه
ملك بزعيق وعياط: ياريت كان حصل ليه ولا عمل فى قلبى كده
فاتن: طيب اهدى وفهمينى بس
ملك: الاستاذ المحترم اللى قال انه بيحبنى وقراء فتحتى طلع بيعطف عاليا يافاتن وكمان هو دلوقتى بيقابل ميرنا هانم وبيقولها انه بيحبها وانه كان بيعطف عاليا وانى نكديه
فاتن: طيب اهدى كده وانا هكلمه اخليه يجى وافهم منه ايه اللى حصل بالظبط
ملك: اللى حصل ان الرجاله كلهم اندال
فاتن: اهدى بس اهدى وفكرى
ملك: انا مش هعرف اكمل مع عمرو خالص اللى يوجع قلبى كده مقدرش اعيش معاه ثانيه وحده
فاتن: بصى القرار اللى يريح قلبك هو الصح
ملك: انا هبعد من سكت عمرو (وخلعت الخاتم والسلسله اللى عمرو كان جابهم ليها)
فاتن: خلاص لو كده قلبك هيرتاح خلاص
ملك: قلبى عمرو ما هيرتاح عارفه ليه عشان امى هى السبب فى اللى حصل لو كانت رفضت الموضوع خالص كان قلبى هيفضل سليم مش هينكسر ابدا ابدا
فاتن وملك فى نفس واحد: حسبنا الله ونعم الوكيل حسبنا الله ونعم الوكيل
ذينب قامت مفزوعه من النوم: لا لا لا ياملك انا اسفه (فضلت تبص حواليها بأستغراب) حلم ده كله طلع حلم لا بس اكيد ليه سبب
وقامت جرى على الصاله
ذينب: ملك ملك
ملك: نعم ياماما
ذينب لقيت عمرو وملك قعدين بيذاكرو
عمرو: صباح الخير ياخالتو
ذينب بتوتر: صباح النور.... هو مامتك وخالتك مجده فين
عمرو: ماما وخالتى فوق على السطح
ذينب: ماشى ماشى كملوا مذاكره يلا ربنا ينجحكم
(ولبست الخمار وطلعت على السطح)
عمرو بأستغراب: هى مامتك مالها
ملك: مش عارفه ممكن تكون متوتره عشان الفتره اللى فاتت وكده
عمرو: معرفش ممكن
ملك: طيب كمل مذاكره يلا بطل لعب انا عايزه مجموع 100% فاهم
عمرو بأبتسامه: والله لو عايزاها 101%اجيبهولك
ملك: طيب بطل بقى وذاكر
عمرو: حاضر حاضر ههه
.
.
.
فى منزل المكاوى بالتحديد فى شقه محمد
خديجه: بصوا يابنات الخمار ميتخلعش ابدا فهمين
منى: ماشى ياماما
مكه: ماشى يا ماما بس ليه
خديجه: حلو انكم سألتو يابنات دلوقتى ولاد عمكم معتز مش كويسين تمام وبنتهم كمان المفروض اقولكم قربوا منها و قولوا ليها الصح والغلط بس لا البنت دى هتفضل تتريق وانتوا حساسين تمام فياريت الخمار ميتخلعش ابدا الا فى النوم او لما الشقه تتقفل عالينا حتى انا هفضل لبسه النقاب لحد ما اقفل باب الشقه فاهمين
البنات: فهمين يا ماما
منى: طيب عمرو ومدحت زيهم
خديجه: اخرسى ايه اللى جاب عمرو ومدحت لاسلام وكريم عمرو ومدحت دول ينضرب بيهم المثل

.
.
فى شقه معتز بالتحديد فى غرفه ميرنا
ميرنا بتكلم ولد فيديو كول
الولد: ايه ده انتى طلعتى حلوه زى الصور اهو
ميرنا بتناكه: اها عارفه انى حلوه
الولد: ممكن نتقابل
ميرنا: امممم هتخرجنى فين
الولد: اى مكان تختاريه
ميرنا بفرحه: اوكيه موافقه الساعه 9 بليل كويس
الولد: جدا اعدى عاليكى بالعربيه ولا هاتيجى انتى
ميرنا: اجى فين هتخرجنى فين بالظبط انا مش فى دماغى اى مكان دلوقتى
الولد: احنا عاملين بارتى صغير كده فى الفيلا عندى لو تحبى تيجى Okay
ميرنا بتسرع: Okay جايه ابقى تعالى خدنى بقى
الولد: اشطا
ميرنا: اه صح اسمك ايه
الولد: مصطفى
ميرنا: okay ياصاصا سلام بقى عشان اجهز نفسى للبارتى
ميرنا لنفسها: اه ايه ده ممكن فعلا ربنا يعوضنى بحد احسن من عمرو يهتم بيا مش عارفه انا مش هخسر حاجه ادينى هجرب النهارده لو ارتحت معاه يبقى ده عوض
.
.
.
فى بنك استثماري بأسم المكاوى
مدحت: اه بجد يابابا وسط كل الظروف اللى حصلت برضو دورت على مكان وظبطوا
فاتن: بجد ياعمى حضرتك حاجه عظيمه جدا
مجدى: كان نفسى دلال تبقى جمبى فى الوقت ده دايما بتبقى واقفه جمبى
مدحت: معلش يابابا بس هى زعلانه على فراق النينه
مجدى: منا كمان زعلان واكتر منكم كمان ننتك دى هى اللى سهلة جوازى انا وامك جدك مكنش عايزنا نسافر بس هى اقنعته (وبدا يدمع) ربنا يرحمك يارب
فاتن: انت بتعيط يا عمو...ربنا يرحمها بس اظن ان خالتى مكنتش هتحب تشوفك كده ولا ايه
مدحت: صح يا بابا فوق وروق بقى
مجدى مسح دموعه وابتسم: امشى انت وهى من هنا يلا شوفوا شغلكوا
مدحت وفاتن ضحكوا: حاضر
مدحت: يلا ياست فاتن عشان بابا بيطردنا ههه
فاتن: ماشى ياعمو شكرا
ومشيوا وهما فى الطريق
فاتن: انا مكتبى فين
مدحت: جمبى
فاتن: مبهزرش مكتبى فين
مدحت: قولت جمبى انا وانتى فى مكتب واحد انا مش هخليكى تقعدى مع حد غريب انتى فهمه
فاتن: خلاص خلاص متعصبش نفسك فهمت
.
.
.
.
فى منزل عائلة ملك بالتحديد على السطح
ذينب بعياط: ها اعمل ايه دلوقتى بقى ابنك لو كسر قلب بنتى والله ما يكفينى فيها عمرو ملك لا يا دلال
دلال حضنت ذينب: اهدى بس ده حلم وانا احلفلك برحمت امى ان عمرو عمروه ما هيكسر قلبها عشان بيحبها يا ذينب
ذينب: طيب والحلم
دلال: ده مجرد حلم يا ذوبه
محمد: بخ انا جيت...اه ده مالكوا فى ايه ذينب انتى بتعيطى ليه ملك جرا ليها حاجه ما تتكلمى
ذينب: اهدى يامحمد بس ملك كويسه وبتذاكر تحت
محمد: طيب بتعيطى ليه
ذينب بتوتر: اصلى حلمت ان عمرو كسر قلب ملك وملك فضلت تدعى عاليا
محمد: متخافيش عمرو بيحبها عمرو ما هيكسر قلبها او اى حاجه من دى متخافيش
دلال: قول ليها يا محمد
محمد: خلاص هى هديت صح
ذينب: صح
محمد: طيب مجده فين
دلال: بتتكلم فى التليفون وجايه
محمد: ماشى انا نازل عايزين حاجه
دلال: سلمتك
محمدنزل لملك وعمرو تحت
محمد: حبايب خالو بيعملوا ايه
ملك: بنذاكر ياخالو
محمد: كويس انا عايزك ياعمرو تعالى ثانيه
عمرو: حاضر جاى اهو... نعم ياخالو
محمد: اقفل الباب
عمرو: حاضر... قفلته
محمد: تعالى بقى عشان فى حاجات لازم تتحدد دلوقتى
عمرو: حاجات ايه
محمد: انت بتحب ملك
عمرو: ايه السوال ده طبعا بحبها
محمد: يعنى عمرك ماهتكسر قلبها ولا هتجرحها ابدا
عمرو: عمرى ما اعمل حاجه زى كده ابدا
محمد: بص ملك دى بنتى واقسم بالله ان حد زعلها فى يوم من الايام ولو حتى بالغلط مش هيكفينى فيه عمره فلو انت مش حاسس نفسك هترتاح مع ملك قول من دلوقتى قبل ماندخل فى مرحله محدش يعرف يطلع منها ابدا
عمرو: انا بحب ملك ومش عايز اسيبها وايوه انا مرتاح معاها جدا انا عمرى ما ارتحت مع حد غير وانا معاها يا خالو
محمد بأبتسامه: طيب اطلع بقى كمل مذاكره ومتقولش ليها انا كنت عايزك فى ايه
عمرو: تمام
.
.
.
.
.
فى شقه كريم
مريم: بص ياكريم انا لقيت خطه متخرش المَيه نجيب فلوس‌‌ بيها
كريم بملل: ابهرينى
مريم: هتروح لابوك وتقول لابوك إن انت عرفت غلطك وانك طلقتنى وهنعمل ورقه مضروبه تديهالو فاهم مضروبه
كريم: فاهم بس كملى
مريم: ممكن يشتمك او يهزقك ويفضل يأنب فيك بس انت خليك مؤدب واسمع الكلام وحاول تعيط انا عرفاك فى العياط.. ولو سامحك خير وبركه لو مش سامحك قوله انا كده هقعد فى الشارع ومش هسامحك ابدا ابدا
كريم: نفترض انه سامحنى هنعمل ايه
مريم: هتفضل معاه وتنزل معاه الشغل لحد ماتخليه يمضى على الورقه دى
كريم: ورقه ايه ده
مريم: ده الكارت الكسبان دى ورقه تنازل عن جميع املاكه لحسابك انت
كريم: يخربيت عقلك
مريم: ها ايه رايك
كريم: شريره بس حلوه
مريم: هتنفذ بكره.. بس اسمع هتيجى ليا يومين او تلاته فى الاسبوع مش كل يوم عشان مش يشك فيك
كريم: هيبقى صعب بس هحاول
.
.
.
فى المساء
.
.
فى منزل عائلة المكاوى بالتحديد فى شقه معتز
مياده: واو ايه الحلاوه والجمال ده شكلك حلو اوى
ميرنا: ميرسى يا مامى (ميرنا كانت لابسه فستان اسود بيلمع بدون اكمام وعاليه شال شفاف بيلمع وعمله تسريحه بسيطه وميك اب بسيط)
مياده: اوعى تتأخرى يا ميرنا
ميرنا: Okay يامامى باى بقى مصطفى مستنينى تحت
مياده: باى ياروح قلب مامى
وميرنا نزلت لمصطفى وهى نزله شافتها منى و مكه
منى ومكه فى نفس واحد: استغفر الله العظيم واتوب اليه
منى: هى خارجه كده انا كنت فكره ماما تقصد حاجه تانيه بأنهم مش كويسين طلعت بالمنظر ده
مكه: عندك يا منى ميينا دى طلعت فظيعه
منى: ولسه هنشوف
ميرنا خرج لقيت مصطفى مستنيها قدام البيت
مصطفى: واو ايه الحلاوه دى
ميرنا بخجل: ميرسى اوى يامصطفى
مصطفى: ميرسى على ايه بس.. اركبى يلا
ركبوا العربيه ومشيوا
ميرنا: انت بتشتغل ايه يامصطفى
مصطفى: انا بدرس هندسه لسه وانتى
ميرنا: انا فى 3 ثانوى لسه
مصطفى: كويس خلصى بسرعه بقى
ميرنا: اخلص بسرعه ليه
مصطفى: خلصى وخلاص
وفجئاه العربيه وقفت فى طريق ضلمه
ميرنا بصريخ ونطت فى حضن مصطفى: اه اه إيد النور يامصطفى إيدو إيدو اه اه
مصطفى حضنها: طيب اهدى بس اهدى اهدى (شغل نور العربيه)
ميرنا قامت: سورى بس بخاف من الضلمه اوى
مصطفى قرب منها اوى: بصى ياميرنا طول ما انا جمبك مش عايزك تخافى ابدا من اى حاجه
ميرنا بصت فى الارض ومتكلمتش
مصطفى رفع راسها: ميرنا عايز ارتبط بيكى مش نبقى اصحاب بس
ميرنا بدهشه وخجل: نعم
مصطفى: ايوه عارف انها جت بدرى اوى بس انا لو مكنتش مرتاحلك مكنتش كلمتك ولا خرجنا سوا... بصى انا مش عايزك تتسرعى فكرى وشوفى انتى مرتاحه معايا ولا لا لو مرتاحه نكمل مع بعض لو مش مرتاحه مستعد ابعد
ميرنا بكسوف: طيب ممكن نروح البارتى بقى عشان مش نتأخر
مصطفى: ماشى
.
.
.
.
فى فيلا كبيره زات تصميم كلاسيكى وفخم
مصطفى: انزلى يلا
ونزلوا ودخلوا البارتى
ميرنا مسكت ايد مصطفى: مصطفى اوعى تسيبنى
مصطفى قرب منها وهمس: انا اصلا مقدرش ابعد
ميرنا ابتسمت وسكتت
وفضلو قعدين يتكلموا ويتعرفا على بعض اكتر وهما بيتكلموا شال ميرنا وقع من على كتفها ومصطفى عدله ليها
مصطفى: موافقه ترتبطى بيا ياميرنا
ميرنا بسرعه: موافقه انا مرتاحه فى الكلام معاك
مصطفى مد ايده لميرنا: طيب تعالى نرقص بحب الاغنيه دى اوى
ميرنا: وانا كمان بحب الاغنيه دى اوى يلا
حط ايده على وسطها وحضنها ورقصوا سلو
مصطفى همس ليها: بحبك
ميرنا زقت مصطفى وجريت على بره وهى بتعيط
مصطفى جرى وراها وشدها من ايدها: فى ايه يا ميرنا مالك
ميرنا: ابعد عنى انت بتلعب بيا يا مصطفى
مصطفى: بلعب بيكى ازاى مش فاهم
ميرنا: شويه تقولى نتصاحب وشويه تقول نرتبط ودلوقتى تقول بحبك وشويه وتقول اتجوزينى صح
مصطفى: انتى لو شايفه كده برحتك بس انا عمرى ماكنت من النوع ده خالص انا قولتلك نتصاخب لان لو كنت قولتلك من الاول نرتبط مكنتيش هتدينى فرصه ولما حسيت براحه معاكى وفوق كده انا مكنتش شايف ولا بنت فى الحفله غيرك مع العلم ان الحفله كلها بنات
ميرنا: يعنى مش بتلعب بيا
مصطفى: ولا فكرت العب بيكى انا بحبك ولو عيزانى اجى بكره اقول لاهلك انى بحبك هاجى
ميرنا: لا لا شويه كده
مصطفى: ماشى تعالى بقى اروحك عشان مش تتأخرى
.
.
.
.
.
فى منزل المكاوى بالتحديد فى بيت معتز
معتز بنرفزه: ايه اللى جابك هنا اطلع بره
كريم بعياط: انا اسف يا بابا
معتز: لسه فاكر ان ليك اب
كريم: والله انا حيوان وكمان غلطان ان اسف والله اخر مره ومعنتش هسهر ولا هكلم بنات وهنزل الشغل معاك تانى
معتز: فلوسك خلصت
كريم: لا فلوسى معايا لسه بس انت ابويا وانا عرفت غلطى انا اسف
معتز: والبنت اللى اتجوزتها
كريم: طلقتها حتى الورقه اهيه
معتز مسك الورقه: اممممم
كريم: ها يا بابا
معتز: تعالى فى حضنى بس اقسم بالله غلطه تانيه وانسى انى ابوك
كريم مسح دموعه وابتسم: موافق
معتز: سلم بقى على بنات عمك
منى: ازيك
كريم: الحمد الله
مكه: ازيك يا كييم
كريم ضحك: كييم انتى عندك حرف الراء ههه طيب قولى جرجير طب ريرى تعرفى تقولى ريريريريريري
مكه: على فكيه انت ظيف خالص ويخم بيضو
كريم بضحك: لو كل التهزيق حلو كده موافق ههههه طيب هزقى بعيد عن حرف الراء

الكل فضل يضحك
ميرنا: هاى
معتز: اتأخرتى ليه كنتى فين
ميرنا: سورى بابى بس كنت فى بارتى مع صحابى والوقت سرقنا
معتز بغضب مكتوم: طيب
.
.
.
.
.
يتبع
بقلم شهد شعلان