قدر

الفصل السادس عشر

Part 16
ميرنا دخلت الاوضه ورمت  نفسها على السرير  وفضلت تفكر: ياترا فعلا بيحبنى يا ترا هيجرح قلبى ولا لا اوووف انا تعبت من التفكير انا انام وبكره هفكر 
نامت وراحت فى النوم  
الساعه 3 الفجر تليفون ميرنا رن برقم هى مش شافته لانها كانت نايمه
ميرنا بنعاس: الو مين
المتصل: كده تنامى من غير ماتسمعينى صوتك بس تصدقى صوتك حلو برضو وانتى لسه صاحيه من النوم
ميرنا قامت بسرعه: مصطفى
مصطفى: ايوه مقدرتش انام الا لما اسمع صوتك
ميرنا اتكسفت وفضلت ساكته
مصطفى: بصى انا هسيبك تنامى وهكلمك بكره
ميرنا: ماشى
مصطفى: تصبحى على خير
ميرنا: وانت من اهله
.
.
.
.
.
.
فى منزل عائلة ملك
محمد:  يلا قوم ياعمرو قوم
عمرو:  والنبى خمس دقايق بالظبط وهقوم 
محمد:  قوم بقى يابنى الله
عمرو:  اهو قومت
محمد:  كويس تعالى بقى صلى
عمرو:  هصليه صبح
محمد:  قوم بدل ما ازعلك
عمرو:  خلاص هقوم
.
.
دلال:  لازم نرجع شقتنا بقى
مجده:  ليه كده ما انتى قعده معانا
دلال:  مجدى عايز يقعد ما اخواته هو مش بيقول بس انا بحسها هو نازل عشان يتونس بيهم
ذينب:  عندك حق بس برضو هتفضلى هناك على طول
دلال:  لا طبعا هاجى وخصوصا ان عمرو مش بتحلى ليه المذاكره غير مع ملك
مجده: طيب شوفى انتى هاتروحى امتى وعرفينى
دلال: بكره
مجده: يالهوى بسرعه كده
دلال: معلش حلو اوى كده
مجده وذينب بضيق: ماشى
.
.
.
.
فى الصباح
ملك: يلا ياعمرو هنتأخر على المدرسه
عمرو: اهدى بس...خلصت يلا
ومشيوا
ملك:بحب اوى انى اتمشى
عمرو: عارف وخصوصاً بقى مع عمور حبيبك
ملك: اتلم ياعمرو
عمرو: ماشى ياستى هتلم
ملك: امتحانك كمان 5 شهور شد حيلك
عمرو: انا متوتر خالص
ملك مسكت ايده: طول ما انا جمبك اوعى تتوتر وان شاء الله هتطلع الاول
عمرو بمزاح: تؤتؤتؤتؤ سيبى ايدى الله ولا اكمنى ولاد ولوحدى هتستفردى بيا
ملك بأحراج وضحك: ايه ده بتقول ايه هههه اسكت اسكت
عمروبضحك: حاضر..وان شاء الله هرفع راسك يا لوكا 
ملك: يارب يارب يا عمرو ووقتها تقدر تقول للعالم كله دى خطيبتى
عمرو بدهشه: بجد!
ملك بكسوف: ايوه وساعتها انا كمن هاقول ان خطيبت الدكتور
عمرو: يبقى101%  عشان خاطرك
ملك: ورينى
عمرو: هتشوفى
وكملوا مشى لحد ما راحوا المدرسه
.
.
.
فى بنك المكاوى
مدحت: اتفضل دى التقارير اللى حضرتك طلبتها
مجدى: كويس وفين تقارير الاسهم
مدحت: مع فاتن
مجدي:طيب ابعتها
مدحت: حاضر
وخرج من المكتب
مدحت: فاتن روحر لبابا بسرعه بتقرير الاسهم
فاتن: حاضر حاضر
مدحت فى نفسه: هنفضل كده كتير ولا ايه يا فاتن
.
.
.
.
فى منزل المكاوى بالتحديدفى شقة معتز
ميادة: ها احكى بقى ايه اللى حصل امبارح
ميرنا:  يالهوي يا مامى ركبنا العربيه ومشينا شويه وفضلنا نتكلم طلع فى هندسه وبعدين قالى انا مرتاح معاكى وعايز ارتبط بيكى
ميادة:  ها وبعدين قولتى ليه ايه
ميرنا:  مردتش وقال خدى وقتك ولو مش عايزه هنفضل صحاب عادى وانا همشى من حياتك عادى ولما وصلنا البارتى فضلنا نتكلم لحد ما سألنى موافقه ترتبطى بيا قولت ليه موافقه ورقصنا سلو واحنا بنرقص حضنى وقالى بحبك
ميادة: ها وبعدين
ميرنا: زقيتوا وطلعت اجرى وانا بعيط  وجرى ورايا وقال مالك فى ايه قولتلوا انت بتلعب بيا شويه تقولي نتصاحب وشويه نرتبط وشويه بحبك و شويه هاتيجى تقولى نتجوز 
ميادة: ها كملى
ميرنا: قالى لا انا قولتلك فى الاول نتصاحب عشان لو قولتلك نرتبط على طول مش هترضى ولما ارتحت معاكى قولتلك بحبك انا ارتحت معاكى لدرجه انى مكنتش شايف ولا بنت فى الحفله غيرك مع ان الحفله كانت مليانه بنات ولو عيزانى اروح لاهلك واقولهم انى بحبك هعمل كده  وقولته لا استنى شويه
ميادة: كويس اوى الولد ده طلع كويس 
ميرنا: امم
ميادة: طيب وانتى مرتاحه ليه
ميرنا: بصى يامامى الصراحه انا مرتحاله اوى وحسه براحه
ميادة: انتى لسه عرفاه امبارح
ميرنا: ايوه مهو ده اللى هيجننى انى عارفاه من يوم ومرتحاله كده
ميادة: يبقى انتى بتحبيه
ميرنا: انا حسه كده ياماما
اسلام: ماما انا عايز فلوس
ميادة: انت مش عندك امتحانات فى الكليه روح ذاكر
اسلام: ماما دماغى انا حر بعدين الدكاتره كل واحد بياخد اللى فيه النصيب وبنجح وخلاص على كده
ميادة بنرفزه: هو ده اللى انت فالح فيه عمرك مارفعت راسى
اسلام: ماما والله انا عامل دماغ والذن بتاع كل يوم ده مش عايزه انا نازل اووف
(ونزل وسابهم)
ميادة بخيبه امل: اه معرفتش اربى
ميرنا: ماما انا هرفع راسك متخافيش هذاكر السنادى لسه قدامى فرصه
ميادة بأبتسامه: ساعتها هترفعى راسى لفوق اوى اوى
ميرنا: هتشوفى يا ماما
قطع كلامهم  صوت دلال وعمرو  ومحمد عمهم
محمد: اذيك ياميرنا
ميرنا: الله يسلمك ياعمو..اذيك ياطنط..اذيك ياعمرو
عمرو ابتسم ليها وفضل مستغرب ويقو لنفسه: البت دى مالها غريبه يعنى مش جريت عاليا ولا عملت اى حاجه يلا ربنا يهديها
محمد: يلا يا عمرو
عمرو: ماشى يا عمو
دلال بصت بنظرة شر لمياده ومشيت
.
.
.
فى شقه مجدى
دلال: شكرا ياحج تعبناك
محمد: تعبكوا راحه انا نازل دلوقتى وشويه وخديجه هتجيلك 
دلال: ماشى ياحج
عمرو: انا طالع بقى فوق عضلاتى هتروح
دلال بضحك: هه طيب اطلع يا عم مازنجر
عمرو: اتريقى اتريقى
.
.
.
فى صاله الجيم
عمرو بيكلم نفسه بصوت عالى:  انشف ياعمرو انشف
دخل عاليه اسلام  وحط ايده على كتف عمر
اسلام:  عاش
عمرو: ايه اللى جابك هنا
اسلام: اصلى عامل دماغ وامى هتبوظها وانا مش ناقص قرف
عمرو:  بتقول على امك قرف
اسلام:  ما انتا مجربتش امى ابقى مظبط دماغى وايه وفى عالم تانى تيجى تفصلنى
عمرو:  ولو مينفعش برضو تقول عاليها كده
اسلام  طلع من جيبه سيجار:  خد جرب وخلى امك تكلمك هتحس بمعاناتى
عمرو خبط ايده ووقع السيجارة على الارض وزعق:  انت ايه شيطان ابعد عنى يا اخى ايه عايز تعمل فيا ايه
اسلام:  انا عايز مصلحتك دى بتظبط الدماغ على الاخر
عمرو بزعيق:  مش عايز يا اخى سيبنى فى حالى وامشى اتفضل
اسلام:  خليك كده (ونزل وسابو)
عمرو:  ابو شكلك عيل شيطان.....(كلم نفسه تانى) كمل ياعمرو يلا يا وحش
.
.
.
.
.
فى بنك المكاوى
احمد زميل فاتن ومدحت فى البنك:  اذيك يا استاذه فاتن
فاتن:  الحمدلله
احمد:  جبتلك اكل معايا
فاتن:  شك......
مدحت:  شكرا يا استاذ احمد جبتلها معايا
احمد:  زياده الخير خيرين
مدحت:  لا شكرا الخير بتاعى كفايه اتفضل بقى شوف شغلك
احمد:  ماشى يا مدحت
مدحت بنرفزه:  اتفضلى الاكل اهو
فاتن:  مالك متنرفز ليه
مدحت:  مافيش وكلى بقى عشان اقسم بالله لو شوفت حد تانى واقف يكلمك لزعله فهمه
فاتن بأبتسامه: خلاص خلاص فهمه
.
.
.
.
فى منزل عائلة ملك 
محمد:  هى تونه فين
مجده:  زمانها جايه
قطع كلامهم خبط الباب يعلن وصول فاتن ومدحت
محمد:  اهلا ومدحت كمان اتفضل
مجده:  حبيب خالتو عامل ايه
مدحت:  الحمدلله يا خالتو
مجده:  تقعد تتغدى معانا بقى
مدحت قام:  والله ما هقدر انا كلت انا وتونه فى البنك هروح اكلم بقى مع ماما عشان مش تزعل يلا عايزين حاجه
مجده ومحمد:  سلامتك
مدحت:  هعدى عاليكى بكره لحد ماتصلحى العربيه
فاتن:  شكرا يا سيدى
مدحت:  سلام
.
.
.
فى منزل المكاوى  بالتحديد فى شقه مجدى
دلال:  طيب براحه بس
مجده:  براحه ايه بقولك كل عريس ترفضو والعريس ده مش يترفض انا هتجنن
دلال:  طيب بصى انا هتكلم معاها متخافيش 
مجده:  هتجننى البت دى
دلال:  طيب مدحت جه اقفلى دلوقتى 
مجده:  ماشى سلام
مدحت:  فى ايه يا ماما خالتى فيها حاجه
دلال:  لا يا حبيبى دى فاتن جاى ليها عريس ومش موافقه
مدحت بنرفزه:  عريس ايه ده هو كمان هما اتهبلوا ولا ايه
دلال فى نفسها:  متنرفز لما سمع سيرة العريس اممم فهمت
دلال:  وانت مضايق ليه
مدحت بزعيق:  مضايق لا مش مضايق خالص هو انا كده مضايق اووف
دلال ابتسمت لمدحت
مدحت:  انتى بتضحكى ليه دلوقتى
دلال:  عاليك  يا حبيبى طيب يا ابنى مخبى ليه
مدحت  بتوتر  :  مخبى.... مخبى ايه
دلال:  انت بتحب فاتن يا مدحت
مدحت قعد وفضل ماسك راسه:  ايوه بحبها بحبها ومش عارف مش قادر اقولها ومش قادر انى اشوف حد قريب منها غيرى بموت لو شفت حد بيكلمها
دلال:  بص يا بنى قولها وهى هتفهمك صدقنى
مدحت:  طيب هشوف انا عايز انام دلوقتى عايزه حاجه
دلال:  مش هتاكل
مدحت:  كلت برا
دلال:  ماشى
مدحت دخل الاوضه وقفل الباب على نفسه ونام على السرير وفضل يكلم نفسه  :  ياترا يا تونه هتفهمينى ولا لا
.
دلال لنفسها:  اه يا ابنى صعبان عاليا
ودخل عمرو عاليها
عمرو:  ماما بصى بقى انا قرفت
دلال:  فى ايه
عمرو:  اسلام جه ليا فوق وفضل يدينى سجاير ويقولى حرب جرب
دلال بخضه:  يالهوى  وانت عملت ايه
عمرو:  هزقته و طردته
دلال:  ماشى ابعد من وشى بقى كده
ونزلت تحت لمياده وكانن فى الشقه لوحدها
دلال دخلت وقفلت باب الشقه وراها ومسكت مياده من شعرها
دلال:  بصى يا بت انتى انا طيبه بس اللى يجى على عيالى اكله عيالك الاوساخ دول يبعدوا عن عيالى فهمه بدل والله ما اقتلك واروح فيكى فى داهيه فهمه
وزقت مياده وسابتها وطلعت
مياده:  والله لندمك على الحركه دى يا دلال وهتشوفى
.دلال:  لو فيه فى عيلتك راجل ابقى ندمينى
.
.
.
.
يتبع
بقلم:  شهد شعلان