قدر

البارت الثانى عشر

Part 12(قدر)
مجدى: يلا يا دلال ده كله بتلبسى
دلال: خلاص خلصت اهو
مجدى: لا بس قمر
دلال: ماشى ياسيدى شكرا يلا بقى(مسكوا ايد بعض ومشيوا)
.
.
مدحت بأستغراب: عمرو انت لابس كده ليه
عمرو: هتعرف لمانوصل البيت(عمرو لابس قميص بتاع خالد وبنطلون احمد وكانو كبار اوى عاليه وكمان ريحه العرق باينه اوى)
مدحت: طيب حط. برفان على الاقل
عمرو: لا لا ارجوك كده حلو اوى
مدحت: ماشى ياعم الحلو يلا
.
.
فاتن: بصى يا لوكا لفى الطرحه على رقبتك هتبقى حلوه
ملك: كده
فاتن: بالظبط كده حلو اوى
ملك: طيب يلا بقى
.
.
مجده: معلش يامجدى بقى مش هعرف اجى عشان ماما وانت عارف ظروفها
مجدى: ياحببتى انا مقدر وكل يوم هاجى اطمن عاليها
مجده: تسلم يا مجدى ادخل بقى لماما شوفها
مجدى: ايه ده بجد دخلونى (دخل لام محمد الاوضه).. ايه الحلاوه دى يا حجه دا انتى احلى من دلال حتى فيكى الشباب عنها
ام محمد بضحك: يوه كُل بعقلى حلاوه يا واد
مجدى باس ايدها: والله هتفضلى قمر طول عمرك ياست الكل
ام محمد: الله يخليك يامجدى بص يابنى خلى بالك من البنات كلهم دلال، ذينب، مجده، واولادهم ملك، فاتن، مجدى، احمد، خالد، عمرو، مدحت دول وصيتى ارجوك
مجدى طبطب عاليها: ربنا يقوكى وانتى اللى هتخلى بالك منهم
ام محمد: يارب يارب.... روح بقى شوف انت رايح فين
مجدى باس راسها: ماشى ياست الكل سلام
الكل نزل وكل ومش شافوا بعض كان مدحت و عمروفى عربيه وملك وفاتن فى عربيه ودلال وذينب ومجدى فى عربيه
.
.
.
الكل ركب العربيات ووصلوا بيت المكاوى
ملك: واااااو
فاتن: يابنت المحظوظه ياملك هتتجوزى هنا
ملك: بس ياماما مش تنقى بس هههه
فاتن: لا حاشا لله انا مش بنق انا بحسد بس ههه
ملك بضحك: طب يلا ننزل
نزلوا من العربيه وياريتهم مانزلوا ملك وفاتن اتصدموا ولفوا وشهم وملك عينها دمعت
فاتن: اهدى ياملك اكيد فى سوء تفاهم
ملك وهى بتمسح دموعها: سوء تفاهم ايه اللى يخليه وحده تحضنه كده (اظن عرفتوا مين ايوه ميرنا وكانت لابسه شورت جينز وتيشرت من غير اكمام)
فاتن: ممكن قريبته
ملك بزعيق: منا قريبته (بصوت واطى) منا قريبته يبقى ليه الحق يحضنى
فاتن: طيب اهدى وهنفهم الموضوع كله بعدين
.
.
ميرنا بتنط فى حضن عمرو: وحشتنى يامورى اوى اوى
عمرو زقها: يابنتى انتى مش نافع لاهلك حاجه امشى من غير هدوم عشان تبعدى عنى يعنى
ميرنا: اخص عاليك دا انت روحى ونبض قلبى حتى بص
عمرو: ابعدى من وشى بدل اقسم بالله منا داخل البيت ده تانى
ميرنا: لا لا خلاص انا ماشيه (ودخلت البيت)
مدحت: انا فهمت دلوقتى دى سوزى النسخه المصريه صح
عمرو: يا اخى اتلهى دى سوزى كانت ارحم.....هى ملك وفاتن فين
مدحت: اهم هناك
عمرو: طيب تعالى نروح ليهم.......لوكا انتو واقفين كده ليه
فاتن: لا مافيش (خبطت ملك فى كتفها) كلمى كلمى
ملك: نعم يا استاذ عمرو فى حاجه
عمرو ومدحت فضلوا يبصوا ليعض
عمرو: ايه ده مالك فى ايه
ملك: لا مافيش روح لحبيبتك هناك روح
عمرو: ملك انا لسه مهزقها انها قربت منى مش ذنبى ان انتى لفيتى وشك
فاتن: طيب اهدوا بس كده فهمنى ياعمرو هى بتعمل كده ليه
عمرو: هتعرفوا لما نكمل اليوم سوا..بس والله ياملك مااقدر ابص لغيرك
مدحت: والله ياملك شوفى الواد عامل زى المتشردين ازاى ده كله عشان ميرنا دى مش تبصله
عمرو: شوفتى ظلمانى ازاى
ملك: ماشى
عمرو: يالهوى طيب بلاش المعامله الناشفه دى
فاتن: ولسه ملك رقيقه ايوه بس لما بتقلب مش هتعرفها
عمرو: اخ
مدحت: طيب يلا ندخل بقى عشان خالتك مياده هتقعد تتكلم
ملك: مين مياده
عمرو ومدحت بصوا لبعض وقالوا فى نفس واحد: هتعرفى لما ندخل
.
.
.
فاتن وملك بصوا لبعض بدهشه: ههه هى دى طنط مياده ياحلاوه
فاتن: خلى بالك بقى لان مياده دى بنتها هتفضل ورا عمرو لحد ماتوقعه
ملك بخوف: يالهوى وحياة امى ما هخليها تنولها ابدا
فاتن: طيب يلا ندخل بقى
فاتن وملك دخلوا
مياده بتناكه: هاااى
ملك بتناكه اكبر: هاااى
مدحت همس لعمرو فى ودنه: ملك دى خطيره
عمرو: يعنى بحب امها من شويه
مدحت: هتعلم مياده وميرنا الادب
عمرو بضحك: ههه على قولك
ميرنا بسهوكه: بس انت قمر اوى فى الهدوم دى يا ميرو
ملك: اها مهى حبيبته اللى اختارت ليه اللبس ده
ميرنا بصدمه: حبيبتك
عمرو: اها حبيبتى منا مرتبط
ميرنا عينها دمعت: اها ففهمت (ودخلت اوضتها)
مياده بقرف: تشربوا حاجه يابنات
ملك بتناكه: تؤتؤ
فاتن: احنا لسه هنشرب ما احنا شربنا من زمان
مياده: كويس
نص ساعه و وصل مجدى ودلال وذينب
مجدى: يلا ياولاد عشان نخلص الشقه بسرعه
ملك وفاتن: ماشى يا عمو
وفضلوا ساعه يظبطوا الشقه وعمرو ومدحت بيظبطوا الشقه اللى فوق عشان يعملوها چيم
بعد ماخلصوا
ملك اترمت على الكنبه: اخيرا
فاتن: بمووت ايه ده كله دى ولا شقه عروسه
.
.
فى منزل معتز
معتز: ميرنا مالها حبسه نفسها فى الاوضه
مياده: الاستاذ ابن اخوك طلع مرتبط وهى كانت بتحبه ولما عرفت انه مرتبط زعلت موووت
معتز بدهشه : بتحبه
مياده: ايوه
معتز: ماشى
(وطلع جرى لمجدى)
معتز: مجدى عايزك فى موضوع
مجدى: خير
معتز: تعالى بس
مجدى: ادينى جيت ايه بقى
معتز: ميرنا بتحب ابنك
مجدى بأستغراب: ميرنا
معتز: ايوه
.
.
.
*يتبع*
*بقلم: شهدشعلان*