قدر

الفصل التاسع

عمر فكر انه لما يبقى مع ملك فى نفس المدرسه هيقدر يقرب منها اكتر بعيد عن كلام الناس بس للاسف دخلنا فى المشاكل كلها تعالوا نشوف المصايب اللى هتحصل
عمرو بمزاح: استر يارب استر يارب
ملك: عندك حق يستر على هخلى وشها شوارع لو فكرت تكلمك اصلا
عمرو بغمزه: بتغيرى يا لوكه
ملك: مين انا..انا اغير ليه لا طبعا مش بغير
عمرو بعدم تصديق: بجد ماشى
محمد: بطلوا غلاسه بقى وانزلو
ملك: تاخد سندويتش يا خالو
محمد باس ملك من خدها: حبيبتى يا لوكا كليهم انتى بس ها انا عارفك بتدينى عشان مش بتاكلى سندوتشاتك وتفضلر توزعيها على الفصل
ملك وهى بتبص لعمرو: لا بقى معدش فيه توزيع على حد الاستاذ عمرو موجود
محمد: يابختك هتاكل سندوتشات خالتك ذنوبه عاليها سندوتشات يلا يالهوى (بدء يعمل حركات بفمه تدل على حلاوة الاكل )
عمرو بجوع: الله
محمد: يالهوى انا عملنا كده ليه هههه اه يانى بص ياعمرو الانسه مش بتاكل سندوتشتها خالص تاكلو سوا فهمين
عمرو بحب: عنيا
محمد: لا خليهم ليك يا ظريف بس انا عارفك هتاكل اكل البت كله انزلو يلا عندك تكريم يا انسه
ملك بخضه: يالهوى التكريم يلا يا مورى
عمرو: حاضر هنزل اهو بس تعالى معانا يا خالو دخلنا عشان لما يشفوك معانا يعرفوا اننا قرايب يلا
محمد: ماشى يلا
محمد نزل معاهم وعمرو مسك ايد ملك ودخلوا بدخول ملك وعمرو فيه صبيان كتير بيحبوا ملك ونفسهم يكلموها وهى دايما بتصدهم بصوا عاليها اهمهم (كريم هنعرف عنه كل حاجه بعدين)
وفى نفس اللحظه فى بنات لمحت عمرو ماشى جمب ملك وماسك ايدها وفضلوا يتريقوا عاليها هى عمله محترمه طلعت بتصاحب وبعدين عن كل ده عينهم من عمرو والايفون برو بتاعه واهم حاجه عمرو جميل
محمد: انا كده سلمتكم.ادخلو بقى
عمرو: ماشى سلام ياخالو
ملك: سلام ياخالو.....انت هتفضل ماسك ايدى كتير
عمرو: اممم عشان تفضلى جمبى
ملك: طيب سيب ايدى وهفضل جمبك
عمرو: وعد
ملك: وعد..تعالى بقى اوريك فين فصلك وهتعمل ايه
عمرو: طيب بالراحه
ملك وهى بتشوف القايمه بصدمه: عمرو!!
عمرو: مالك فى ايه
ملك: انت الفصل اللى جمبى على طول
عمرو بفرحه: احلفى
ملك: والله
عمرو بثقه: انا اصلا محظوظ
ملك بتشاور على فصل معين: ده فصلك وده طبورك فهمت
عمرو: فهمت فهمت
ملك: اممم جهزت التليفون بتاعك عشان تصورنى
عمرو: من امبارح
ملك: ميرسى..طب يلا بقى عشان هيبدؤ الطابور
عمرو: تمام
ملك: تأقلم بقى وكون صحاب
عمرو: متخافيش عاليا هصاحب المدرسه كلها النهارده
وقفوا فى الطابور والمدير طلع يخطب
المدير: طبعا فى بنات متعودين منهم على التفوق الدائم والنجاح المستمر دون انقطاع وطبعا سوف يكونون خير قدوه لابنائهم وبناتهم فى المستقبل القريب ان شاء الله
وكما اعتدنا ايضاً ان نكرم كل عام العشره الاوائل فَل تتفضل معنا الطالبه الاولى على المدرسه الطالبه: سالى الديب
ملك انصدمت
والطالبه الثانيه على المدرسه: ملك محفوظ
ملك لنفسها: مركز تانى
المدير: ملك تعالى
ملك راحت تستلم الشهاده وابتسمت ابتسامه مصتنعه
وبعد تكريم باقى الطلاب صعد كل الطلاب للفصول بفرحه اول ايام المدرسه لاكن ملك كانت عكسهم فضلت زعلانه انها مركز تانى
دخلت الفصل و اول ما ملك دخل الفصل
سالى بمياعه وتلقيح على ملك: مهو مش اى حد يابنات يبقى الاول
ملك سمعت وقعدت مكانها
سالى: ايه يا ملوكه مافيش مبروك ولا ايه
ملك بضيق: مبروك ياسالى الف الف مبروك
سالى: بس الواد المُز اللى كان معاكى ده ايه ظروفه
ملك بنرفزه: انتى مالك بيه ها انتى مالك خليكى فى حالك احسن يا سالى بدل ما اخلى وشك شوارع
سالى: ايه ده ملك البريئه بقت بتخربش يا مامى تصدقى خوفت على فكره انا مافيش ولد قدر ياقاومنى والاستاذ اللى كان معاكى بكلمتين هيدينى رقمه وهينساكى
ملك: على فكره ابن خالتى ثم ان مافيش بنا حاجه عشان ينسانى او يفتكرنى واعملى اللى انتى عيزاه
سالى: امم حلو اوى اوى ده هو مرتبط
ملك بزعيق: معرفش وسيبينى بقى فى حالى
سالى: حاضر حاضر (ومشيت)
ملك لنفسها: يارب ليه بس كده انا الاولى ولا عشان ليها وسطه فى المدرسه وبعدين انا ليه يتنكد عاليا اول يوم بالشكل ده يارب صبرنى
.
.
فى 3/4فصل عمرو
عمرو: اذيكوا
الشباب: اهلا يا مان
ولد1: انت جديد صح
عمرو: ايوه جديد
ولد 1: اسمى محمد
عمرو: تشرفت..انا عمرو المكاوى
محمد: انت منين بقى
عمرو: انا من قطر
محمد: اه عشان كده
عمرو: عشان كده ايه
محمد: معاك ايفون برو
عمرو: اه فهمت
بنت بمياعه: هاى انا اسمى سوزى
عمرو بقرف: وانا مالى
سوزى: حبه نتعرف ونبقى اصحاب
عمرو: مش بصاحب بنات واتفضلى بكرامتك احسن ما امشيكى من غيرها
سوزى: اوك بس انت اللى هتجيلى تانى
محمد: انت صح انا اول ما جيت برضو عملت معايا النمره دى وانا عملت زيك بس شويه وهتسكت بس لو شافت الايفون لا هتفضل وراك
عمرو: يعنى يارب اسيب زفتت الطين اللى اسمها سوزى فى قطر اجى مصر الاقى برضو سوزى
محمد بضحك: ههه معلش انا حاسس اننا هنبقى اصحاب انا مش ليا اصحاب هنا
عمرو: وانا حبيتك برضو ان شاء الله عنبقى اصحاب
بعد شويه سالى دخلت
سالى بتوجه الكلام لعمرو: انت قريب ملك
عمرو نط من على الديسك: ايوه هى جرا ليها حاجه
سالى: هه اهدى بس لا هى كويسه
عمرو: طيب حضرتك بتسألى ليه
سالى: انا سالى ممكن نبقى صحاب
عمرو بنرفزه: هو يوم باين اصلا لا مش ممكن واتفضلى بكرامتك برضو بدل ما امشيكى من غيرها
سالى بمياعه: خلاص همشى بس هستناك فى الحوش وقت الفسحه (ومشيت)
عمرو: اتفو ايه الاشكال دى يارب
ولد: ايه ياعم عمرو البنات بتجرى وراك وانت منفض ههه
ولد تانى: انا لو مكانك هقضى وقتى مع كل وحده شويه
عمرو: سبحان الله..هههههه
اليوم الدراسى بدا وكان كلاً من ملك وعمرو بيستنوا الفسحه اول ما جرس الفسحه ضرب
ملك خرجت من الفصل لقيت عمرو واقف قدام الباب ومعاه شوكلاته دارك اللى ملك بتحبها
ملك نسيت كل حاجه: شوكلاته
عمرو: شوكلاته...طب يلا عشان نلحق ناكل
ملك: ماشى يومك عامل ايه
عمرو: طيب نقعد وهحكيلك
ملك: هنا حلو تحت الشجره يلا
وطلعت الامل وبدؤ ياكلو
ملك: يلا قول
عمرو:انا سايب بلوه سودا فى قطر اسمها سوزى سبحان الله اجى الاقى نفس البلوه هنا بنفس الاسم
ملك والاكل فى بوقها: ابمتوش متعوش لو علق على رشو فانوش
عمرو بتريقه : معلش انا مش اشرف فايز مترجم كوبر فياريت توضحى
ملك وهى بتضربه فى كتفه: كنت باكل بقول المتعوس متعوس لو علقوا على راسوا فانوس
عمرو: ايوه كده فهمت وبعدين بقى ياستى لاقى وحده اسمها سالى بتقلى انت قريب ملك انا افتكرت جرا ليكى حاجه قالت لا انا عايزه اتعرف
ملك بعدم اهتمام: امم وعملت ايه
عمرو: عملت نفس اللى عملته مع اللى قبلها
ملك: اللى هو؟
عمرو: اديتها رقمى
ملك اضايقت و هى بتقوم عمرو مسكا وقعدها
عمرو: انتى رايحه فين
ملك: سيبنى عايزه اقعد مع روحى شويه
عمرو: بعنى عايزه تقعدى معايا مش انا روحك
ملك بدات تدمع:*سيبنى ياعمرو انا فى مليون وحده اخلى منى واجمل كمان اشمعنا انا*
عمرو:*عشان انتى نصى التانى الشخص اللى هنحس معاه بالراحه والامان مره وحده بس فى حياتنا* ولا نسيتى كلام خالو وفوق ده كله انا مش عايز المليون كفايه انتى بمليون وحده فى عينى كفايه قربك من ربنا
ملك بفرحه: طيب خد ساندوتش سلمون
عمرو: هو المفروض كانت قعده رومانسيه وبعدين هو كل ما افرحك هتأكلينى
ملك بضحك: امممم
عمرو: ماشى وانتى يوم كان عامل ايه
ملك: كان وحش بس لما شوفتك بقى حلو
عمرو: ايه اللى وحشه
ملك: انا التانيه ياعمرو وكان المفروض ابقى الاولى بس عشان سالى المدير عمها بقت الاولى
عمرو: فكك والله يابنتى مهو بالترتيب (وشاور على مخها)بس بده تقدر تبقى احلى دكتوره وتبقى مهندسه وتبقى احلى حاجه بس ذاكرى وعلى فكره اوعى تفتكرى ان قطر مفيهاش غش لا كان فيها بس انا واثق من نفسى وان شاء الله هجيب طب عسكرى انا نازل مخصوص عشانه وكان اجمل حاجه فى حياتى بس لما شفتك بقى تانى اجمل حاجه فى حياتى
ملك بكسوف: طب كل يلا
عمرو: ماشى
محمد ماشى وسلم على عمرو من بعيد: اعمور
عمرو: حبيبى
ولد تانى: اعمرو باشا
عمرو: اتفضل يسطا
ملك بدهشه: يخرب بيتك دا انت صحبت المدرسه كلها فى ساعتين
عمرو: اممم
وفضل يضحك هو وملك
.
.
يتبع
بقلم: شهد شعلان