أسيرة مختطف《مكتملة》
صحفية تختطف يوم زفافها لتقع أسيرة مختطف و تتوالى الأحداث داخل إطار تشويقي (باللهجة الجزائرية)
{من تأليفي Macilia Ch}
❌( ممنوع النقل ) ❌
بدأت في جوان 2020
إنتهت في سبتمبر 2020
فاقت على ريحة الدخان لي خنقتها ...فتحت عيونها بتثاقل حاطة يدها على راسها معقدة حواجبها ...تقعدت على السرير تحك في عيونها ...طلعت راسها و جات عيونها عليه ...قاعد متربع على الكرسي حاط رجل على رجل ...سيقار في فمو ..مع كل جبدة ينفخ الدخان فالهواء و عيونو مسلطين عليها بلعت ريقها لي شاح تخزر فيه ...الغرفة كانت مظلامة غير ضوء الخفيف تاع الفيوز لي شاعل ...مع هذا قدرت تلمح جهامتو و عيونو الحادين فوسط الظلمة ..فتحت عيونها على وسعهم و شهقت من الصدمة هاذ العيون مستحيل تنساهم ...نفس العيون لي شافتهم ليلتها ...تكمشت في بلاصتها و ضمت رجليها لصدرها كي شافتو وقف من على الكرسي جبد جبدة أخيرة من السيقار و نفخو فالهواء ... رماه على الأرض و عفس عليه ...قرب منها يتمشى جيهتها ببطئ ...قعد على حافة السرير جنبها يخزر في عيونها بلا ما يرمش رمشة وحدة ...نظراتو خوفتها و فنفس الوقت ريحتو لي مخلطة بريحة الدخان دوختها ...قعدت ترمش في عيونها رمشة ورا ختها ...قرب منها كثر و هي جمدت فبلاصتها ...ريحتو دخلت لنيفها اكثر ...و صورتو توضحت قدرت تشوف وجهو عن قرب و ملامحو بانت ...وجهو قريب من وجهها و شفافها قريب من شفافو ما يفصلهم غير سنتمتر واحد ...اذا تحركت و لا حكات أي كلمة شفافها راح يقيسو شفافو ....الخوف تسرب لكل طرف من جسمها ...لمحت نص ابتسامة زينت ثغرو ...نطق و اخيرا و خرج عن صمتو حست صوتو الهادئ و البحة لي فيه اخترقو طبلة وذنها ...سحرها بمجرد كلمات نطقهم و خرجو من شفافو ...نزلت عيونها تخزر لشفافو يتحركو وحدهم و هي فعالم ثاني تسمع فيه يحكي أما كلامو ماشي سامعة بيه دانيال: يبدو أنو المخدر مزال مأثر فيك طلعت عيونها لعيونو ريناد: هااا؟؟ جبد روحو منها و وقف حاط يدو في جيبو دانيال: كي تتنحالك الدوخة نحكو هزتلو رأسها بلا ما تفهم و هي مزالها فعالم ثاني تبسم على جنب و دار خارج من الغرفة صاب مجد واقف جنب الباب لابس ثياب رسمية أشارلو بصبعو يحكي بصرامة دنيال: أنت تبعني خلاه حتى تجاوزو و تعدى من قدامو و لحقو يمشي وراه دخل دانيال لمكتبو و قعد على كرسيه ...دخل مجد وراه و غلق الباب ...قرب جهة البيرو و وقف مقابل دانيال منزل راسو و عيونو مصوبهم يخزر فالأرض حط يدو على شفتو يحكي دانيال: كلفتك بمهمة بسيطة فشلت فيها مع أنو نتا من احسن رجالي أما خيبتي ظني فيك بلع ريقو يحكي و هو مزال منزل راسو مجد: سامحني جنرال كي شفت حالة غيث تفرفشت و ما عرفتش واش ندير ..لو ما نسيتش تلفوني كنا راح نفقدوه خبط يدو على سطح بيروه بقوة يحكي و عروق رقبتو بارزين من الغش دانيال: أنا كلفتك بمهمة ليك انت و انت واش درت ؟؟ ما يكفيش أنو لقاو المخبأ تاعك زيد ورطت غيث فالوسط ..ادعي أنو يفيق من الغيبوبة و لا راح تتكلفلك غالية ...سقم قعدتو و حمحم يحكي بعثت الفيديو لجهاد؟
دانيال⬇️⬇️
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
