#أسيرة_مختطف♨️♨️
#بقلمي_macilia_ch
الحلقة 20:
وصلو السيارات لفيلا تحفونة تطل على البحر ...نزل دانيال من السيارة و نزلت ريناد بعدو حاكمة راسها لي يسطر ..شدها دانيال من خصرها يمشي فيها بشوية ..دخلو للفيلا و طلعها لغرفتهم حتى ترتاح
مدلها تشرب دواها و تسطحت على السرير
حتى ترقد ...غطاها و قعد جنبها ..مرر يدو على خصلات شعرها يتأمل و يثبت فتفاصيلها ...تبسم و طبس باسها على راسها و خرج
مع العشية تململت ريناد في بلاصتها بشوية ..حلت عيونها و عدات عينها بالزربة على الغرفة ...ناضت من السرير و نزلت للتحت تحك في شعرها و تتثاوب
حوست بعيونها على دانيال سمعت صوت موسيقى خفيفة ...كركرت رجليها تتبع فمصدر الصوت و هي مستغربة ..دخلت للصالة لقات دانيال عاطيها بظهرو
حط آخر اللمسات على الطاولة لي حضرها و تلفت ...قابلاتو ريناد تبسم معاها تبسيمة خفيفة أما تبسيمتو زادت وساعت كي فتحت فمها على وسعو و هي تبحلق بعيونها فيه و ترمش فيهم
قرب منها و سكرلها فمها يحكي
دانيال: خليتلك فالغرفة روب داخل الخزانة و معاها واش تسحقي روحي تلبسيها و جهزي روحك نستناك ...طبع بوسة جنب شفافها و بعد يتبسم
عضت شفتها و هزتلو ايه براسها
تراجعت خطوات للور و دارت طالعة للغرفة
و منظر دانيال و هو بالكوستيم و الشوميز
البيضاء لي بينتلو عضلات صدرو ولا القفالي الفوقانيين المفتوحين لي زادو فيه الشطر
زربت فخطواتها و دخلت للغرفة...حلت للخزانة قابلتها روب تفتق فالبوردو ..طويلة و مشقوقة من الجنب
جبدتها و زادت جبدت علبة الماكياج و الطالون لي معاها ..حطتهم على السرير و دخلت للحمام ...خذات دوش خفيف و خرجت بالكاب ...شيحت شعرها و قعدت مقابل المراية و جبدت السيشوار تنشف في شعرها ..بعدما كملت رجعت شعرها على جنب و جبدت علبة الماكياج و عملت مايكاب سموكي برزلها عيونها ...لبست الروب و زادت الطالون و اخيرا عملت روج بوردو على شفايفها كيما لون الروب
ضربت طلة أخيرة فالمرايا و نزلت لعندو
فجهة أخرى فمنزل عادي فمكان معزول
قاعدين ملمومين على الطاولة يحاولو يلقو حل لمشكلتهم
صوفيا: الفلاشة عندي أما لازملها كلمة سر و دانيال الوحيد لي يعرفها والحل درك؟؟
زم شفافو بغيض يحكي
غيث: ##### مالا كاين حل وحيد هو انو
نخطفو بنتو
مجد: لا
تلفتو كل لعندو يخزرو فيه
جهاد: وعلاه لا ؟؟ إذا خطفنا بنتو راح تسهال الحالة و يمدلنا مقابلها كلمة السر
قرب منهم يحكي مشبك صوابعو ببعض فوق الطابلة
مجد: نخطفو ريناد أحسن
صوفيا: تتمسخر اكيد
غيث: راحو من القصر للفيلا تاع البحر ...و كاين عشرات الحراس يحرسوا الفيلا و دخولها صعب ...أما إذا خطفنا لبنى من القصر راح يكون سهل راح ندخلو من الممر السري
غيث: و هذا لي متوقعو منكم
جهاد: كيفاه؟؟ فهمنا ممكن ؟؟ و بطل ما تحكي بالألغاز
تبسم على جنب يحكي
مجد: انتو ابعثو رجال تم و داهمو القصر و شتتو انتباههم و أنا راح نخطف ريناد من الفيلا
صوفيا: كيفاه راح تخطفها اكيد راح يكون تم مع حراسو لي ما يفضوش
مجد: ههه ايه أما كي يسمع بلي داهمو القصر بدل ما يدخلوا بسكات من الممر السري راح يكون مضطر انو يرجع للقصر مع نص رجالو و انا راح ندي رجال معايا نخليهم يداهمو الفيلا بسكات و يقتلو فالحراس بلا ما يلفتو فالانتباه و انا ندخل من الباب الوراني و نخطف ريناد فغياب دانيال بعدها راح يكون مضطر يجي برجليه و يسلمنا كلمة السر لوحدو بعدها ...شاف فيهم و إبتسامة شر مرسومة على وجهو
نطقو كلهم فرد وقت
صوفيا: بعدها؟؟؟
غيث: بعدها ؟؟؟
جهاد: بعدها؟؟
طلق ضحكة عالية يحكي
مجد: كلشي فوقتو حلو نهارها راح تعرفو
أنت تقرأ
أسيرة مختطف {من تأليف و كتابة Macilia Ch}
Ficção Históricaأسيرة مختطف《مكتملة》 صحفية تختطف يوم زفافها لتقع أسيرة مختطف و تتوالى الأحداث داخل إطار تشويقي (باللهجة الجزائرية) {من تأليفي Macilia Ch} ❌( ممنوع النقل ) ❌ بدأت في جوان 2020 إنتهت في سبتمبر 2020
