kabisado ko na ang mga liko ng bituka mo.
kabisado ko na ang pagkurba ng mga labi mo tuwing makikita ako. kabisado ko na ang mga tawa mo na musika sa pandinig ko. kabisado ko na ang malulungkot na himig sa tuwing tumatangis ka sa tabi ko. kabisado ko na ang pagningning ng iyong mga mata kapag nagkukuwento ka sa tuwina.
kabisado na kita, maniwala ka.
kabisado ko na ang mga liko, pasikot-sikot, at kanto ng kuwento ng buhay mo.
magulo ang kuwento mo,
kasing-gulo ng mga bitukang paliko-liko.
ngunit kabisado na kita,
mula sa taas at baba ng buhay mo — at ayaw ko nang malimutan pa ang mga ito.
kaya hayaan mong manatili sa gunita ko ang bawat liko ng bituka mo —
ng pagkatao mo.
5.14.20
BINABASA MO ANG
Tularawan: Mga Tula't Sanaysay na Hinabi sa mga Luha't Larawan
PuisiPinagsama-sama ko sa kumakapal pa lamang na librong ito ang mga larawan at tula na naging katas ng aking mga personal na karanasan-- mula sa lungkot, saya, pait, tamis, hikbi, at luha. Naniniwala akong may kalakip na kuwento ang bawat litrato. At s...
