الخيبوعة

الجزء الاول

بنت سميتها نهيلة عمرها 25 سنة متوسطة الجمال ماطويلة ماقصيرة رقيقة بزاف و جاها كولو حبوب وفمها كبير وسنانها عوجين وعينيها داخلين دايرة نضاضر و بشرتها مخلطة بين بيوضية وصفورية وحتا واحد ماكيحملها بسباب المضهر الخارجي ديالها واقفة كتسنى نوبتها باش تاخد روشارج حيت زحام سلاو لي قدامها وجبدات 10 درهم بغات روشارج تصالات شويا وقفات بنت موراها
سيد:نصبقو زين هو الاول عاد نتي اللمعزة اااش حب خاطر اتيتيز
بنت موراها كتحلوان بغيت 5 درهم أرونج عطاها ليها ورجع لنهيلة نعم نت اااش باغا گالت ليه بغيت روشارج وعطاها ليها وجات فطريق ونگر عليها واحد قاليها ختي ولي طلي على كمارتك مرة مرة فالمرايا راك نسيتيها ههههههه وااا باين صباحي كيف غادي يدوز ملي شفت وجهك بقات غادا مشافتش فيه وكملات طريقها ولكن راااه عيات من كلام ناس لي كيجرح وصلات لدار عيشا هي ومها وجداها صافي اما باها مات فالحرب مسكين وخلصتو باش عايشين
مها:فييين كنتي اوجه الحبس غبرتي
نهيلة:فين بغيتيني نكون بسلامة كنت فالحانوت مشيت نشارجي
مها:وديك خدمة لي دفعتي ليها جاوبوك ولا ولو
نهيلة:ماااازاااال مجااااوبوني (نفسيتها عيانة)
مها:شتك كتنافخي يا وجه بركاسة اوا الله يعميها ليييك كون كنتي شويا فيك ضو كون تزوجتي وهنيتينا من صداعك ولكن شكووون يقبل ياخدك البروسي بقيتي واحلة عندي اودي دخلي وجدي الغداء انا غادا لسوق .. دخلات وجدات غداء شويا صونا تيليفونها
بنت:الو هادي نهيلة دحماني
نهيلة:نعم اختي هي هادي شكون معايا
بنت:مهم غدا دوزي على واد الخدمة فشركة AMD لي دفعتي ليها هادي سيمانة
نهيلة:(نقزات بالفرحة)بصح تقبلت فالخدمة أختي
بنت:سمحي ليا مانقدر نقول ليك والو حيت ضروري من مقابلة وتهدري على على Cv وديري مقابلة مع رئيس ديالنا
نهيلة:واخا اختي شكرا قطعات ومشات كتجري عند جداها من الفرحة
نهيلة:جدة جدة واااقيلا تقبلت فالخدمة(هي عندها اجازة فليكونومي وديبلوم فالكونطابيليتي) ياااربي نخدم ياااربي
جدة:غادي تخدمينشاء الله حيث تستاهلي
فالصباح فاقت لبسات بودي بيض وسروال تجين باهت وصباط قديم و كبير عليها شويا وجمعات شعرها كعكة ودارت نضادرها وفطرات وخرجات لشركة وصلات بعد ما طابو رجليها بالمشي وگاع تغبرو مسحاتهم بيديها وغادا باش دخل الشركة حتى كتخبط مع جاج لي مكيبانش طاحو نضاضر هزاتهم بزربة ودارتهم عاد تفتح ودخلات شداتها الخلعة حيت داكشي في قمة التراء كلشي زوين كيشعل ومواظفين لبسين لباس رسمي وبنات تيتيز ها زعراء ها بيضة كيشعلو قربات وقفات قدام سكريتيرة
نهيلة:سلام ختي انا نهيلة دحماني عيطو عليا على قبل خدمة
سكرتيرة:كفاااش نتي هي نهيلة(طلعات وهبطات فيها جاتها الضحكة حتقرتها )هههه واخا سيري گلسي شويا ادخلي نت ودوك جوج بنات باش ديرو مقابلة عمل مع مسيو عادل مشات گلسات معاهم وهما مزوقات ومقدات وروايح مكياج ولباس شيك بقات كتسرق شوفات فيهم اودي فين نبان انا قدامهم أجاب حمري لأسبوع الفرس كنبان قدامهم بحال شي طارو ديال الزبل بقات گالسة كدور فعينيها شويا كتخبرهم سكريتيرة بلي سي عادل كيتسناوهم فالبيرو نادو كيتعوجو في المشية و نهيلة موراهم حلات ليهم سكريتيرة الباب ودخلو كيلقاو راجل في تلاتين من عمره زين والقلدة والتبوكيصا والحروشيا و عصبي شوية و قليل كلام كيهدر غير فالمفيد
عادل:تفضلو .. مشاو گالسو وبدا فالاسئلة ديالو فلاخر شد دوصي ديال وحدة زوينة وقرطاسة كتهدر بالتحلوين و نهيلة لي جاوبات گاع على اسئيلتو شاف فيها وقلب وجهو فالبلاصة محملهاش وراد ليها ضوسي ديالها حسات بقلبها تمزق وحبسات البكية بزاااز هزات دوسي وخرجات وخلات معاه بنت لوخرا اما خرا زوينة ولكن غير بزواق حيت كاينة لي زين طبيعي كدور بالحالة كتبان طوب وكاينة زين على قد الحال ولكن كتلعب على نقط جمالها وكتزيد تبرزو بالزواق وميكاب ولباس و نهيلة مكاينة لا من هادو ولا هادو لازين لالباس ماكين لي يتسوقها وهي خارجة وصلات باب شركة طاح عليها ضيم و شافت راسها فشلات فحياتها حيت مجتماعنا خدام بالمظاهر وهي مظهرها على قد الحال ماحسات براسها حتى نفجرات بالبكا مبقاتش قدرات تحبس البكية شويا وقفات اللوطو قدامها وهبط راجل في 60 من عمره هاز عينو فيها ومسحات ودموعها ودازت من حداه ودار جيهتها...يتبع
قراءة ممتعة💕💕