الخيبوعة

الجزء السابع

رجعات نهيلة لخدمتها وبقات مع هود وهداية كتراجع معاهم وتواريهم حتى كيتحل الباب ودخل عادل مشاو جراو لعندو عنقوه
عادل:كي دايرين يكما كديرو البسالة
هداية:لا مكانديرو والو كانت نهيلة كتخدم معانا تمرين
عادل:كيدرة ختي يكما كيعصبوك
نهيلة:(تصدمات من هدرتو حيت فشركة كيهدر بطريقة ودابا طريقة خرة)لا بالعكس ضريفين بزاااف وراه تفاهنا وتصاحبنا
هود:هادي زوينة حسن من دوك لي كانو كيجيو كيغوتو علينا اما نهيلة كتلعب معانا وضحكنا
عادل:اوا الحمد الله ملي وافقتو عليها يالاه سيرو كملو تمرين ونت انهيلة ملي تبغي تمشي سولي فيا .. خرج وساد الباب
هود:بابانا زوين ولكن جرا على ماما من دار وممنوع علينا نجبدوها
هداية:توحشناها بزاف ئئء ئئء
نهيلة:اجيو عندي مشاو لعندها وعنقاتهم شوووو متبكيوش وزاعمة نت اهود راجل ورجال مكيبكيوش
هود:(مسح عينيه)مكنبغيش نبكي ولكن كنتوحس ماما بزاف
نهيلة:صافي كنواعدكم نهدر مع باباكم يخليكم تشوفوها
هداية:وراه ميبغيس ملي كنگولوها ليه كيتعصب بزاااف
نهيلة:حنا نجربو اش خصارنا ودابا يااالاه دوزو نكملو تمرين بقات كتخدم معاهم وضحكهم باش ميملوش وهما كيقاو وصلات 6 العشية ودخلات عندهم امينة امينة:تبارك الله على وليداتي ولاو زوينين مبقاوش كيديرو قباحة.. شكراا ابنتي نهار واحد دوزتي معاهم و تهدنو
نهيلة:هما راه وليدات زوينين وكيسمعو الهدرة و كياكلو ويناعسو فالوقت ويقراو مزيان ياكو الابطال
هداية:وي حنا زوينين
نهيلة:دابا وقت الماكلة وترتاحو شويا
امينة:هبطو عند سعدية تعطيكم گوتي ديالكم مشاو كيجريو
نهيلة:خالتي امينة باغا ندوي معاك فواحد موضوع
امينة:اااه ابنتي مرحبا شنو هو
نهيلة:سباب ديال عصبية هود وهداية هي نطرة لي خداو على سي عادل
امينة:كيفاااش مفهمتش
نهيلة:هما خداو عليه نطرة ديال واحد صعيب وجرا على ماماهم و ممنوع عليهم يهدرو عليها هادي راه حاجة خايبة غادي تربي العنف فيهم
امينة:ياربي على وليداتي مساكن هازين هادشي كامل فقلبهم .. دخل عادل مع هاد الهدرة
عادل:شكون هادو لي هازين فقلبهم
نهيلة:هود وهداية محتاجين واحد الحاجة لي يقدر نت فهاد سين مكانتش عندك اتحتاجها
عادل:وشنو هاد حاجة وانا موفر ليهم كلشي
نهيلة:محتاجين يشوفو ماماهم
عادل:(تعصب وعروقو خرجو)ونت اااااش دخلك سوووقك ديري خدمتك لي كتخلصي عليها والله يعاااون
نهيلة:انا گالت..قطعها
عادل:ماااا عندك ماااا تگولي لياااا ودابااا خررررجي.. خرجات
امينة:عاااادل لبنت مگالتش عييييب وحمد الله ملي عرفنا اساس مشكل منيييين جا .. مجاوبهاااش وخرج مصعور ومشا لبار يشرب باش يناسي ..
رجعات نهيلة دار وداز وقت بحال ديما الغد ليه مشات خدمتها عادي ملي سلات خرجات حتى كتوقف سيارة عادل قدامها هبط جاج
عادل:طلعي
نهيلة:لا لا منقدرش ايشوفني شي حد يوصلها لمي
عادل:زاعمة راكي واعية على هاد تبرهيش گااالت ليك.طلعي
شافت يمين وشمال وطلعات بزربة وكسيرة وصلو قدام واحد كافي وهبطو گالسو خدا قهوة وهي عاصير
عادل:انا بغيت ندوي معاك فموضوع وبغيتك تفهميني
نهيلة:اااه واخا دوي
عادل:صراحة شافت هود وهداية مرتاحين ليك بزاااف داكشي علاش قرارت نتزوج بيك باش تكوني ديما معاهم و غادي نزيد نتهلا فييييك مزيااان
نهيلة:نهدر وماتقلقش وماتغوتش عليا
عادل:عرفت شنو باغا تقولي ولكن داكشي مستحيييييييل
نهيلة:علاااش مستحيل شنو دنبهم تحرمهم من ماماهم وباغي تعوض داك فراغ ديالهم بيا انا كون متأكد اناك واخا تجيب مليون مرا متعوضهم بلاصت ماماهم وكون غير ماتت غادي يبردو من جيهتها واا هي عايشة علاااش هاد ضلم كامل فحقهم
عادل:بقا ساكت بدون حتى ردة فعل
نهيلة:نت باغي تنتاقم منها وتحرمها منهم ولكن راك كتنتاقم حتى من ولادك لي معندهم حتى دنب
عادل:يقدر يكون عندك الحق ولكن حاليا مامستاعدش لهاد خطوة مهم دابا نودي نوصلك وانا مزال عند العرض ديالي فكري وجاوبي ولكن راه زواج شكلي مامبني على والو
نهيلة:عرفة كدير هادشي على واد ولادك مهم نفكر ونجاوبك نادو وصلها لحي ديالهم ومشات لدار عاودات لماماها
حليمة:و الحمد الله اخرا جاب ليك الله سعدك حتى بين يديك
نهيلة:هو راه باغي يتزوجني باش نبقا حدا ولادو ماشي على كحل عيني ودابا ماعرفت ماندير
حليمة:اويلي مزال كتفكري بحاال هادا شدي فيه بيديك ورجليك
نهيلة:واقيلا مافهمتيش هو راه مبغانيش كزوجة بغاني كأم لوليداتو فهمي
حليمة:تكوني زاوجة ولا أم مهم تزوجي بزواج العز راجل بفلوسو وقيمتو والحمد الله ملي فكر فيك نت
نهيلة:فكر فيا حيت عارف مستحيل يبغيني بهاد وجه لي عندي مهم خاصني غدا نجاوبو
حليمة:إوا لي فيها الخير الله يجيبها .. تعشاو وكل وحدة مشات بلاصتها ونعسات... يتبع