الخيبوعة

الجزء الحادي عشر

شوية بان ليها وقف و نزلو لولاد باسوها ودخلو الداخل شافو جدهم وباباهم مشاو كيجريو لعندهم تسالمو معاهم و گلسو جات امينة وتگوتاو مجموعين لحاج طلع لبيتو يرتاح وعادل مشا دوش وخرج ونهيلة مع الولاد فبيتهم كتخدم معاهم تمرين وصل وقت العشا تعشاو وكل واحد مشا بيتو و نهيلة نعسات الولاد و مشات لبيتها لبسات بينوار سخون فوق بيجامة و هبطات جردة عرفاتو غايكون تما گالس فعلا بان ليها متاكي ومشات لعندو
نهيلة:كنت عرف غالقاك هنا مهم ممكن نگلاس معاك
عادل:گالسي .. مشات گلسات وجمعات رجليها ويديها جو بارد شويا
عادل:وي بارد جو
نهيلة: شنو بان ليك نمشي نوجد قهوة ومن بعد خوي عليا قلبك
عادل:واخا .. نادت كوزينة وجدات قهوة وجابت ليه كاس وليها كاس مداتو ليه وشرب منو ااامم بنينة
نهيلة:بصحتك
عادل: عرفتي انهيلة شنو هي اصعاب حاجة فالدنيا هي الخيانة كتقصاح بزاااف خصوصا الا كانت من اعز ناس على قلبك كتقدر دمرك والحياة تبان ليك كحلة وحتى حاجة مامفرحاك عايش ومعارفش علاش عايش..مهم انا كنت فالاول عايش حياتي ضحك نشاط ماعلى باليش بالدنيا تعرفت على بنت تصاحبنا مدة عامين بغيتها وبغاتني قرارت نتزوج بيها حيت لقيتها بنت ناس وكدير ليا الف حساب مهم ديت الواليد والوالدة خطبناها و درنا العرس عشنا اجمل خمس سنوات فحياتي ولدات ليا هود وهداية فرحت لدرجة روحي نحيدها ونعطيها ليها وماتسوى قدامها والو.. واحد نهار قالت ليا نمشي نشوف دارنا الواليدة مريضة خليتها مشات دازت يوماين ديما كنهدر معاها قرارت ندير صواب ونمشي نشوف مها لي مريضة ملي مشيت كنتصدم بلي مكايناش عند مها واصلا ماماها مامريضاش هنا دخلني شاك فين مشات وعلاش كدبات عليا صونيت ليها فينك گالت ليا راه ماما تزاد عليها الحال قلت ليها صافي انجي نشوفها قطعات فالبلاصة وصونات لمها لي كانت حدايا جاوباتها مها ودايرا هوت باغلوغ قالت ليها يلا جا عادل عندك متحليش ليه لباب خليه يداق حتى يعيا ويمشي انا راه عند يونس نحل معاه مشكل قطعت عليها وشناقت على مها كنت فحالة هستيريا گالت ليا طلق ونگوليك طلقتها وگالت ليا بلي شي واحد كانت كتعرفو قبل مني شاد عليها شي فيديوات اباحية وكيهددها بيهم ياا تنعاس معاه كيف بغا ولا يشواها هنا تدبحت الف دبحة مراتي شرفي عرضي كيوسخهم واحد راجل بحالي بحالو ديك لحطة دخت ماعرفت ماندير واش نقتلها نمشي لحبس على واد موسخة و طلقتها و درت لاديين نتأكد بلي هود وهداية ولادي وفعلا كانو ولادي وتما حكمت عليها عمرها تشوفهم واخا تنطابق سما مع الارض
نهيلة:صراحة صعيبة تجيك دقة من ناس قراب ليك ولكن مخصكش تخلي هاد ضربة تهرس حياتك كلها حيت حياة تجارب ومواقف كنستافدو منها ونزيدو القدام ماشي نوقفو حياتنا عند عاد نقطة كحلة هاكا كنضلمو راسنا قبل اي واحد
عادل:فعلا ولكن راه كتعطي كل ما عندك باش تسعد انسانة كتشوف سعاتك معاها وفلاخر كتصدق احقر واوسخ وحدة فالدنيا هنا راه بزاز عليك تكره كلشي
نهيلة:علاش غادي تكره كلشي على واد وحدة بدون مستوى سعادة عمرها مكانت مرتبطة بإنسان ولا حاجة معينة السعادة مرتبطة بيك نت حيت نت لي غادي تعيشها وتحس بيها حاول تنسى و بدا من الاول و حاول تفكر حتى فولادك لي هما بعاد على هادشي كامل محتاجين يشوفو ماماهم ويعنقوها فكر فالنفسيتهم هي الاهم
عادل:(تنهاد واحد تنهيدة حارة ودوز يدو على وجهو)يكون خير نشاء الله مهم نود نعاس بوني
نهيلة:واخا تصبح على خير .. ناد مشا و بقات نهيلة ساهية فالنجوم وكتفكر ..كل واحد فهاد دنيا عندو همو ومشاكلو مايغركش واحد كيضحك وكيبيان فرحة حيت حتى هو بهمو غير كيبغي ينسي وصافي واحد يفكر فراحتو وسعاتو ومايتسوق لحتى واحد.. نادت لبيتها وتلاحت نعسات جا نهار جديد بحال ديما نهيلة فاقت بكري وفيقات الولاد فطراتهم وصيفطاتهم مدرسة و عادل فالشركة صونا ليها توجد راسها باش يمشيو عند طبيب دوشات و لبسات جلابة جاتها زوينة و جمعات شعرها ديل حصان ورداتو قدام و نزلات تحت كتسنى فيه صونا ليها وخرجات لعندو قدام فيلا وكسيرا مهدرش معاها بقا مركز فالطريق وصلو عيادة طبية ونزلو دخلو داخل وستقبلوه نشان دخل عند طبيبة تسالمو و طلبات منها طلع تكا تفحص ليها وجاها طلعات وقربات ليها الة لوجاها وكتشوف فتلفازة دازت عشرة دقايق نزلات ورجعو گلسو فالبيرو
طبيبة:مشكل واحيد لي عندك هما حبوب بزاف ومشكل حفرو ليك وجهك وهادشي راجع هرمونات عندك مخربقين يعني غادي تبعي معايا حصص ونشاء الله بشرتك غادي تقاد وصراحة معندكش شي حاجة خايبة بزاف حروفك مزيانين غير بشرة كتبان مكرفسة كتغطي على ملامح وجهك وصافي مهم حصة اتكون مرة فسيمانة وهاد كريم شريه باش بشرتك ترطاب لحصة جايا نشاء الله
عادل:مغسي.. تسالمو معاها ونادو خرجو طلعو فالطوموبيل مشا خدا ليها من فرماسان كريم لي خرجات ليها ورجعو الفيلا ونزلو دخلو بجوج و كيلقاو...يتبع