الخيبوعة

الجزء الرابع

عادل:نعم فاش باغا دوي معايا
ملاك:مسيو عادل انا خدامت هاد ملفات و الانسة نهيلة خدات لوخرين لدار حيت قالت ليك معندهاش گانة تخدم هنا
عادل:واخا رجي خدمتك .. خرجات وعيط على نهيلة دخلات لعندو وطلع وهبط فيها
عادل:نت مترودة من خدمة خودي حساب يومين والله يعاونك
نهيلة:علاااش اسيدي شنو دارت
عادل:حيت كتفلاي وكتخدمي بگانتك ادا بلاصتك ماشي هنا
نهيلة:بالعكس والله يلا كنخدم من نيتي والله
عادل:وشنو قضيت ملفات لي غاتديهم الدار اااش كنتي كديري
نهيلة:كنت خدامة داواسة لوخرين وهما لي قدامك دابا
عادل:دابا اوجه بغريرة كضحكي عليا هادو خدماتهم الانسة ملاك ماشي نت
نهيلة:لا والله يلا انا لي خدمتهم
عادل:دابا نكدبها هي ونتيقك نت لي من وجهك باينة كدابة سيماتهم على وجوهيهم
نهيلة:(حسات بحال موس غراس قلبها)شكرا ولكن هادشي معندوش علاقة بوجهي ولا شكلي
عادل:(تعصب )شتك بحاااالا كتجاوبي معايا فالهدرة وضسااارة هااادي خرررجي عيااا
نهيلة:كندافع على راسي وصافي
عادل:خرررررجي عليا(ضربها بستيلو).. خرجات و داز من حداها كي العجاجة وركب طموبيلتو وعاد نادو موظفين خرجو ..
رجعات الدار حاقدة على وضعية ومقلقة بزاف دخلات لقات مها حاطة مسمن واتاي سلمات عليهم وبدات كتاكل ولكن ساهية كتفكر فحالتها مبقاتش رادية على حالها واخا تعيا ما تقوي فراسها بنادم مخلاهاش فحالها واش هي لي خطارت شكلها علاش كنتعاقبو بنضرات قاسية وكلام قاسي على حاجة ماشي حنا لي درناها بيدينا حتى من عائلتي كيشوفو فيا شوفات ناقصين حتى شيواحد مافاهمني بغيت غير نتفكر شينهار كنت فرحانة فيه من قلبي عندي احلام وضموحات ولكن بحتقار ناس ليا عمري ماغادي نوصل ليها (طاحت دمعة سخونة من عينيها ونادت)
حليمة:اويلي مالك بحالا كتبكي شوفي فيا
نهيلة:لا مكاين والو غير العيا دالخدمة وصافي مهم انمشي بيتي تبعاني واحد خدمة
حليمة:واخا سيري ملي يوجد العشا نعيط عليك.. دخلات بدات فالخدمة ولكن والو تفكيرها فهدرة لي قال ليها سيماتهم على وجوهيهم نادت قدام مرايا وكتشوف وسهات فوجاها فعلا مازويناش ولكن داخل ديالها زوين بزاف وهادا هو الاهم رجعات كملات ديك خدمة و تعشات وتكات تنعاس ولكن مابغاش يجيها مانعسات تال رابعة صباح نعسات تلاتة سوايع ونادت الخدمة وهي غادا فطريق داز راجل شاف فيها وجهو المرحاض عندك هههه خنزرات فيه وكملات طريقها حتى كتوقف عليها مرا
مرأة:وجهك مالك خليتيه هكاك كولو حبوب ومتقوب عليك بالصودة والحامض مايبقاش فيك
نهيلة:بصح اخالتي هاد وصفة زوينة
مرأة:زوينة غير جربيها وتشوفي وجهاك يلاما تناقا ليك وتهلاي فيه رااه وجه لي كيشوفو ناس وهو مرايا ديالك
نهيلة:نشااء الله شكرا اخالتي .. كملات طريقها وصلات شركة ومشات بيرو وعطات سكريتيرة دوك دواسة ودخلاتهم ليه شافهم لقا خدمة مقادة وقال سكريتيرة تجي عندو نهيلة ومشات دخلات لعندو لقات سي محمود گالس فالبيرو و عادل قدامو فكرسي و ملاك گالسة فكرسي لاخور ونهيلة غير شافتو تبسمات حيت عزيز عليها بزاف لواحيد لي حسات بيه مهتامش بالشكل الخاريجي قالت سلام ودار ليها محمود اشارة باش تگلاس ومشات گلسات
محمود:مهم انا ندخل نيشان فالموضوع باش مانضلم حتى وحدة فيكم حيت خدمة غادي تشدها وحدة يا نهيلة ولا ملاك وباش نشوفو شكون غادي تستحق خدمة غانعطيكم دوسي لوحدة ملاك غاتخدمو فالبيرو ونت انهيلة غاتخدميه هنا ودابا نيت حيت ماعندناش الوقت خاصنا نعرفو شكون يشد معانا خدمة باش يقدر يترسم
نهيلة:(مع راسها سير اش بغيت ليك العز ونصر)واخا اسي محمود اما ملاك توترات وبقات غير كتشوف مد ليهم دواسة هزوه وملاك خرجات ونهيلة مشات طبلة لوخرا وشعلات بيسي وبدات فالخدمة وسي محمود و عادل خرجو عندهم جتيماع .. دازت ساعتين ودخلو لقوها كملات عطات دوسي محمود دوسي وشافو وقراه كامل وتبسم و مدو عادل شافو وحطو مدار حتى ردة فعل شويا دخلات ملاك مدات ليه دوسي شافو وقراه اخطاء كتيرة باينة كيف كملات نادت بلاما دير دراسة اخيرة دوسي
محمود:من خلال هاد جوج ملفات لي قدامي الانسة نهيلة هي لي غادي تبقا معانا فالخدمة ونت ابنتي خدمتك شويا ناقصة ولكن غادي تخلصي على الايام لي فاتو هزات دوسي بالنفخة وخنزرات في نهيلة وخرجات
محمود:ممكن ترجعي بيرو ديالك وتبداي خدمتك
نهيلة:حسات بفرحة بقات غير كضحك)واخا اسي محمود وشكرا بزاف .. خرجات من عندهم طايرة بالفرحة كلسات فالبيرو وكادورو وضحك شويا لحظات موطافين كيشوفو فيها من جاج وجمعات راسها وبدات خدمتها وصل وقت غداء نادت خرجات من شركة شرات سوندويتش 140 ريال ورجعات اما موطفين كياكلو في ريستو ديال شركة عمرها زعمات تمشي ليه كتفادا البلايص لي فيها ناس بزاف حيت ضروري من دوك نضرات القاسية غير كيشوف فيها بنادم كتعرف اش كيقول فراسو ياااه على وجه عندها كاين لي يقول وجاها مكرفس مسكينة هادشي كامل كرهات تشوفو فعيون ناس ملي يشوفو فيها داكشي باش كتفضل تبقا بوحدها .. رجعات بيرو كلات صوندويتش وتكات على وراق ماهزات راسها حتى 6 العشية هزات ملفات داتهم سكريتيرة وخرجات وهي فطريق مشات شرات صودا والحمض باش دير ديك وصفة بليل ورجعات لدار كلات وتجمعات شويا مع مها وجداها تعشاو وخلطات وصفة ودارتها لوجاها كتحس بالعافية شاعلة فيها وصابرة على الالم مهم تكون نتيجة دازت عشرة دقايق غسلاتو وجاها كولو حمر بحالا خويتي عليه ماء طايب تخلعات ومشات حزات تلج كديرو ليه والو العافية شاعلة فيها مشات تخشات فبلاصتها ونعسات فالصباح فاقت بحال مشات قضات حاجتها وجات تغسل وجاها كتلقا وجاها طايب وكولو حمر بحال دم تخلعات اويلي بغيت نكحلها عورتها اااش هاد حالة ياربي درت وجهي مي واااا مي
حليمة:انا فالكوزينة كنعجن اااش باغا (وقفات قدامها نهيلة)اويلي ااااش درتي وجهك صااافي كملتي زين لي كان خاصك
نهيلة:راه واحد مرة قالت ليا ندير وصفة لوجهي ودرتها ولا ليا هاكا اااش ندير دابا وانا خدامة
حليمة:على لي قال ليك ديري شيحاجة ديريها ماتشاوري حد
نهيلة:انخرج بيه زاعمة اول مرة نخرج مرادياش على راسي هادي حاجة ولافتها.. مشات بدلات حوايجها وفطرات وخرجات لي دازت من حداه يبقا يشوف فيها وملي تهز عينيها تشوف فيهم يقلبو وجهم بقات غادا وصلات شركة ويالاه باغا دخل بيرو كتخبرها سكريتيرة بلي من هنا عشرة دقايق كاين جتماع صااافي كملات ليوم يشبعو فيا ضحك ونضرات حتقار... يتبع