الخيبوعة

الجزء التاسع

لقاتو متكي ومشات لعندو
نهيلة:ممكن نگلاس معاك شويا
عادل:الا كنتي اتگالسي وتبقاي ساكتة گلسي كنتي غاتصدعي ليا راسي بلاش .. مشات گلسات وبقات كتشوف فالسما
نهيلة: لاحطت انا وياك عندنا واحد نقطة مشتركة (هدرات بشويا)
عادل:(تصدم من هدرتها) شنو هي هاد نقطة مشتركة
نهيلة:هازين فقلبنا بزاااف وهادشي غادي يضرنا حنا
عادل:شنو حاجة لي هزاها نت فقلبك
نهيلة:صعيب نقولها ولكن يلا وافقتي نكونو اصديقاء نعاود ليك وتعاود ليا اااش قلتي عطاتو يديها
عادل: ضربهااوكي موافق علاش لا
نهيلة:ولينا اصديقاء انا وياك ودابا ممكن نعرف شنو هاز فقلبك
عادل:نبداو بيك نت ومرة خرة انا
نهيلة:واخا اسيدي نبداو مني انا مهم ملي عقلت على راسي وانا كنسمع الهدرة بزاااف من زانقة وحتى من عائلتي بلي انا مزويناش وجهي مكرفس بحالا انا لي خلقتو هكاك مهم خديت تحدي مع راسي ندير مسكات نتهلا فيه ولكن بدون نتيجة غير كيزيد يتضرر شحال مرة فكرت نتاحر وانا فعمري 18 كان شكلي سباب مشاكيلي فقرايتي فدار فالزنقة ملي نمشيو عند ناس جيرااان كلشي مبقيتش كنحمل شي حد يشوف فيا كنمرض فنفسيتي واخا كنحاول نقنع راسي بلي هادا مشكل عادي ولكن ملي كنخرج غير حانوت كنحشم نهاز وجهي ونشوف فالناس وليت كنحس بلي منقدرش نستحمل نطراتهم ليا وحتى ملي كيوقفني شي حد ويبدا عليا بديري هادي ديري هادي هادشي كيزيد يضمار ليا نفسيتي وصلت واحد درجة مابقيت بغا نهدر مع تواحد ولي خلاني نوصل لهادشي هما ناااس لي دايرين بيا مكرهتش نغوااات بأعلى صوت ونگول ماااااشي سوقكوم هاااداا وجهي وربي بغااا يشوفني هاكا وناس كاملين تسمعني حيت عييييييت وهزييييت فقلبي بزاااااف و عمري داز منو بزاااف وانا ماتمتعت حتى بلحطة زوينة علااااش حيت ناس كتحتقرني وليت تاعسة بكترت هادشي حاربت بزاااف وطلعت بدون نتيجة ناس هما ناس ميمكنش نطرتهم تبدال
عادل:خصكي تعرفي بلي حتى واحد فهاد دنيا ميمكنش ما يسمع هدرة من عند ناس كنتي زوينة ولا خايبة ضروري تسمعي هدرة خاص الواحد يتيق فراسو ويبغي راسو كيف ماهو باش يقدر يتغلب على كلشي بهاد تيقة وحتى حاجة مادمرو ماتخليش ناس تكحل ليك حياتك وهما عايشين حياتهم كاع مامسوقين علاش نعطيه هاد فرصة بغا يشوف فيك يشوف كيما بغا كتبقى نطرة ديالو خاصة ونت مكتهمكش حيت عرفة راسك كتر من اي واحد والاهم هو جوهر يكون نقي اما مطهر كيبقى شكلي ماعندو حتى قيمة سواء كان زوين ولا خايب
نهيلة:واخا وعلاش نهار جيت نخدم عندك حكمتي عليا من المطهر ؟؟ممكن تجاوبني
عادل:حيت خدمة فبحال شركات الكبار كيطلب شويا العناية والاناقة يعني انا حكمت من لباسك لي مامنطمش كيفاش تقدر تكون خدمتها غاتكون مامنطماش بحالها هاكا فكرت اما وجهك راه عادي
نهيلة:عادي وكتگولي وجه بغريرة
عادل:(ضحك بلاما يحس)هههههه هادي حصلتيني فيها
كتشوف فيهم امينة من شرجم ديال بيتها وااا شوووفي بنت دغيا دارت بلاصتها شادا معاه هدرة وكيضحك معاها من فوق مزيان غدا تولي هي تحكم فينا و تعطينا الاوامير ياااخ انا لي ضسارتها نهار لاول كون جريت عليها وتهنيت منها ..
نهيلة:دابا نوبتك تعاود ليا
عادل:ماشي اليوم حيت ضروري نعاس غدا انصبح خدام
نهيلة:واخا على راحتك ولكن خاصك تعاود ليا
عادل:مهم نخاليك نمشي نعاس بون نوي ناد مشا وتبعاتو نهيلة و دخلات لبيتها نعسات وصباح فاقت بكري غسلات وجاها ومشات فيقات لولاد من نعاس وكتلعب وضحك معاهم فنفس الوقت داتهم غسلو وجهم وسنانهم ولبساتهم حوايجهم وشدات ليهم فيديهم وهبطو التحت كتلقا امينة و عادل كيفطرو ومشاو باسو باباهم وگلسو يفطرو .. يتبع