الخيبوعة

الجزءالثالت عشر

وقرب حدا فمها وقربات حتى هي و مغمضة عينيها حسات بالنفس ديالو كيضرب على وجها شويا دخلو ولاد ورجعو لور بزربة ونادت وقفات وكتكحب حسات بوجاها سخووون.. عنقات الولاد وباستهم و عنقو باباهم وباسوه وشدات ليهم يديهم نمشيو نتگوتاو وتفرجو شويا فروسوم حيت غدا الاحد و عاد نراجع معاكم شويا صافي
هداية:واخا متافقين .. مشات معاهم الكوزينة عطاتهم حليب وبيسكوي وخبز فيه فرماج كياكلو وهي ساهية وكتفكر فديك لحظة وعينيه لي حمقوها
هود:وووووواااااو كفح عليه حليب سخون وبدا كيبكي
نهيلة:هزات ليه سروال لحمو حمر مشات كتجري لتلاجة هزات تلج كديرو ليه و عادل سمعو كيبكي جا لقاها كدير ليه تلج
عادل:نهيلة مااااالو
نهيلة:تكفح عليه حليب سخووون
عادل:ونت شنووووو هي خدمتك فيييين كان عقلك جرها من يديها ودفاعها لور شويا ماطاحت غير شدات فلكرسي
عادل:صااافي احبييي متبكيش
هود:ااااااييي ابابا كدلني بزااااف رزلي .. مشا جاب دواء ودارو ليه رجليه و هزو لبيتو بقا معاه حتى نعاس ونهيلة گالسة مع هداية لي كتفرج فالروسوم
عادل:هدااااااية طلعي بيتك
نهيلة:بلاتي يكمل ليها روسوم ونطلع معاها
عادل:شتك نت وليتي تصرفي من راسك وديري لي بغيتي اناااا راااه كلشي نصبر ليه الا ضسارة وقلت الاهتمام لولادي وملي نهدر معاهم مادخليش حيت انا لي والدهم ماشي نت باش يتصرفو على گانتك
نهيلة:سمحلي ماقصدت والو متقلقش مني
عادل:اوا هكاك دخلي سووووق راسك ونت هنا على وااااد تخدمي ولادي يكونو مرتاحين وهاد ديكور لي شافت هود فيه اخر مرة نشوفو فهمتي
نهيلة:هدر معايا بشويا علاااش كتغوات واش انا لي خويت عليه حليب
عادل:نغوااااات ونفوتها لهيه شنوووو تحبسيني ولا يكما باغا تربيني حتى انا على گانتك
نهيلة:نطلع لبيتي حسن نادت وشدها من يديها ودفاعها بلاصة فين كانت گالسة ملي نكووون ندوي معاك ما تمشيش وتخليني نكمل هدرتي عاد نوضي (...) ديك ساعة
نهيلة:متخصرش الهدرة حدنا هداية
عادل:عطيناك شويا قيمة وليتي تهزي صوتك
نهيلة:انا كنهدر عادي يلا نت كيبان ليك هزيت صوتي شغلك هاداك واشمن قيمة عطيتيني
عادل:تزوجت بيك ونت كلب ميقبلش بيك
نهيلة:اوا هانتا قبلتي بيا يعني كدوي على راسك
عادل:شنوو كتقصدي زعما انا كلب ياك جمع معاها بتصرفيقة و هزات هداية وطلعات فوق
هداية:نالي دلبك بابا صافي متبكيس
نهيلة:لا مكنبكيش احبيبا مهم دخلي بيتك شويا نجي عندك مشات لبيتها ونفجرات بالبكا كتبكي حتى تفشات عاد خرجات ومشات بيت هداية لقاتها نعسات غطاتها ونعسات حداها ودموع مبغاوش يتحبسو ليها حسات بالحاگرة بقات ناعسة حدا هداية شويا دخلات عندها سعدية ومسحات عينيها بزربة
سعدية:لالة العشة واجد كلشي كيتسنى التحت
نهيلة:لا انا مافياش جوع ولكن بلاتي نفيق لولاد يلا بغاو يتعشاو.. كتفيق فهداية والو مابغاتش تنود ومشات لبيت عادل فين نعاس هود دخلات اول مرة لبيتو واعرة كلشي شيك فراش ناموسية بالحمر والكحل ومرايا كبيرة وقدامها ريحة وشي عشرين ساعة ولا كتر و مشطة مشات كتفيق هود يتعشاء مبغاش وهزاتو بشويا تديه لبيتو وهي خارجة تحل لباب ودخل عادل مشافتش فيه دازت من حداه حتى كيزعزعها صوتو
عادل:خدمتتتتتك مابقااااتش عجباني الولاد نعسو بلا عشاء وزيد واحد تحرق فرجليه شنووو انا كنخلصك غير هكاك (اصلا فلوس لي كيعطيها كيف كتشدهم كتعطيهم لمها حليمة)
نهيلة:سمحلي خطاء ماتعاودش خرجات وساد لباب من موراها بجهد حتى قفازها وفاق هود دخلاتو لبيتو حطاتو وهزات ليه سروال كتلقا شويا جلدة تحيدات ليه بقااا فيها ونزلات باستو وجابت بوماضة ديال حريق دارتها ليه ولبسات ليه سروال بشويا وغطاتو ومشات لبيتها نعسات وجمعات رجليها عندها وكتفكر فهدرة لي گال ليها «كلب ومايقبلش بيك»لهاد درجة مكناسوى والو خلات دموعها هي لي تعبر على حزنها بقات كتبكي وتنحصص حتى داها نعاس فالصباح فاقت عينيها منفوخين مشات غسلات وجاها ومشات فيقات الولاد ونادو عنقوها وعنقاتهم
هداية:ليوم الاحد سنو أنديلو
نهيلة:اليوم غادي نزلو نفطرو ونمشيو جردة لعبو شويا غميضة و من بعد نتغداو وتناعسو شويا تفيقو تگوتاو وتبدا مراجعة دروس وتعشاو وندوش ليكم وتناعسو باااش غدا تفيقو ناشطين مدرسة
هود:صافي واخا هاكا زوين
نهيلة:يالله سيرو غسلو وجهكم وسنانكم باش نزلو نفطرو .. مشاو غسلو وشدات ليهم فيديهم وهبطو التحت كاين غير عادل اما محمود وامينة خرجو مشاو لعندو كيجريو وتلاحو عليه باسهم و طلع لهود سروال يشوف حرقة
عادل:حبيب باباه مبقاتش كضرك
هود:لا مبقاتس كدلني كاع
خوات نهيلة حليب برداتو و دارت فيه شكلاط ومداتو ليهم هزوه كيشربو وعزات خبز دارت فيه فرماج و عسل ومداتو ليهم
هداية:(فمها عامر)إوا فطلي جتى نت انهيلة
نهيلة:دابا نفطر غير فطرو مزيان باش نمشيو لعبو
هود:وااااو انلعبو هازو كيفطرو وهي عينيها فيهم مشافتش فيه كاع كيف كملو مسحات ليهم وشداتهم من يديهم وخرجو جردة
نهيلة:انا نغمص عيني وسيرو تخباو .. غمضات عينيها وتخباو وبقات كتقلب عليهم هوووووووود هداااااية فييييييينكم فيييين تخبيتو هااا شافت مور شجرة ولقاتهم مكمشين هاااانااا لقيييييتكم شداتهم وكينقزو ويضحكو وطاحت الارض وتلاحو عليها وتقلبات طلعات عليهم وكتعض وتهر فيهم و صوت ضحكهم واصل فين ناد عادل طال عليهم شاف ولادو فرحانين رجع لبلاصتو وهاز بيسي كيخدم فيه .. داز الوقت رجعات امينة ومحمود و وتغداو..
دازت تلاتة اشهر نفس روتين ديما و نهيلة وعادل مكيهدروش هو منفاخ وحتى هي حيت جرحها بهدرتو قلل منها اما وجاها تنقا من حبوب ولكن مزال متبعة مع طبيبة... يتبع