الخيبوعة

الجزء الرابع عشر

نهيلة واقفة قدام مرايا كتشوف فوجاها لي تبدال مبقاش فيه الحبوب وزيد صاوبات سنانها وبيضاتهم سهااات فراسها اااح فلوس اش كيديرو فالواحد دخلات الدوش دوشات و خرجات لبسات دو بياس و بيجامة بسروالها بالغوز ونشفات شعرها وهزات كتسرح فيه شويا دخلات عندها امينة مشات گلسات جد انا
امينة:نهيلة بغيت ندوي معاك فواحد موضوع
نهيلة:اااه اخالتي مرحبا شنو هو هاد موضوع
امينة:كيبقاو فيا الولاد لي بعاد على ماماهم حاولت شحال مرة مع عادل يخليهم يشوفو ماماهم ولكن مبغاش و فكرت فواحد الحل
نهيلة:شنو هو هاد الحل
امينة:نعطيك العنوان ديالها وديهم ليها تشوفهم ويلا جا عادل انگوليه خرجات معاهم حديقة الالعاب اااش گالتي
نهيلة:صافي واخا (جمعات شعرها وهزات جلابتها لبساتها و عطاتها امينة عنوان مشات عند هود وهداية شداتهم من يديهم وخرجات شدات طاكسي العنوان لي عطاتها و امينة صونات عادل گالت ليه نهيلة خرجات الولاد عند ماماهم سمعاتها كتهدر فتيليفون تعصب وناد خرج كيجري كي شي العجاجة طلع فسيارتو وكسيرا وقف قدام دارها و كيضرب الباب بجهد بهال شي كلب مصعور
سارة:نااااري اااش هاد دقان واش هو عارف جبتي ليا ولادي نشوفهمش
نهيلة:عنقات هود وهداية لا مافراسوش نادت سارة حلات الباب شافتو قفزات وحطات يديها على فمها وهو وجهو حمر وعينيه خرجو وصدرو كيطلع ويهبط دفاعها ودخل الداخل شافتو نهيلة تصدمات ضرب طابلة برجليه وجار هود وهداية من عندها وجمع معاها بتصرفيقة حتى رعفات
عادل: حسااااااااابي معااااك هوووو لاخر نواريك تصرفي من راااااسك تحرررركي طوموبيل.. نادت سبقاتو وكتمسح دم لي نزل من نيفها وهو موراها وسارة كتبكي علااااااش اتحرمني من ولادي حرااااام عليييييك رحمني انا غلط الله كيسامح سمح ليا ملي سمع هدرتها زااد تعصب كتر طلع فطوموبيل وكسيرا بجهد وغادي بسرعة كبيرة و نهيلة لور جات وسط هود وهداية ومعنقاهم وهما مخلوعين
نهيلة:عادل ممكن تنقص سرعة الولاد داااخو .. ماتسوقش لهدرتها وصلو ونزلو و دخلو الفيلا وامينة شدات الولاد وهو شدها من يديها غارس ضفرنو فيها وطلعو الفوق دخل لبيت وسد الباب بجهد
نهيلة:ع ع عادل برد انا عرفاك معصب
عادل:(تلاح شدها من شعرها)معامن تشورتي تصرفي من راااسك ضسارتي الحمارة
نهيلة:هااااداك حقهم بغيتي ولا كرهتي
عادل:ونت شكوووووون بااااش دخلي يااااك خدمتك تقابليهم ماشي دخلي فلي مكيعنيكش
نهيلة:ونت شكووووون باااش تمنعهم من ماماهم كتهرب من واحد الحدت دمرك و لكن على حساااااب ولادك هاكا راه كضرهم هما
عادل:سكتتتتتي سكتتتتتتتي (كايصرفق فيها وحدة مور لوخرا برد فيها كاع عصبيتو) تزوجت بيك باش نتاقم من راسي بيك نت حيت واحد نهار بغيت انسانة متستاحقش ونت بنسبة ليا خدمة لولادي ونتقام لراسي ملي نشوف فكمارتك نزيد نكره حياتي
نهيلة:برااااااااكة أعادل صافي سكت ضربتيني و گالتي شنو ضارك صاااافي .. ضرب كرسي كان قدامو وخرج وهي نادت جمعات شعرها ومشات لبيتها هزات ساكها و هزات لحوايج لي جابت نهار الاول خشاتهم فيه ونزلات كتلقا امينة مع الولاد التحت
نهيلة:شكرا اخالتي امينة نت لي خطاطي لهادشي كامل وانا فكرت فالولاد ونت كنتي باغا تجبدي صداع وتفرجي منهار جيت وانا بحالا گالسة ليك على قلبك شنووو درت ليك ياك واخا كتجرحيني مكنهزش فيك العين اااه عرفة انا ماشي هي بنت لي بغيتي لولدك ولكن حتى انا ماشي هادا هو زواج لي حلمت بيه ودابا تهناي هنا غادا بحالي و گولي عادل يطلقني والله يعاون كل واحد
هداية:لا لا عفاااااك ماتمسيس عفاااااك
هود:نهيلة بكااااي معانا متمسييس .. تحنات لمستواهم و عنقاتهم كتحس بيهم ولادها باستهم ونادت خرجات وهما تبعوها نهيييييلة آزي عفااااك شداتهم امينة لي حسات بهدرتها ضرباتها فقلبها ومشات وصلات نهيلة لدارهم وعنقات ماماها وبكاااات حتى تفشات
حليمة:مالك ابنتي شنو وقع ليك عاودي ليا
نهيلة:(عودات ليها)
حليمة:صافي طلقي منو والله يعاونو بولادو ومشاكلو وزيد جيران كيسولوني عليك كنگوليهم مشات البرا حيت مجاتش نقول ليهم تزوجات غادي يديرو فيها يدين ورجلين
نهيلة:اودي طلع ليا بنادم في رااااسي عييييييت ما نضرب ليهم الف حساب ونفكر ليهم قبل راسي الله يحرق طواسلهم كاملين بسبابهم دليت راسي ورديت بالدل والقهرة كنحشم منهم على حاجة ربي عطاها ليا
حليمة:صراحة الله دابا وجهاك تنقا من حبوب وزيد سنانك قديتيهم عاد بان فيك ضو
نهيلة :والله انا مكايهمني شكلي حيت عرفت مشكل الاساس هو الواحد مايكونش راضي براسو ويتقبلو كيف ما هو و كيفاش حنا ميعجبناش راسنا و بغينا ناس نعجبوهوم هادي مستحيلة والاهم هي كريزمة وشخصية وعقلية و تقة فنفس هي لي كتأتيري وناس ملي تبيني قدامهم ضعيفة و عندك واحد ناقص فشيحاجة كيشدو ليك فيها ويزيدو يمرضوك مهم نمشي نعاس راسي دارني بغيت نرتاح
حليمة:سيري ابنتي نوجد العشاء ونعيط عليك .. في مكان آخر
رجع عادل لفيلا بعدما برد طلع لبيتو دوش و دخل بيت وهداية لقاهم گالسين بوحدهم و صاقلين مكيلعبو مكيضحكو
عادل:مالكم گالسين هكاك فين نهيلة
هداية:نهيلة مسااات لدالهم وحنا توحسناها بزااف
هود:ااه ابابا توحسنها هي ضليفة كتلعب معانا و داتنا سفنا ماما ولكن نت زليتي عليها كيف زليتي على ماما
هداية:انا وهود مقلقين منك شدات فيد هود ونادو كيجريو وخرجو
وعادل خرج ودخل لبيتها فتح بلاكار لقا حوايج لي شرا ليها اما لوخرين مكينينش تعصب وبدا يخبط بالبلاكاااار بجهد وهز تيليفون...يتبع