الخيبوعة

الجزء الثالت

خبراتهم بلي مسيو عادل بغاهم عندو فبيرو نادو مشاو ودخلاتهم سكريتيرة كان واقف لجيهت شرجم وعاطيهم بطهر ويديه فجيب دار لعندهم
عادل:اااش هاد خدمة زينة من نهار لاول جوج ميلفات خدامة هي هاديك ولاخرين مخربقيت راااه مكلعبوش هنا
ملاك:مسيو عادل هادا ماشي غلاط ديالي(شافت في نهيلة)الانسة نهيلة قالت ليها خدمي ميلفات وانا نعاود واش كاين شي خطاء ولكن رفضات وانا متأكدة بلي ميلفات لي خدمات فين كان خطاء
نهيلة:انا خد...
عادل:(قطعها) اسمعي اوجه بغريرة ياغتخدمي من نيتك ولا برااا لا مجال الاخطاء و زيد خدمي طريقة لي قالت ليك الانسة ملاك وهادي اخر مرة نشوف بحال هاد خدمة ودابا رجعو خدمتكم .. خرجو من عندو ونفجرات ملاك بضحك قاد ليك سمية وجه بغريرة ههههه
نهيلة:(ضلعات وهبطات فيها)ورجعات البيرو وبدات خدمة جا وقت غدا نادت ملاك تخرج
نهيلة:ختي ممكن تعطيني ناصيبي فلوس خدمة محتاجهم
ملاك:هههه معنديش بقات غادا
نهيلة:رااااني مكنسعاكش هنااا هادوك فلوسي فهمتي
حلات ملاك ساكها وهزات جوا لقات فيه 4000 درهم ورمات ليها 2000 درهم هااااك تريكت جوووع يااااخ خرجات هزاتهم نهيلة بالفرحة هادي اول خلصة ليا فحياتي حمد الله ياربي خشاتها فساك وتحنات على وراق كتخدم واخا فيها موت ديال جوع صبرات دازت نص ساعة رجعو موطافين خدمتهم و ملاك جات دخلات فايس ديالها من بيسي خدمة وكتكونيكطا حتى وصلات 6 ونادت وقفات مور راسها عواااج بالخدمة
ملاك:يلا سليتي دوك دواسا اريهم نعاود نشوفهم .. مداتهم ليها نهيلة وخرجات و ملاك بقات كاطل عليها بانت ليها مشات وهزاتهم داتهم سكرتيرة من غير ما ضرب طليلة عليهم شداتهم من عندها حتى غدا ودخلهم لعادل حيت دابا خرج ...
خرجات نهيلة مشات تقدات كاع تقدية من خضرة ديسير لحم دجاج حوت كلشي وخدات لمها بيجامة وزيف وبالغة وجداها كدلك ورجعات لدار دقات باب وحلات ليها مها
حليمة:اااش هاد تعطيلة كلها وشنو هادشي هازا
نهيلة:عطاوني تصبيق فالخدمة وتقضيت هاد خير .. عوناتها دخلو داكشي
حليمة:تبارك الله الخير هادا كي داز نهارك فالخدمة
نهيلة:داز صعيب شويا حيت كاينة خدمة ولكن ماشي مشكل هاد فرحة لي كنشوف فعينيك كتنسيني كلشي مهم كاين مايكال راه من فطور ما داقت نعمة.. نادت حليمة وجدات طاجين عشاء وهي دخلات لبيتها تكات وداها نعاس حتى كتفيق فيها مها تعشا نادت تعشات ولبسات بيجامتها وعمرات ساعة مع 7 ونعسات فاقت نهيلة تكسلات فبلاصتها ونادت لبسات حوايج عاديين وخرجات بلى فطور وصلات شركة ولقات لي دوسي واحد فوق واحد وملاك كتصبغ دفرانها
ملاك:اووووه على سلامتنا بلالة مديرة يالاه جايا
نهيلة:تعطلت بجوج دقايق وزيد شتاك گالسة وخدمة مشتتة هنا
ملاك:انا خدمتي هي نطل عيهم ملي تسالي نت منهم اوكي.. گلسات ونزلات على وراق كتخدم ماهزاتش راسها وصل وقت غدا خرجو يتغداو و نهيلة جبدات خبز فيه بيض من صاك وكلاتو و كملات خدمة وصلات 6 يالاه خدمات تلاتة ملفات ولكن راه راسها تطبخ معاهم وقررات تدي باقي دار وتكملو هزات ملاك ملفات لي خدمات نهيلة ودربات فيهم طليلة و داتهم سكريتيرة وقالت ليه بغيت ندوي معاه ضروري دخلاتو عندو ...يتبع