الخيبوعة

الجزء السادس

نهيلة:شنو هي هاد خدمة أسي عادل
عادل:عندي بنت والد بغيتك تقابليهم فماكلتهم وقرايتهم ونعاسهم
نهيلة:ممم صراحة ماعنديش فكرة على مربية الاطفال ولكن نحاول وصافي موهيم متبقاش بلاش
عادل:مهم غدا جي هاد عنوان
نهيلة:واخا نشاء الله.. خرجات من عندو وهي كتعجب فحال دنيا لي كيتبدال رجعات لدار وعاودات لمها كولشي
حليمة:نت ربيتي حتى راسك مابقى ليك غير ولاد ناس
نهيلة:رااه هادا هو مشكيل راني معرفاش نتعامل مع دراري صغار وزيد انا محتاجة نخدم شنو ندير
حليمة:ماعندك ماديري هادا مكتاب الله و على فين مراتو
نهيلة:معرفتش وتصدمت ملي قالي عندو جوج ولاد بنت ولد حيت كيبان صغير
حليمة:يكما يكون شي فاخ هادا وباغي يدوز ليك
نهيلة:يدوز ليا انا كرينة كابور ههه على هاد كمارة لي عندي غير كوني هانية من ديك ناحية ههه
حليمة:فهادي مكدبتيش ههه شوفي ملي تخلصي وسيري لطبيب على واد وجهك وديري لباگ يتقادو ليك سنان وغسليهم وشري حتى نت مكياج وتقادي وتصاوبي مالك راه مزال صغيرة
نهيلة:اول مرة تگولي ليا هاكا ههه
حليمة:شنو بغيتي نگولو ليك فاش كنتي مزلوطة تسيزيني دابا راك خدامة والحمد الله
نهيلة:إوا كنتمنى هاد خدمة نقاد بيها واخا ماعنديش تجربة
حليمة:نشاء الله يكون خير ...
جا نهار جديد فاقت نهيلة بحال ديما فطرات وبدلات حوايجها وخرجات شدات طاكسي العنوان لي عطاها وقفات طاكسي قدام فيلا ونزلات دقات باب وحلات ليها مرا كبيرة في سن لابسة قفطان وكلها دهوبات
امينة:نعم ابنتي كتسولي على شي حاد
نهيلة:انا نهيلة من طرف سي عادل
امينة:اااه مربية وصاني ولدي عادل زيدي ابنتي مرحبا.. دخلات وبقات ساهية فالديكور والاتات والفراش لي مخلط بين العصري وتقليدي
امينة:زيدي دخلي مرحبا.. دخلو صالون وگالسو
امينة:مهم الوليدات لفوق شويا ونطلعو عندهم و راه قباح شويا داكشي باش حتى مرابية ما كطوال معاهم
نهيلة:نحاولو يكون خير نشاء الله رحبو بيها حطو اتاي والحلوة كلات عاد طلعات معاها عند دراري كي حلات الباب جاتها مخدة على وجاها
امينة:هود هداية براكة من قباحة أجيو لهنا مشاو لحداها
هود:نعم أزدة
امينة:هاد البنت سميتها نهيلة وهي لي غادي تكلف بيكم
هداية:اوووووف زبتو لينا تاني صداع لاس
امينة:هداية حشمي رااه نتما مزال صغار وخاص لي يقابلكم
هود:أزي ازدة نگوليك فودنيك «نزلات عطاتو ودنها»دابا هادي غاتقابلنا وهي راسها مقابلاتوس ههه
امينة:يا شويطين نقص شويا من قباحة و لي قالت ليك نهيلة ديروه فهمتو مهم نخليك معاهم ..خرجات
نهيلة:هود وهداية ممكن نكونو اصديقاء
هداية:ونت ممكن تمسي بحالك وزهاك خايب فيه حبوب بزاف وكملتيها بنضاضر ياااااخ
هود:صافي گاع ملبيات دزناهم اخر وحدة هي هادي بقات مسكينة حتى خمزات هههه
نهيلة:قولو فيا لي بغيتو انا منتقلقش منكم حيت انا بوحدي وبغيت نكون صديقة ديالكم (حدرات راسها مقلقة)
هداية:مسكينة اهود هي بوحدها صافي واخا نكونو اصديقاء ولكن بسلط
نهيلة:بصصصصصح شنو هو شرط
هود:ماتحكميس فينا لي عزبنا نديلوه
نهيلة:صافي واخا متافقين عنقاتهم وباستهم
نهيلة:مهم دابا غادي نگلسو واحد فينا يوقف ويقدم لينا راسو باش نتعارفو مزيان واول واحد هو هود
هود:انا سميتي هود فعمري 8 سنوات وهويتي سباحة و حلمي نشوف ماما حيت توحستها بزااااف
نهيلة:مزيان هود ودابا نوبتك أ هداية
هداية:انا سميتي هداية عمري ستة سنوات هوايتي غناء و حلمي نكون مهندسة ونشوف ماما سافي
نهيلة:ادا اتغني لينا ياك اهود بغينا تغني لينا بغينا تغني لينا
هداية:(كتسد ودنيها صافي سكتو انا نغني)كم سهرنا من ليالي لي صباح لا ننم كم عراقيل نكسرنا كي نحقق الحلم ان فاشلنا لا نبالي فلنسير نحو الامل انا قمة جبالي تستحق لا جرم..
نهيلة:براااافووو صفق اهود مزيان.. كيصفق بجهد وكيضحك
هداية:دابا نوبتك نت انهيلة
نهيلة:انا سميتي نهيلة عمري 25 سنة وهواية ديالي تمتيل
هداية:عرفتي شحال من مربية جابها بابا وكنعصبوها انا وهود وكتهلب بحالها ياك اهود
هود:واه بصح
نهيلة:هي انا وليت عزيزة عليكم ياكو
هداية:واااه حيت ضليفة
نهيلة:ادا نتافقو نديرو واحد ورقة ونضمو فيها وقتنا بتلاتة
هود: واخا متافقين ..
دازت ساعتين وهي معاهم وصل وقت غداء وباستهم ونزلات تمشي بحالها
امينة:يكما ضروك الولاد فراس
نهيلة:لا بالعكس تصاحبت معاهم
امينة:بصح هادي اول مرة يديروها مع شي موربية مهم تفضلي لصالون يجي الحاج وعادل ونتغداو
نهيلة:لا والله مانقدر مرة خرا خليت مي بوحدها مهم العشية رجع عندهم ..تسالمات معاها وخرجات رجعات لدار لقات مها كتقلي الحوت
حليمة:كي دازت خدمة مزيانة
نهيلة:اااح امي ناااس فين عايشين اشمنك افراش اشمنك اديكور كلشي كيحمق والخدمة دازت مزيانة نتغدا ورجع تاني... يتبع