كانت رهف ترتشف كوب العصير و عند سماعها اسمه شرقت و سقط بعض قطرات العصير عليها
رهف بصدمةو هي تسعل : كح كح .. قولت مين
نجوي : دكتور حازم .. ثم تابعت برجاء : رهف الله يخليكي قبل ما تقولي اي حاجة فكري
ادهم بتاكيد : فكري يا رهف و ردي عليا
ابتعلت ريقها بصعوبة وقالت بخجل : حاضر .. هصلي صلاه استخاره و ارد علي حضرتك ..
فغادرت مسرعه الي غرفتها ، دخلت و وقفت خلف الباب تضع يدها علي صدرها لتهدا من تسارع دقات قلبها غير مصدقه ما حدث لكن تغير حالها قليلا وجلست تفكر بهدوء،في منتصف اليوم امسكت الهاتف و كونت رقم صديقتها
قالت رهف بلهفة : سااالي ... تخيلي حازم اتقدملي
شهقت بفرحة : معقووول .. مش قولتلك كان قلبي حاسس
ضحكت و هتفت بقلق وحيره : على اد ما مبسوطه بس انا حاسه ان مش مرتاحه معرفش ليه
تعجبت بشده قائله : ليه كدا انتي بتقولي أن كان ذوق معاكي و محترم
رهف بحيره: ايوه بصراحه بس بس عارفه ليه حاجة طايقه على قلبي قفلاني كدا.... انا هفكر و اصلي استخارة و اقرر
سالي بنصح : ياريت متتسرعيش متخليش مشاعر الخوف من الخطوه تخليكي تخسري فرصه حلوه
تفهمت كلامها و هتفت بعقلانيه : عندك حق انا مش هقرر قبل ما افكر كويس
🍀🍀💜🍀🍀
انهت ليلي امتحانها و خرجت من المدرج ، فرأت كرم يقف مع مجموعة من طلاب عند باب مكتبه فتوجهت اليه
ليلي : ازاي حضرتك يا دكتور
كرم بإبتسامة: الحمدلله ،عملتي ايه في الامتحان
اتسعت ابتسامتها وقالت : الحمدلله حليت كويس جدا مش عارفة الامتحان كان سهل ولا انا اللي مذاكره كويس
كرم بتشجيع : انتي اللي شاطرة .. عندك لسه محاضرات
هزت رأسها بالنفي : ده اخر واحدة.. وهمشي
- انا كمان خلصت تعالي نتكلم و احنا ماشيين
فسارت معه نحو بوابه الجامعه ، التفت لها كرم وقال بتردد : هو انا ممكن اعرف سبب التأجيل
صمتت ليلي قليلا، فشعر كرم بانه ضايقها بسؤاله فقال بسرعه : لو مش عايزة تقولي خلاص
ليلي بحرج : لا عادي.. بإختصار كدة من 3 سنين بابا و ماما وعمي توفوا الطيارة وقعت بيهم وهما رايحين العمرة ، وقتها تعبت و حصلتلي كذا حاجة، فا مقدرتش ان اكمل ، وانا بحب التصوير من زمان فا اشتغلت في لحد لما حسيت ان لازم اكمل كليه لان ده هيساعدني اكتر
سقطت دمعه من عيون ليلي لتذكرها اهلها ، لاحظ كرم ذلك فشعر بالألم و الذنب و اشفق علي حالتها
أنت تقرأ
ليتني ما عشقتك ( بقلم يارا عصام)
Romanceقد تاتيك الطعنه ممن لا تتوقعه او تظنه دائما انه امانك وحمايتك ولا يمكن ان يكسرك ويأذيك ابدا فقدان الثقة في شريكك هو بدايه نهاية العلاقة رهف بنظره مؤلمة قائلا ببكاء : طلقني يا حازم
