ليتني ما عشقتك ( بقلم يارا عصام)

الفصل الثامن عشر

انطلق في الشارع صوت الفرامل وهي تكبح جماحها بشده ... بعدما صدمت شخص ما ظهر امامها فجأه ...ليسقط الشخص علي الارض نتيجه اصطدامه... شهقت رهف بفزع و نزلت بسرعه من السياره ... وجدت طفل لايتعدي 7 سنوات ارتسم علي وجهه الألم الشديد. ... صرخت رهف فور رؤيته

اقتربت رهف منه و جثت علي ركبتيها قائله ببكاء و توسل: بالله عليك قوم .. انت عايش

لم يستطيع الولد الحديث من كثره الألم ..

تجمع بعض الناس حواليها قائلين : لا حول و لا قوة الا بالله
— لما انتو مش قد السواقة بتسوقوا و تخبطوا الناس
— مش تفتحي و انتي بتسوقي، انا قولت الستات ما تسوقش

نظرت لهم وقالت بخوف و بكاء: والله هو اللي ظهر فجأه قدامي

— انتو اخركو البيت خروجكوا بيجيب مصايب

رهف برجاء: ممكن حد ينقلوا عربيتي و هطلع بي علي المستشفي

حمل احد الرجال جسد الولد بخفة و وضعه في المقعد الخلفي لسيارتها ... ثم ركب الرجل في المقعد الأمامي 

رهف بخوف: انت رايح فين

الرجل: جاي معاكي امال اسيبك لوحدك و ترمي الواد في اي حته و تمشي.. يلا يا انسه

انطلقت رهف بسيارتها و جسدها يرتجف من شده الخوف .. تنظر علي الطفل في المرأه لتتاكد انه علي قيد الحياه... توجهت الي المستشفي

نزلت من السياره و حمل الممرضين الطفل للطوارئ ... وقفت رهف في المستشفي

امسكت هاتفها بيد مرتعشه و اتصلت بحازم

اجاب عليها لترد بين شهقاتها: الحقني يا حازم انا خبط ولد بالعربيه و جبته في المستشفي عندك

حازم بفزع وهو ينهض: اهدي انا ثواني و هبقي عندك انتي في الدور الكام

— الدور 2 تقريبا

اغلق الخط و اتجه الي الاسانسير و صعد اليها

وجدها تقف في منتصف الردهة... جري حازم إليها .. لم تدري رهف الا وهي تلقي بنفسها بين ذراعيه و تتشبث به بخوف وهي تبكي

حازم وهو يربت علي ظهرها: اهدي يا حبيبتي و فهميني ايه اللي حصل

لم تستطيع الحديث من كثرة البكاء ..
فقال الرجل : الاستاذه كانت ماشيه بسرعه و خبطت الواد

ابتعدت رهف عنه وقالت بدموع: والله لا هو كان بيجري وفجأه ظهر قدامي

الرجل : انتي عايزه تجيبي الغلط علي الطفل

حازم بغضب وهو ينظر له: انت مين اصلا و بتكلمها كدة ليه

الرجل: انا شوفت الحادثة و جيت معاها عشان اطمن علي الواد و نبلغ البوليس

شهقت رهف برعب ،فقال له حازم وهو يحاول ان يتمالك اعصابه: اسمعني خليك واقف هنا و متتصلش هطمن علي الولد و اجيلك