يجلس علي الأريكه يتطلع الي حاسوبة ، خرجت رهف من غرفتها و توجهت اليه
نظر لها و جدها ترتدي ملابس خروج فقال بتساؤل : رايحة فين يا رهف
رهف بهدوء: رايحة اقابل أحمد
حازم : مش المفروض نستأذن و لا لازم اقول كل شويه
رهف بضجر : ما انا جايه استأذن شوفتني نزلت من غير ما اقول
حاول اخفاء ابتسامته و اصتنع الجديه وقال: هتروحي معاه فين
رهف بسخرية : رايحة معاه النادي ولا اقولك هنروح نسهر في الحفلات
حازم بخبث: ايه رأيك نلغي أحمد و نروح نسهر في الحفله اللي هتروحيها كده أحسن
رهف بمراره: مفيش احسن من الحفلة اللي بتتعمل عليا من شهور ... عن اذنك
همت لتنصرف لكن اوقفها صوته قائلا: اتمشو علي الجهه اللي القدام الجناح
رهف بتهكم : ملكش دعوه نتمشي في اي مكان عايزينه
احتقن وجهه بالغضب فقال هو يجز علي اسنانه: مش هعيد تاني اللي قولته لو بصيت ملقتكيش مش هتنزلي تاني
تأففت رهف و خرجت و اغلقت الباب خلفها بعصبية
خرج حازم الي الشرفة ... رن هاتفه فأجاب عليه قائلا : السلام عليكم .. عامل ايه
مازن : عليكم السلام، قولي انت اللي عامل ايه
حازم بتنهيدة ألم: زي ما انا مفيش تغيير كله حاجة اتقلبت على دماغي... بحاول اشد عليها يمكن تكلمني
مازن : وانت شايف ان ده هيجيب معاها نتيجة
حازم بحيره: والله ما اعرف رهف عنيده اوي و مش بتسمع غير دماغها و للأسف مصممه علي الطلاق
مازن بحزن: استغفر الله العظيم.. طيب وانت هترجع مصر امتي
حازم بضيق: بحاول آجل نزولي عشان خايف من اللي هيحصل بعد كدة
مازن بعبث: اقولك علي خبر هيخرجك من اللي انت في شوية
حازم بلهفة : ياريت قولي يا بني
مازن ببهجة: هتبقا عم قريب .. ليلي حامل
اتسعت ابتسامته فأردف بسعادة: اخيرا في اخبار حلوة ... مبرووك يا صاحبي
- الله يبارك فيك ... عقبالك ان شاء الله
حازم بإقتضاب : بإذن الله مع السلامه
💜💜💜
وصلت رهف عند مكان عمل والد أحمد لتأخذه
دلفت الي الكافيه لتنبهر بالتصميم و الديكور
جري عليها احمد عندما رأها فقال : اتأخرتي رهف
رهف بأسف : معلش يا حبيبي
تقدم اليهم فارس وقال بإبتسامه: ازاي حضرتك
رهف بإبتسامه: الحمدلله.. انا اسفه ان دخلت بس ملقتش أحمد بره
أنت تقرأ
ليتني ما عشقتك ( بقلم يارا عصام)
Romanceقد تاتيك الطعنه ممن لا تتوقعه او تظنه دائما انه امانك وحمايتك ولا يمكن ان يكسرك ويأذيك ابدا فقدان الثقة في شريكك هو بدايه نهاية العلاقة رهف بنظره مؤلمة قائلا ببكاء : طلقني يا حازم
