يالشعور العذب مدري ياعذابي

البارت 12

🌸🍃🌸🍃🌸
🍃🌸🍃🌸
🌸🍃🌸
🍃🌸
🌸 12 ...

📚 😍 📃
📖 روايـــــــــــــة ✍🏼
{ يالشعور العذب مدري ياعذابي }

📖🖌 🌸🍃

اتّجه ناحية جوف مستغرب من كلامها له بالجوال وانها تبي تكلمه بموضوع يخص جاهر اخوهم يعني لازم يتقابلون بمكان غير البيت ويتناقشون لموضوع متعلق بين جمر وبين جاهر ، واتجه ناحية المستشفى ومنها يكرر عادته الاسبوعيه بانه يزور مرضى الطب النفسي وخصوصًا العيال  اللي تحسنت حالتهم بشكل ملحوظ من شافوا بطلهم وبطل فريقهم ومهبط حلمهم يزورهم واحد واحد بغرفهم وهذا الشيء كان كفيل انه ينسيهم حزنهم وبعض صفحات جنونهم ...
•
•
وزعت الفستان اللي كان من صنع يدها ومن خياطتها على جسمها قفلت سحاب الفستان للاخير وقفت بطولها قدام جوف بالضبط وبتوتر وهي مغمضه عيونها / شلونه علي ؟.
لفت عليها وبانت علامات الانبهار على وجهها وعيونها وبصوت واضح فيه نبرة الاعجاب الجنوني / وش ذا ياعذبه ؟.يازينه عليك ، يازينه يازينه ...
عذبه اللي نظرت بفستانها الابيض العاري الاكتاف ضيق من ناحية الخصر والصدر ويبدا يتوسع شوي شوي ...
رجعت نظرت بجوف اللي اتجهت ناحيتها قربت من ضفاير عذبه ونيتها انها تفكها وتخلي شعرها منتثر على راحته تبي تحجز ببالها شكل لعذبه غير الشكل ذا ، عذبه جمالها ناعم وهادي جداً مو حادة الجمال ابد جمالها مريح للعين وناعم بشكل ماله مثيل ...تبي تشوف جمالها بشكل أوضح .
عذبه اللي نفضت يد جوف من على ضفايرها شدت ضفايرها لناحيتها وتهز راسها بالنفي لاكثر من مره ونظراتها تحولت لتوتر ...
جوف توسعت عينها بذهول من ردة فعلها طرى ببالها شيء فتحت جوف طرحتها ونثرت شعرها الاسود على وجهها وظهرها وبعلامات اغراء لعذبه / ماتبغين شعرك يكون مثل كذا ؟. بس ابي اشوف شعرك وهو منتثر وبعدها انا اجدله لك يا ام الجدايل ...
عذبه اللي تثبتت نظراتها على شعر جوف اللي يشابه شعرها حيل لكن شعر عذبه اطول وملمسه ناعم لدرجة لامتناهيه وكان ردها السكات ...
جوف اللي شافت عينها تتبع خصل شعرها شافت ملامحها اللي ارتخت وهديت مدت يدها بهدوء وترقب لضفاير عذبه وفكتها لها شوي شوي وانتثر شعر عذبه على ظهرها ووجهها ...
اتسع مبسم جوف اكثر من شافتها وتغير شكل عذبه تماماً وتركز ببال جوف شكل لعذبه غير الشكل المعتاد اللي ببالها نظرت فيها نظرة اخيرة من شعرها الى فستانها الى اطرافها ...
عذبه اللي كانت تنظر بشعرها وهي مو متخيله ان فيه تسريحة تليق لشعرها غير الضفاير ...
جوف ويدها تنساب داخل شعر عذبه وبابتسامه ونظرات انبهار / اسم الله على شعرك من عيني انا
يا أم الجدايل ...
قطع عليهم دقّة الباب الشبه مسموعه ، لفت جوف ناحية الباب ورجعت بنظرها لعذبه الواقفه قدامها وبصوت شبه عالي / مين عالباب ؟.
/ دكتورة المدير طالبك بمكتبه ياليت تروحين له .
جوف بصوت موازي لصوتها : جايّه ...!
التفتت بنظرها على صوت عذبه اللي داعب مسامعها : انا بفك الفستان خلاص شفتيه علي وطلع مقاسي ماله داعي اخليه علي ...!
جوف اللي شافت انها متضايقه من الفستان وقماشه ارتسمت على شفايفها ابتسامه : براحتك حبيبتي ، انا بطلع ربع ساعه وجايّتك المدير يبيني ...!
مالقت رد من عذبه اللي رجعت تنظر باطراف شعرها..!
انسحبت من الغرفه بهدوء متّجهه لغرفة المدير بعد ماثبتت نقابها زين ...!
عذبه اللي ظلّت تتامل بحالها لثواني وخاصّة شعرها شعرها اللي ماعمرها تتخيل ان فيه تسريحه تليق له غير الضفاير ...!
التفت بجسمها للجهه الثانيه وعينها مثبته على سريرها اللي عليه روبها الخاص بالمستشفى باللون السماوي القصير فتحت سحاب الفستان بصعوبه ..
•
•
ابتسم ابتسامه ليّنت ملامحه الحاده : الله يبارك فيك ماقصرت الا وين القى غرفة الدكتورة جوف ؟.
الله يعطيك العافيه مشكور مع السلامه ...!
ثبّت الجوال بجيب ثوبُه واتّجه ناحية اليمين ومصوب انظاره لقدام ، استغرب كون المستشفى هادي هالوقت العاده من يجيه يستقبله صوت صراخ وهلوسه وكلمات ماتنفهم اما هالمرَه كان هادي عن غير العاده ...!
لمح غرفة د.جوف الخاصه بمرضاها ...!
وهو لاول مره يلمح غرفتها ويدخلها كثير يجي للمستشفى بس ماقد قابل جوف بغرفتها الخاصه ...!
ثبت مقبضُه على الباب دق الباب لمرتين ثم شد قبضته على مقبض الباب ودخل ...!
طاحت عينه على جسم انثوي متوسط الغرفه ...!
شعرها الاسود الطويل يتحرك بحيويه قدامه ...!
بان كتفها ونصف ظهرها بسبب سحاب الفستان اللي انفتح لنص ظهرها ...!
التفت رقبتها من داعب مسامعها صوت الباب وصوت الجوال اللي يرنّ داخل الغرفه ..!
التفت ناحية الباب تثبتت عينها على الجسد الرجولي المهيب اللي يتشارك الغرفه معاها ونفس الهواء اللي تتنفسه ...!
توسعت حدقة عينها بشكل واضح للاعمى قبل البصير ...!
تسارع تنفسها ودقات قلبها ...!
تراجعت على ورا حتى صقعت بالجدار ....!
غمضت عيونها وثبتت يدها على وجهها وغطته بوجهها ..!

🌸📚 🌸📚🖋
🍃🌸
🌸🍃🌸
🍃🌸🍃🌸
🌸🍃🌸🍃🌸