يالشعور العذب مدري ياعذابي

37

🌺🍃🌺🍃🌺
🍃🌺🍃🌺
🌺🍃🌺
🍃🌺
🌺 37 ...

📚 😍 📃
📖 روايـــــــــــــة ✍🏼
{ يالشعور العذب مدري ياعذابي }

📖🖌 🌺🍃

وافي اللي تنهد بصوت مسموع من سمع جملة كامله من صوتها تسللت طرف ابتسامه على شفايفه
تمتم بهمس وكانّه يشرح لها وضعه من سنين وضعه من يوم شافها :  ياسبحان من ثبّت ملامح وجهك ببالي يانوايا تفاصيلك متركزَه فيني من سنين "تنهد بهيام هادر"
؛ ماكنتي قدام عيني بس كنتي كل اللي اشوفَه ...!
نوايا غمضت عيونها بقوه ، بلعت ريقها من كلامه لها ومو فاهمه اي جمله من اللي يقوله ، ماكانت تدري عن قصته القديمه مع وضاح واللي هي اساسها
تردد ببالها انه راعي بنات ومغازل ومتعود على هالحكي وتبي تنهي بس مو عارفه وبتلعثم : انا ، انا ، انا لازم اقفّل ياوافي ...!
وافي اللي تنهد من جديد ومكالمته عباره عن تنهيدات بتنهيدات من صوتها لشكلها لاسمه من لسانها وبهمسه الفقير : بس اوعديني ماتكون المكالمه الاخيره بينّا انتي راس المال يانوايا لاتقطعين الوصّل ...!
• •
_
اليوم الثاني ...!
صدود ...!
بعد اصرار عمِيق وتعب من محاولاتها لابوها قرر يتاخرّ على دوامُه ويوصّل صدود للمدرسَه على طريقه ومن بعدها يروح يشوف ضامر اللي باقي بالتوقيف ويشوف اخرِ تطورات قضيتُه ...!
صدود صدت بضيق : يبه ما ابيه مابي الباص ذا ولا ابي اركب فيه مره ثانيه خلاص دق على راعيه وخله مايجي صوب بيتنا ...!
مخلد وهو يسوق : مافيه دخان مِن دون نار يابنتي ليه ماتبين هالباص ؟.انتي تعرفين ان دوامي يبدا قبل الفجر يعني ما اقدر اوديك وضامر اخوك ماهو بفاضي ليه ماتريحين نفسك وتروحين بهالباص ...!
صدود وشنطتها بحضنها : يبه مابيه تكفى افهمني ، غير كذا ان كنتم مانتُم فاضيين توصلوني خلاص المدرسه قريبه اروح لها مشي ...!
مخلد هز راسه باسى : الله يهدي سرّك يابنتي ...!
صدود اللي صدّت بضيق للشبُاك وكملوا طريقهم للمدرسة ...!
•
•
ذياب
حسّ نفسُه تافّه من وقَف عند الباب ينتظرّها ممكن تطلّع وتداوم ويكون هو سوّا اللي عليه
تنهد بضيق من طال انتظارُه عند باب البيت وماطلعت وهو كان متاكد انها ماراح تطلَع معه بعد اللي صار بينهم امس
ماشاف لا ابوها ولا اخوها الاعور لجل يسالهم ان كانت بتداوم او لا .
تذكر ان اليوم يوم الخميس يعني ماراح يشوفها غير الاسبوع الجاي هذا ان رضت تداوم معُه ومايكون مصير الايام الجايه مثل مصير هاليوم •
•
__
الامارات _ دبي •تكملة الحدث ...
رجعَت بطبقها لطاولتها والابتسامَه تسللت لشفايفها ، كانت النتايج مُرضيَه لحد كبير ، الشيف فخري والشيف مجاهد انبهروا بشكل لامحدود على طبقها
اما الاسمر اللي كان هو العقبه الوحيدة لها بكل جولاتها هو اللي ساعدها واعطاها خلطتُه السريه فكانت متطمنَه من ناحيتُه ، •
نظرت بمريلتّها ورجعت نظرت بالمكان اللي هي فيه نظرت بالكاميرات والاضاءات اللي موجوده اللي كانت تتصور لين ينتهي البرنامج كامل ثم يعرض على التلفزيون ...!
ابتسمت كونها راح تصير مشهوره وراح تصير شيف وممكن تكون اصغر شيف بالمسابقه ...!
كانت تنظُر لحلمها من بعيد وكل مابدت بجوله جديدة وانتهت من اللي قبلها تحس مابقى لها شيء وتتحسس حلمها بيدّها ...!
نظرَت بالمشتركين وهي متاكدة انها صارت ببر الامان
وبعد ربع ساعه انتهوا كل المشتركين من التقييم تمثلوا كلهم بطولُهم قدام اللجنَه ...!
فخري باسى : ليلى ، المشتركة ليلى ، للاسف كان طبقك اقل نسبه معياريه واقل طعم واقل هشاشه مع كل الاسف راح نودعك اليوم ...!وانتهى بث البرنامج بمجرد مانهى فخري جملتُه واعلان الخاسر ...!
كل المشتركين اللي تنهدوا براحة ومنهم من رجع مكانه ومنهم من خرج من القاعه كونهم صاروا ببر الامان ..!
مدى اللي نظرت بليلى التونسيه اللي كانت مُحجبه وكانت على وشك البكاء كونها اول من يخرج من المسابقه ، ماكان فيه احد حول ليلى المشتركين انسحبوا كونهم ضمنوا نفسهم واللجنه انهمكوا بالحديث مع بعض بعد مارميوا عليها كلامهم كدعم لها ...!
مدى اللي اتجهت ناحية ليلى اللي فكت مريلتها وثبتتها على جزء طاولتها جات مدى عندها وضمتها وربتت على ظهرها كونها تعرف شعور ليلى عدل وكونها كانت راح تكون مكان ليلى لولا الله ثم ذاك الاسمر اللي ساعدها
وجود مدى وكلام مدى لليلى خفف عنها كثير ومن ضمن كلام مدى : توه ابتدا مشوارك ، انتي اخذتي ميدالية الطاهي المحترف من برنامج كبير ، مو لانك خرجتي توقفين ، كل الفرص قدامك ..!وغيرها وغيرها من الجُمل التحفيزيه اللي اصدرتها مدى لليلى وبدت ترجع الابتسامه ويتوسع صدر ليلى من جديد بعد ماكانت الضيقه دابّه فيه ...!
وبعد رُبع ساعه بقاعة المسابقه بعد خروج ليلى
مدى اللي فكت مريلتها وثبتتها على طاولتها كونها انتهت منها لليوم وماراح تحتاجها
داعب مسامعها صوت جاها من وراهَا : اديتي منيح يامدى ..

🌺📚 🌺📚🖋
🍃🌺
🌺🍃🌺
🍃🌺🍃🌺
🌺🍃🌺🍃🌺