🌺🍃🌺🍃🌺
🍃🌺🍃🌺
🌺🍃🌺
🍃🌺
🌺 33 ...
📚 😍 📃
📖 روايـــــــــــــة ✍🏼
{ يالشعور العذب مدري ياعذابي }
📖🖌 🌺🍃
هي تكره تكون ضعيفه والصخر اللي حرك الباص شافها بعز ضعفّها ماتستاهل انه يختلي فيها ويهددها ويدبّ الرعب بقلبها هي ندمها ولومها لنفسها كان اكبر عقاب لها ...!
كرهت الباص وكرهت المدرسه وكرهت ذياب للجنون وكرهت كل شيء يخصُه ماتنتظر الحين غير وصولها للبيت ومنها تترك هالباص للابد لو ماتكمل دراستها لكن هالباص ماتركبه ...!
وبعد ثلث ساعه توقف الباص عند بيت صدود ونزلت بهدوئها ومرّ طيفها من قدامه وكان صادّ للجهه الثانيه بضيق مابرّد قلبه فيها بس ماكان يبيها تكرهه زياده مادرى انها كرهتُه وكرهتُه للحدود اللا متناهيَه كرُه عظيم تغلغل بقلبَها ...!
تنهد بضيق من غاب جسدها اللين عن عينُه وبدا يتردد ببالُه ملامحها من انكشف وجهها قدامُه :
عظم الله اجر المشاعر اللي ماتقدرت ياصدود ...!
•
صدود اللي دخلت البيت صكت الباب وراها بقوه فكت طرحتها وانتثر شعرها البني على ملامحها وظهرها صادفها صوت امها المتلهف : ليه تاخرتي اليوم ؟.علامك؟.
صدود طلعت للدرج ومو واضح لامها غير ظهرها وشعرها البني وشنطتها اللي بيدها وجسمها اللي تحتضنُه عبايتها : النفس لاعافت الشيء عافت
الله ياخذ نفسي ان ركبت مع الباص ذا ...!
•
نادي الميداء...!
جمر..!
غمض عيونه بقوه من شاف مباراة ناديه الجايه مع مين تراجع على ورا رمى الورقه بعنف غرز يده وسط شعره تمتم بهمس حارق: ليه ياجايد ليه؟.
.
.
كانت تتحسس لمسة امها ومداعبتها لشعرها ومسحها على ظهرها ومو مستوعبه انها رجعت لحضن امها من جديد تذكرت الاحداث اللي صارت معها قبل توصل لاهلها ...! تكملة للحدث ..!
وقّف سيارته فتح الباب وانسحب من السيارة وتمثل طوله قدام استراحه قديمَه لهم ...!
من اول ماطلَع وضاح من المدرسة والبنت اللي معاه ارسل واحد من اصحابه يراقب بيوتهم وكان ردّهم انهم مالقُوا لهم أثرَ ...! اختفاء وضاح والبنتّ اللي معه كان كفيل انه يأكد له ان البنت اللي طاحت عينه عليها بالمدرسه نفس البنت اللي كان يبيها من سنين
اتّجه ناحية الباب وكان معاه اثنين من اصحابُه ونبههم ان ناداهم ردة فعلهم انهم ياخذون وضاح فقط
فتَح الباب بنسخة المفتاح القديمه اللي كانت معُه ومحتفظ فيه للاحتياط
طاحت عينُه على الجسد اللي مثله ومتثبت قدامُه ابتسم : ليه ياوضاحّ ؟.انا خويّك او كنت خويك بس ماني بعدوّك لجل تسوي فيني كذا .
وضاح غمض عيونُه بقوه ماكان ناقصُه وجود وافي الحين أبد ماهو وقت الملامَه : خلّني افهمّك ياوافي
وافي اتسع مبسمه الميّت : شكلك ناسي سالفتنا ماعليه نذكركً.
انا كنت ابي البنت هذي من سنين من يوم ماشفتها ببيت جدك بملكة نواف ولد عمك وانا كنت ابي اناسب عايلتكم فيها ومن اسئلك عن البنت وعن اسمها ومن تكون تقوم تقول لّي انها بنت وحده من صديقات زوجة عمّك وتقوم تدلّني على بنت ثانيه وتربطني فيها غصب وانا ياغافلين لكم الله رايح على عماي ومبسوط اني راح اعرف مين هالبنت اللي ماعندها بيت غير عقلي
وضاح صد بضيق : وافي اسمعني
قاطعه وافي وكمل بنفس الابتسامه الميته والوجّه الضايق : وبعد ماخطبت البنت وكنت اشد حيلي بالدراسه اللي لي فيها ثلاث سنين ارسب واعيد وارسب واعيد شديت حيلي واهتميت بدراستي عشان اتخرّج واروح للجامعه اللي انا كذبت على اهل البنت المزيفَه وقايل لهم ان انا بالجامعه وقريب راح اتخرّج ...!
اضناني الشوق على وجه خطيبتي اللي ببالي واللي مادري وش تكون ومن هي هي ..!وبيوم من الايام تطيح عيني على البنت اللي دليتني على بيتها والقاها بنت ثانيه مختلفه ملامح غير ، وجه غير ، كل شيء فيها مختلف عن الصورة اللي بعقلي ...والحين يوم لقيتها تبغاني اهدها لك ؟."احتد صوته "
معصي والله مايصير جيب البنت ياوضّاح ...!
وضاح تردد كلام وافي بباله : البنت بنت عمي يا وافي وانا ابيها واولى فيها ، شلون ادلّك على بنت عقلي وقلبي مشغولين فيها ؟.
وافي احتد صوته من الغضب : وليه ماعلمتني ؟.ليه تدلّني على بنت انا ما ابيها وظالمها معاي زين اننا للحين على البر ولا تزوجتها انت اللي سويته فيني كبير ياوضاح ولازم تتجازى عليه رحّ جيب البنت ياوضاح ، ...!
وضاح بحده موازيه لحدته : وش اجيبها انت بعد ؟.وين احنا فيه ؟. اقولك هاللي معي بنت عمي تخسي تطولها تذبحني اول ...!
وافي بصوت شبه مسموع كون الباب مفتوح : يا سعد ، ياحامد ...!
بهالوقت شارك وافي ووضاح جسمين يلبسون ثياب بيضاء اتجهوا ناحية وضاح بعد ما أشرّ لهم وافي بعينه تحت مقاومَة وضاح وصوته العالي وتهديده لوافي انه مايقرب لبنت عمّه ومن ضمن تهديده نطق اسم نوايا بدون وعي منه و وافي كان يدري ان اسمها نوايا كونها بنت عمه وهو ماعنده بنت عم غير نوايا ...!
🌺📚 📚🖋
🍃🌺
🌺🍃🌺
🍃🌺🍃🌺
🌺🍃🌺🍃🌺
