يالشعور العذب مدري ياعذابي

البارت 34

🌺🍃🌺🍃🌺
🍃🌺🍃🌺
🌺🍃🌺
🍃🌺
🌺 34 ...

📚 😍 📃
📖 روايـــــــــــــة ✍🏼
{ يالشعور العذب مدري ياعذابي }

📖🖌🌺🍃

بهذا الوقت خرجت نوايا من غرفتها اللي بالاستراحه فقدت وضاح اللي كان نايم بالغرفه الثانيه ماقدر يرجعها بالليل خوف ان وافي يكون محاصر البيت وفعلاً كان محاصر البيت دورّت بكل الصاله مالقيت أحد توترَت ، تسارع تنفسها وين ممكن يكون رايح وهل ممكن يكون خلاها والا لا ؟.واسئله كثيرَه تتردد ببالها ...!
سمعَت صوت صكّة الباب القويه دليل دخول احد لنفس المكان اللي هي فيه لفّت بنظرها له من تحت اللثمه لجل تقدر تشوف زين لانها ماكانت تتنقب الا بالاماكن العامه ، شافت جسم رجولي مهيب عيونه ماهو وضاح ، زوله شبيه لوضاح اما وجهه لا غير غير ، بلعت ريقها بتوتر من يكون هالغريب ووضاح وين ؟.وليه يتقدم هالغريب بخطواته الواسعه لناحيتها ؟.
تراجعت على ورا حتى ارتطم جسمها بالجدار ...!
تمتم الغريب اللي كان مبتسم ومثبت انظاره الغريبه عليها وبهمس مستفسر : نوايا ؟ ماني بغلطان صحيح ؟.
نوايا ودقات قلبها بازدياد وماكان وراها غير الجدار جاء ببالها ان ممكن ذا مرسول من عند اهلها وانه يسال عن اسمها كونُه يبي يتاكد وبلهفه : ايه ايه انا نوايا ابي امي تكفى
وافي اللي تقدم لناحيتها تمتم بهمس : ادري اللي راح اسويه حرام بس لازم اتاكد انّك انتي اللي ماعندك بيت غير عقلي
وبحركة سريعَه فك لثمتَها وسحب طرحتها وانتثر شعرها على وجهها وكتفها
نوايا اللي ماكانت بوعي للي صار لها استكنّت لثواني ومن بعدها صدّت للجهه الثانيه من شافت نظراتُه الحارقه لها
وافي اللي تنهد براحه ارتخت عضلاته وهديت ثورة اعصابُه اتسع مبسمُه وانتظم تنفسُه غمض عيونه بقوه دليل الارتياح التام ...'
تذكرّ وضاح وانه لازم يرجع نوايا الحين لانها لازم ترجع لاهلها اللي ماخلوا مكان ما دورو فيه عنها ...!
وبحركة سريعه سحب كرت صغير من جيبه الامامي كان محتفظ فيه لهاللحظه مسك يدها وشد قبضته عليها فتح راحة يدها وثبت الكرت الابيض الصغير فيه كون هالطريقه الطريقه الوحيدة اللي راح تتواصل معه فيها ...! تمتم بصوت حاد كفيل انه يزعزع ثباتها : هاللي بيدك فيه رقمي و ياويلك لو ماتدقين واللي خلق هالكون ماراح يصير خير يانوايا لو مادقيتي سامعتني ؟.
نوايا اللي كان كل همها انها ترتاح منّه ومن همسه الحارق وجسده الضخم اللي قدامها ونظراته الحارقه لها هزت راسها بالموافقه لمرتين ...!
تمتم من جديد وماكان ضامنها : يكون بعلمك اني اعرف بيتك واعرف مدرستك واعرف شغل ابوك واعرف عايلتكم كلها ان مادقيتي الليله يانوايا بكره تلقين عايلتك بالخرابه ...! نوايا اللي كانت مغمضه عيونها هزت راسها بايه ودقات قلبها بازدياد ...!
وافي اللي تنهد براحه وماقدر يغمض عينه او يصد عنها خوف ان هالوجه يفارقه من جديد وذا اللي مايبيه ...!
تراجع للخلف بخطوات معدوده : ولد عمك بالسياره روحيي له خل يرجعك تلقين امك مفطور قلبها عليك "رغم ان كان ودّه هو اللي يوصلّها مو ضامن وضاح ابد لكن وضاح الاقرب بالشكل العام لاهلها ان يوصلها لبيت اهلها بما انه ولد عمها اما هو مايوصله فيها اي عرق غير انه كان يتمناها من زمان ..!
شافها تلثمت من جديد ونيتها الخروج وكانت كل حركاتها مستعجله كونها مو طايقه هالمكان وماتبي غير حضن امها مسكها مم يدها ولفها له من جديد وبنبرة متلهفه وخايفه نابعه عن قلِة حيله : راح تدقين يانوايا صح ؟.تكفين دقّي ...صبري تعّب ...!
•

جاهر ...!
طلع من غرفتُه اللي انعزل فيها لساعات طويله كعادته المستدامه بكل سنه بمثل هاليوم ، لمَح جسم جمر متثبت على الكنبّ بوضعية مرهقه ومنهدّ حيلها ...!
كان ناوي يكلم جمر لجل يساعده ويفتح موضوع زواجُه من ولّه لهم لكن حالة جمر ماكانت تسرّ ابد اتّجه ناحيتُه ربّت على كتفُه بخفيف وبصوته الهادي : فيك شيء ياجمر ؟.تعبان ؟.اوديك الطبيب ؟.
جمر اللي نظر فيه وتحت عيونه هالات سوداء ملامحه تبدلت لضيق حزن حسرة فراق ندم كل شيء تراكم عليه تمتم بصوته المُتعَب : بكرة مباراتي مع نادي الجزل ياجاهر ...!
جاهر مثبت انظاره الحاده عليه بمعنى كمّل كلامك ..!
جمر غمض عيونه بقوه ويحس قلبه ينزف ورصاص تركز داخل اعماقُه : نادي الجزل ، نادي جايد ياجاهر ...!
جاهر وافشل واحد في المواساه : انت لاعب ياجمر ،وهذي كوره فوز وخساره ، لاتدخل مشاعرك بشغلك وتخسّر ناديك وتضيّع فريقك ...!
جمر اللي رجّع ظهره على ظهر الكنبه اللي جالِس عليهَا وجاهر اللي جالس بجنبُه ومتضايق على حالتُه وهو جاهلِ سبب الفرقى بين جمر وجايد لكونه انسحب من حياة الكُل بالفتره الاخيره وانعزل بنفسُه ...!
جمر اللي كان مثبت يده على عيونه ومغطي فيها عيُونه وجسمُه استكنّ ..!
داعب مسامعهم صوت صغير فيه رنة حدة : وشفيك ياجمر ؟.

🌺📚 🌺📚🖋
🍃🌺
🌺🍃🌺
🍃🌺🍃🌺
🌺🍃🌺🍃🌺