يالشعور العذب مدري ياعذابي

البارت 25

🌼🍃🌼🍃🌼
🍃🌼🍃🌼
🌼🍃🌼
🍃🌼
🌼 25 ...

📚 😍 📃
📖 روايـــــــــــــة ✍🏼
{ يالشعور العذب مدري ياعذابي }

📖🖌

جاهر غمض عيونه بهدوء : ايه بالله اعرفك زين مو انت العم ضاحي الطحّان ؟.
العم ضاحي تشتت : ايه بالله وصلت خير ياولدي انا هو ..بس ماقلتلي وش بغيت مني ؟.
جاهر عض على شفايفه بقوه : انت عندك بنات ياعمي صحيح ؟.
العم ضاحي انقلب كيانه ، احتدت نظرته : ان كنت جاي خاطّب اقطع نصيبك ، ماعندي الا بنت وحده وحطت راسي بالاراضي ماوراها زواج اقطع هالسيرة
جاهر بجبروت قاسي وفارض : ولّه ، بنتك ولّه ياعمّي .ابيها •
•
•
ضامر ...!
عباير مدت يدّها لمخلد زوجها : حسبي الله عليها من بنت ، ياجعل قلبها ينحرق على اللي سوته بولدي ..!
مخلد بحدة صوت : عباير ...!
عباير صدت بضيق : ايه ماترضى عليها مو بنت اخوك ؟.الحين صارت هي الحنونه وانا الساحرة ما كانها خبلّت بولدك وكسرت قلبه ومخليته مجنون ومسبّه ...!
مخلد بحدة : لا اسمعك تغلطين على بنت اخوي لا قدامي ولا من وراي فهمتي ؟.وبعدين ولدك اللي ضيّعها من ايده مو هو اللي سجلّها بنفسه اول ماتخرجت بكلية الطب ؟.وش صاير له الحين ؟.
عباير : انا كل هالكلام مايهمني اللي يهمني هاللحين ولدي اللي بيضيع بسببها لو انها سمعت كلامه ورضت تترك شغلها ماكان صار ذا حال ولدي اكيد انها انهبلت وانعدت من هالمهبّل اللي تعالجهم ...!
مخلد بهدوء وعينه عالجريدة : الله يوفق سعيد بسعيدة الظاهر هالاثنين مابينهم نصيب ابوي من ثلاث ايام اظن حاول فيها وحاول بضامر لكن محد فيهم تنازل ...مصير ولدك ينساها ان زوجتيه غيرها وجوف بيجيها نصيبها ان شاء الله ...!
عباير بكُره : الا هي اللي عشقانه غيره وماتبي تترك المستشفى لجل مديرها اللي اكيد بينهم علاقه دامه خطبها قبل ايام اكيد كانوا يحبون بعض وتتعذر بانها تحب شغلها والا هي تحب مديرها ...والخافي اعظم ماتدري عن شيء ...!
كلام عباير الاخير كان كفيل بانه يثير براكين الجنون بقلب ضامر وصدره اللي نزل من على الدرج باستعجال وبدون لايرمي السلام ولاف شماغه وتلثم فيها ...!
عباير اللي شهقت من شافت حالته واللي يبين ان فيه شيء ناويه : الحق ولدك يامخلد شوف وش فيه تكفى..!
مخلد اللي نزل فنجان القهوه من يده ورمى الجريده باهمال سحب مفاتيح سيارته وطلع من البيت تحت دعاء عباير وكرهها لجوف وحرقتها على ولدها : ياعلّ حوبة ضامر ماتعدّاك ياجوف ...!
•
•
عذبه ...!
بعد المغرب ،
نرجع لتكملة الحدث بذكريات عذبه ...!
نظرت بجوف اللي كانت جالسه على كرسي مكتبها وتكتب وتبدل بالاوراق وتبعثر فيها ...!
ونقلت نظرها بدون شعور للصخر الصلب الجالس بجنب سريرها ...!
بلعت ريقها بتوتر عارم نزلت نظرها للي بيدها ...!
مابقى الا شوي وتخلص خياطه وهالرجفه اللي مصاحبتها من اول مادخل راح تختفي لانه هو وعدها راح يطلع اذا خلصت خياطه ...!
بعد اربع دقايق ...!
تنهدت براحه عارمه من انتهت من الخياطه ...نظرت بالجسم الرجولي صاحب ريحة العطر القويه والمُهيبَه مثل شخصيته بالضبط ...!
نظرت فيه بمعنى واضح لجمر مبتغاها اللي تقصده ...!
جمر اللي كان جالس ويراقب ادق تفاصيلها وماغاب عنه حركاتها الداله على خوفها وتوترها منه اللي عجز يلقى له سبب يبرر لها ...!
قرّب ناحية سريرها تحت نظرات جوف اللي تراقب الموقف ...!
جمر اللي خطى خطوات واسعه للسرير حتى صار ملاصق له وعذبه اللي رجعت بجسمها للخلف من قرب بجسمه منها ...!
نظر ببلوزته ورجع نظر فيها ...!
سحب البلوزه ودخلها داخل الشنطه وبنفس الوقت خرّج قميصين الوانهم بالاسود ومايبي عذره بالحضور لعندها ينقطع ثبّت القميصين على سريرها بعد ماتمتم بهمس وتسللت ابتسامه لشفايفه : ازرار القمصان مقطوعه وبعضها ضايعه ، تفكين عوق ان عدلتيها لي وراح اكون لك من الشاكرين ...!راح اجيك الليله واخذها منك ...!
وانسحب من الغرفه بهدوء وهو متاكد من اسلوبه وطريقته معها خياطتها لملابسه الشيء الوحيد اللي راح يخليها تتعود على وجوده ويقل معيار خوفها منه ماكان عنده حل ثاني...!
•
•
بعد المغرب ...!
كان متّجه لنادي الفريق فريق "الميداء" كون فيه مباراة قريب ولازم يتدربون من قبل ...! لمح باب النادي من بعيد لانه وقّف سيارته بمكان شبه بعيد عن النادي ..!
تذكرّ عذبه وقمصانه اللي عندها وطرى بباله انه بعد مايخلص تدريب راح يروح لها ويستلمها هذا الحل الوحيد بنظره لمشكلتهم اللي جاهل اسبابها...!
حسّ بشيء خفيف يرتطم بصدرُه وانسحب للارض ، نظر لقدام يمكن يشوف الشخص اللي يرمي الضفاير رجل ؟.مراه؟.لكن خابت هقاويه وما شاف شيء انحنى لمستواه وتكرر قدامه الموقف الاخير مع هالضفاير ...!

🌼📚 🌼📚🖋
🍃🌼
🌼🍃🌼
🍃🌼🍃🌼
🌼🍃🌼🍃🌼