يالشعور العذب مدري ياعذابي

البارت 10

🌸🍃🌸🍃🌸
🍃🌸🍃🌸
🌸🍃🌸
🍃🌸
🌸 10 ...

📚 😍 📃
📖 روايـــــــــــــة ✍🏼
{ يالشعور العذب مدري ياعذابي }

📖🖌 🌸🍃

قامت من على الكرسي بعد ماخلصت فطورها وملامحها متضايقه سحبت شنطتها بعد ماثبتت عبايتها فوق شيال المدرسه لفوا بفزع على صوت الباب القوي اللي ضرب بالجدار ورجع تقفل من جديد بنفس اليد اللي فتحته وبنفس مستوى الصوت القوي اللي اصدر من انفتح..
لفوا بنظرهم ناحيته ، دخل البيت بخطوات ثقيله وشبه مستعجله اتجه للدرج وثواني واختفى عن عينهم ...
تنهدت بضيق على حالته / وشفيه يمه ؟.فيه موضوع ثاني بعد غير اللي صار له ؟.
عباير بحزن على حالته وبنبرة كره / يانظر عيني ياولدي ياحسرتي عليك كله بسبب اللي ماتتسمى حسبي الله عليها ...
صدود بعدم رضا على كلام امها غمضت عيونها / يمه جوف مالها شغل لاتحطين دوبك من دوبها هو اللي فسخ خطبتهم مو هي ...
عباير انفعلت / وهو مافسخ الخطبه من فراغ هي اللي ماطاعت شوره لا قال ايش تحبه ؟.هذا الحب؟.ياعيوني عالحب ...
صدود اللي ماعلقت لانها ماتقدر ترادد امها بشيء هي مقتنعه فيه لفت طرحتها وتنقبت / يمه خلاص لاتشيشنه كاسر خاطري يحبها يمه يحبها ...
عباير انفعلت زياده / لاتنرفزيني شايفه هالحب اللي تسولفين عنه وش سوا فيه ؟.تغير ماعاد ضامر الاولي كله بسببها ...
صدود اللي قطع حوارها هي وامها صوت بوري الباص القوي الواقف عند باب بيتهم وكان صوته شبه عالي تمتمت بهمس مكروه / عدمت هالصوت ياربي ...
رفعت صوتها بشكل واضح / مع السلامه يمه ...
ومانتظرت رد من امها وانسحبت من الصاله فتحت باب بيتهم وشافت الباص اللي كان باللون الازرق وفيه خطوط سوداء بالوسط واقف عند باب بيتهم ...
انفتح الباب لينكشف قدامها جسد رجولي مهيب يلتهم جسمه ثوب ابيض مع عمامه بنيه عاصبها على راسه ولافها بطريقة الاماراتيه ....
ملامح وجهه الحاده والنظارات الشمسيه اللي حاجزه له مكان على ملامحه التفت صوبها •
ذياب تمتم بصوته المشبع بالرجوله / وش قلنا على التاخير ياصدود ؟.الا تطلعيني عن طوري من الصبح ؟.
صدود اللي ثبتت نظراتها عليه وهي من بداية اليوم وهي متضايقه ماكان ناقصها ابد / وش اللي جابرك تنتظرني روح الله يسهل لك .
ذياب اللي كان ردّه عليها صوت الباب اللي أصدر من وراها التفت نظراته لقدام / يصير خير ياصدود يصير خير .. نظرت فيه لثواني بملل جرت خطواتها لاول مقعد فاضي صادفها واللي كان ثاني جزء من المقاعد الاماميه ...
حست بجسم انثوي يتثبت بجنب جسمها وكانت نوايا بنت عمتها / يالله صباح خير ياصدود ليه منقلب حالك ؟.
صدود بصوتها اللي حاولت تخليه هادي / وهو فيه شيء مايخلي حالي ينقلب ؟.
نوايا صدت للجهه الثانيه وبصوت متضايق / انفتح موضوع زواجك من جمر ؟.
صدود نظرت فيها / انتي تدرين اني ما ابيه مابيه يانوايا مابيه كبري عقلك امي اللي تلمح لعمي وانتي تدرين ان امي اكثر وحده تبيه ياخذني ...
نوايا بلعت ريقها وتحس بالغصه تتوسط حنجرتها / يعني ؟.
صدود غمضت عيونها بقوه / نوايا طالعيني انتي تدرين ان جمر مشهور يعني البنات اللي كل وحده احلى من الثانيه حوله وماراح يخلونه اذا مو عشان شكله وهيبته عشان شهرته كبري عقلك لاتحطين امالك عليه سنين وانتي تحبينه ولا هو داري عنك تقصقصين صوره وتتابعين مبارياته اول باول ومن تصحين لين تنامين ماعندك سيره غير سيرته وبعدين يعني ؟.
نوايا اكتفت بالسكات لدقايق لان ماكان عندها رد رغم اقتناعها الشديد بكلام صدود بس مو بيدها حاولت تغير الموضوع / وش صار على ضامر ؟.
صدود اللي تاكدت ان نوايا تبي تغير الموضوع هذي عادتها ان انفتح موضوع جمر تنهدت / اهل البنت اللي خطب منهم رفضوه والسبب معروف لانه اعور ...
نوايا باهتمام / تصدقين زين انهم رفضوه ودي يرجع يتزوج جوف هي الوحيدة المناسبه له وتقدر تتعامل معه ومع شخصيته الصعبه ....الا صح هم مو كانوا بيتزوجون وش صار ماني قادره استوعب السبب ؟.
صدود / يعني ماتدرين لان جوف صارت دكتورة تتذكرين شلون كانوا يحبون بعض بجنون محد يقدر يصبر على الثاني ، لكن ضامر فجاه بيوم وليلة وبصباح ملكتهم على بعض فصخ خطبتهم وقال مابيها ...والعذر ايش ليش صارت دكتورة ؟.
نوايا باستغراب وشك / فيه شيء مو قادره استوعبه تذكرين قبل كيف كان راضي على انها تدخل الطب ؟.وكيف كان يشجعها عشان تتخرج ويتزوجون ؟.ليش من قربت تتوظف بمستشفى خيرها بينه وبين الطب ؟.وعاد جوف بطبيعة عشقها المجنون للطب اختارت شغلها ..
صدود سندت جسمها على ظهر المقعده / مدري يانوايا مدري كان اكثر واحد يشجعها انها تدخل الطب والطب النفسي بالذات كان يقولها عشان تفهمين نفسيتي اللي تقلب بمجرد مايجيي طاريك وتعالجين حالتي المتيمَه فيك ...وش صار بعدها ؟.الله أعلم ...
كان يحب عينه العوراء وشكله المخيف للكل بسبب جوف جوف اكثر وحدة كانت تحب شكله وتحب عيونه ..

🌸📚 🌸📚🖋
🍃🌸
🌸🍃🌸
🍃🌸🍃🌸
🌸🍃🌸🍃🌸