طاري اسمك يبجيني(مكتملة)

البارت السابع عشر

"أيام مملة ومستقبل مجهول ونوم غير منتظم ، جسد مرهق وأمنيات تترتب تحت الوسائد والأيام تمر ولا شيء جديد "

للكاتبه سماح
قلم الـ ؏ـراق النابض
البارت السابع عشر
#طاري-اسمك-يبچيني

خذناه للمستشفه فحصوها كالو متعرضه لجلطه مؤقته بس لازم توفرولها الرعايه والهدوء ولتغثوها ...امي حلكها نعوج شوي وايدها نلوت مو مثل وضعها طبيعي خذنه علاج وتوصيات دكتور زرجعنه مالكيت بان ويعقوب بالشقه خاف عوزني فوتت امي وكمت ادك والطم وين راحت وباب الشقه مفتوح !.

تخبلت بالي يم اختي وابني يوسف نخبص نزل جوة يسأل واني اروح واجي لحظات متت متت بمعنى الكلمه من الخوف الرعب الصارلي جان قوي منا ضياء وسوايته ومنا عمليتي ومنا ماما بيها جلطه ومنا اختي وابني ماكو !!! والله اني لراد يصيرلي سكته قلبيه من ورة الهبطات ...فتح يوسف باب الشقه وفات رحتله ركض دموعي يصبن

بنان: هااا يوسف محد شافهم وينهم راح اتخبل

يوسف: لا شافوهم مريه شفتها طالعه سألتها تكول من رجعت من سوك شافت بنيه شابه ويمها واحد فتح لباب حته تصعد مثل لترددت بس صعدت بعدين وراحت خيه وطفل وياها

لطمت على خدودي: يبووو اكيد نخطفت ضياء خطفهه ييي يسويهه

لزم يدي؛ وحدي الله ميكدر يعرف نفسه دمه مهدور بس خل نفكر شوي

بنان: شنفكر يوووسف اختي وابني ماكو شنفكر لعد اذا مو ضياء اكيد خالو خالد لان يكرهنه لو عمامي ماكو غيرهم وين تلفوني اشوف خالو هاشم

دنحجي ورحت اجيب تلفون وجان. ينفتح لباب وفاتت بان وبحظنها يعقوب طفرت عليها ركض سحبت ابني

بنان بحركه كلب: شبيج بااان متكولين هيج صح السويتي بالنه يمج ومماخذة تلفون تطمنينه

يوسف: مو هيج بنان خل نفتهم شكو

بنان: هيه تحجي متحجي والله راح يصير بيه شي من كثر الهبطات ...

كعدت ع قنفه ارضع بيعقوب وهيه عافتنه وفاتت كعد يوسف بسدي يمسح على راس يوسف

بنان: هاك استلم فهمت شي محجت

طلعت شايله قلم وورقه كعدت بسدي مو يم يوسف بعدهي تخاف ومتلتقي لا بيوسف ولا بخالو هاشم ...

هيه تكتب واني ويوسف واحد يباوع للاخ ..
نطتني ورقه وكامت فاتت للغرفه ادري قسيت وياها بس هم حقي خفت وكلت خاف خطفوها او اي شي مو زين ..فتح يوسف الورقه جانت كاتبه

" يعقوب صخن فجأه وخذته طلعت من الشقه وشافني واحد وساعدني وديناه للمستوصف وشافو كالو لازم ننقله لمستشفى اطفال ونطونه احاله هاي الورقه احاله مال مستشفى يكولون بي الكبد الفايروسي ودو الطفل واعتذر طلعت بدون مااحجي بس تعرفون مكدر احجي وخوفتج علينه .. جيرانه الشقه المقابيلنه هوة وداني اذا تحبون ستفسرو منه "