طاري اسمك يبجيني(مكتملة)

البارت السادس والعشرون

عندما اراكِ اعدكِ ان اطيل
النظر اليكِ
فجوع عيني لرؤيتكِ
افقدني
متعه النظر الى الاخرين
وعطش روحي للقائك
افقدني الشعور بالحياه
حبيبتي
وان كلمتني بالعشق يوما
اكاد اسمع دقات قلبي
لا غابت عن عيوني يوما
ولا كنت لغير هواها ارتجي
احيا بانفاسها وهي الحياه عندي
رايتكِ في كل من حولي
وحتى في نومي انت حلمي
حاولت شرحك لنفسي
لكن قصرت كلماتي في وصفكِ
جميله اذدانت بها ايامي
وفراشه حلقت في سماء عشقي..

#للكاتبه_سلطانه_القلمsamah_96ss
#البارت_السادس_والعشرون
#طاري_اسمك_يبچيني

هيه تحجي منحس غير لباب نفتح وصوت قيس يصيح بداليا. گمزت اني احس گلبي رجف من صوته هو اول مافات شافني بتسم وگال

قيس: شلونچ بان اليوم الگمر بشقتنه ضاوي

بان بخجل: هلا... باوعت ل داليا.. يله دودو راح اروح باي

قيس: وين يايه هيه اذا جتي الشياطين يعني

بان: لا والله بس تأخرت يله باي

وطلعت احس الكل ديسمع دگات گلبي شبي گلبي ينخبص بي رجعت للشقه سلمت لان توني راجعه من المشتل غسلت وتوضيت رحت اريد اصلي وگعت عيني على دفتر مذكراتي رحت كتبت مذكرة اليوم

'✓" مال بال قلبي يصاب بالرعشه كلما يراك اهكذا هو القلب حين يشتاق ام ذلك الخوف الذي تملكني منذ سنتين ولم يفارقني الخوف من جنس ادم!! ✓"

وراهه سديت الدفتر ولبست احرام الصلاه وصليت وخلصت ورفعت ايدي لرب العباد ادعي اكثر دعاء محبب لگلبي لان اله فضل كبير والله سبحانه خصصه في ليله القدر لعظيم فضله "اللهم انك عفو كريم تحب العفو فاعف عنا"

وراهه طلعت اشوف ماما شعدها واساعدها الحلو بماما ماشاءالله مهتمه بنفسها يعني شگد ما هي مهمومه لازم الكحله بعيونها بس من ورة الصار تغيرت كحلتها صارت كحله طبيه علمود عيونها لان عيونها مو حيل تشوف من كثر البچي البچته وياي من صارت السالفه!!

ساعدتها بالغدة تغدينه وغسلت لمواعين وكملت على حسب الاصول تعزيل البيت طولت ساعتين ونص بين مواعين وبيت وراهه فتت للحمام سبحت وطلعت مددت اريد انام شوي ه لان اني من جماعه لينامون الظهر لازم انام لو مدري بيش ساعه گاعدة من نوم لازم انام حتى بالشتا مو نهاره قصير بس لازم انام هيج. طبعي..

نمت وخذتني نومه وراهه كعدت صليت العصر وطلعت استرزق من المشتل احس كبرت بهواي بهالسنتين وعشرتي ويه لورد او معاملتي ويه الناس وعتني على هواي اشياء جنت غافله عنها مثلا اني طبعي ابتسم بوجه العائله اذا تفوت غير اذا شخص يفوت فمرات الگه ولد بلعائله عوينجي او ممحترم او العكس يجيني شباب بقمه الاخلاق بدون عوائل يعني مو ضروري احكم علشي من شكله مثل لورد مو كل الورود نفس الشي اكو بيهن نادرات واكو بيهن يسوون حساسيه يعني نفس البشر بالضبط ولان مرات يخطر بالي شي ودفتر مذكراتي مو يمي ادونه بملاحظات الفون فكتبت
" ‏لا تتوقع أن الجميع نفس أخلاقك وردود أفعالك , نعم الطين واحد لكن الأرواح تختلف... "