بان: قيس شلون ابوك يعرف باب... يعرف ضياء؟! وشلون يروح مشايه يعني ابوك متزوج على امك هسه
ضرب على الستيرن بقوة ورجع فرك راسه ولزم بريك فجأه ونظار عليه خفت منه الصراحه حيل
قيس: بان وانتو همات الكم الكلام بندورة وداليا اياني واياجن الكلام يطلع فهمتن لو لا امي ميوصلها شي عوفنها متدري بشي احسن واسلم للكل وانتي ست بان ماشاءالله نفتحت الچبسه مو مجنتي تحجين وياي شعندچ لزگتي بسالفه ضياء هو اصلا واحد.خ... ومرافق واحد على شكله مسامعه الطيور على شكلها توگع
سكتنه كلنه هيه السكته لان جان يحجي باعصاب ومنفعل حيل ويسوق ويمسح عركه ويستغفر ويلوم بنفسه لان اصر يگوله بتلفون وشلون الح ووياي بنات خرب بالحظ..
اني صح خفت من عصبيته بس كل الهمني بابا شلون يعرف ابو قيس ومنو ابو!؟ فكرت بس ينزل قيس اسال داليا شنو اسم ابو قيس وانطي لخالو هاشم ةو ليوسف يشوفوا ويتبعون علي بس قيس واهله خوش ناس ليش لعد ابو مو وياهم مختفي وحتى ميجيبون طاري وصدگ ليش ميجيبون طاري الاباء لا هم سألو عن بابا وين ولا احنه سألنه عبالك كل عائله بدون راعي!!
نوب مريم مريم تزوجت ابو قيس اذا اسماء اخت قيس بگدي واكبر بشوي شلونيتزوج وحدة گد بنته الگعدة لا النوضوع بي انه لازم اتبع وراة. اني ودافكر وقيس يسوق وگعت عيني على شكل قيس باوعتله من مرايه السايق جذبني ولاول مرة لون عيونه وحزنهم واشعه الشمس الداخله بعيونه وهو يحاول يفتح عيونه بقوة بس اشعه الشمس مخليته هيج يسوي معرف شلون اعبر عن الموقف غير لا هو مغمض ولا مفتح عيونه هيج يعني …
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
