طاري اسمك يبجيني(مكتملة)

البارت الحادي عشر

"♥:
ليش نبجي
وليش خلينه ألدمع ينزل رخيص
وليش كل لحظه جرح نكتب شعر
وليش ذبينه ألفرح وألله جبير 🐾
وليش رغم أخطائنه نحب نستمر
وليش مذبوح ألوفه بلحظة خداع
وليش مات ألشوك والحب يحتضر
اه...... . يادنيه صدك مابيج أمان
وفرق بين أليوم وأيام ألصغر
جانت كلوب ألبشر تنصع بياض
هسه لون أكلوبهم ماتنحزر"

للكاتبه سماح samah_96ss
بان:

خابرت ورة اسبوع يوسف  زوج بنان ماعندي غيره وهم هوة دوم يكلي بنتي يكولي ولا حاسبج اخت مرتي وطلبت منه يشوفلي يامن شنو وهاي اول مرا اتجرئ واطلب بس ماحجيت هوايه تفاصيل ..داسده واسمع هلهوووله ديما تكول

حاااااااامل  اااني حامل ...وتعيط بصوت
ماما باركت الهه وهيه تجاوب بغرور عبالك امي ممخلفه وهاي نفخت ريشهه اجه بابا وكالتله وهوة فرح بس رايسن كال

كووون يطلع ولد سبع من ظهر سبع ...

ومشت ايام العطله بثقل غير يامن الكثرن جياته ومن اطلع اله احسه مرات خجول مرات ياخذله صفنه على سكف وكانه يتذكر شي ويكول يتغزل غزل بسيط واني سكتم بكتم شجاوبه مدري ..وهاي ديما متوكع من حلكها كلمه ياعيب شوم كدام بابا تكولهه تتقصدنه وكدام اخوهه من يجي تكولي لان مجاوبه ..

يوسف طول مردلي جواب ديما كامت تلعب بالبيت وتغير اثاثه وبابا مجاريهه غيرت غرفتها هيه وبابا وبابا سئلني يكولي تغيرن غرفتج باكبر  وجان بنان ويوسف يمنه جان ينط يوسف ولازم يطربنه بسوالفه اني احب سوالفه بس بنان تسووي حركات نضحك عليهه تسد اذانهه لو تكول امرؤ القيس نطق ...كال يوسف

يوسف: هناك اسطورة شعبيه تقول : ان على الفتاه التي  تنام في سرير جديد ان تضع مرآه تحت وسادتها لترى في منامها الرجل الذي ستتزوجه ،،،

بان: صدك اكو هيج

غمتني بنان: شووف الفاهيه بس انتي طايرا ورا كلامه يكلج اسطورة يعني بدعه

نطت ديما: ما بيحتاج تشوفو يامن هوا زوجا المستقبلي ولا نسيتو انون عاقدين ...

وبنان مباركت لديما اللي بدورهه ديما كامت تعير بنان تزوجتي من شاب ومخلفتي واني ابوج شايب وخلفت كالتهه بصريح العبارة وبنان هجمت ضرب كوة فاككناهه واخذهه يوسف ورة ما كالي

يوسف: لتأمنين باخوهه ممرتاحلهه بلكي هالايام اشوف دبارهه..

والعطلع رادت تخلص اني من برج العقرب وبيوم قبل دوام بعشرة ايام بابا جابلي موبايل هديه نجاحي او الاعفاء فد فرحت بي من كل خاطري ..ونزلت كم تطبيق بوقتها اني وبنان من البنات القله لعدهن تلفون خاص بيهن لان ممشتهرة هيج سالفه حيل ومريم لزكت بصفي تيد موبايلي بس اخاف تبليني ف اظل كاعده يمها تروح على سوالف مكياج ولبس ...مريم نجحت بسعي مال دفرات خمسينات واجه سادس ..وخالو هاشم بس مخابرات حبيبي منساني جابلي هديه دازهه بيد بنان يمر يسلم على بنان بس علينه ميجي معاجبه اسلوب بابا ابد ...