طاري اسمك يبجيني(مكتملة)

البارت الخامس والعشرون

لَا تختَاري الرجُل الأجمَل فِي العَالم ولكِن اختارِي الرجُل الذِي يجعَل مِن عالَمك الأجمَل 😌♥.

#للكاتبه_سلطانه_القلم
#البارت_الخامس_والعشرون
#مساء_الورد_والغياب

اشكركم عالسؤال عالخاص بس اني مجنت موجودة بيتنه جان عدنه ترميم وهسه خلصنه ورجعنه لبيتنه وشغل وهوسه وطلع اكو غلط وعادو الصبغ واحنه بالبيت وعندي تحسس خاف اغيب...

يوسف: شكو بنونتي شبيج.. انطاني يعقوب والباقه اح ركض يشوفهه

بنان ببچي: مستقبلي رااااح يوسف الحگني.شسووي عفيه.. تحجي وتبچي وماما تهز بايدها مراضيه بتصرف بنان

يوسف: حبيبتي انتي غير افتهم شكو شلون راح مستقبلج

بنان ببچي: اني حاااامل حامل تدمرت حيااتي بسببك گتلك ماريد اخلف هالسنه الاخيرة ااوف ياربي راح مستقبلي

ماما: وحدي الله وبطلي سوالف المزعطه هذا رزق من ربجمليون وحدة غيرج تتمنى هالنعمه ومحرومه منها وانتي تبچين

يوسف حط راس بنان على صدره وهي تحچي بنعاس: ماما حقج يعني متدرين يعقوب عمرة سنه وشوي غير هيج موضوع البحث مال تخرجي وتطبيق هالسنه عندي شلون اگدر اسيطر وياهم عالحمل جديد بطني هاا مو تعرفين الحمل يدمرني نساتي متخليني مثل البقيه

ماما: يمه شو لاغيتنه من حياتج لعد اني واختج وين رحنه محلوله وميسرة سالفتج اصلا يعقوب متعلق ابان كلش خلي يمها لما تخلصين امتحانات وبكل الاحوال راح تفطمي لان ميصير يبقى يرضع وانتي حامل ومن تفطمي راح تگعدين تبچين ويان فعوفي هنا وكملي هالتلث اشهر على خير تعبي وتعب زوجج لتضيعيهن تخرجي ورفعي راسنه واثبتي حته لو متزوجه تگدر تحقق طموحها ويوسف موجود يعينج بسالفه تطبيق ومدري شنو مو مدرس لو يتهيئلي نحلت سالفتج بقت بس النسا اخلي خالج يتنسه بدالج

يمه اني متت ضكك علىكلمه ماما الاخيرة حتى يوسف وماماضحكو واني وكعت بلگاع وبحظني الورد اضحك واحجي

بان: ههههههه عود خطيه ابويعقوب مسويلجاجواء ومصدگ بكلام كاظم الساهر ميدري متزوج ام دميعه تحب البچي

يوسف: لا شما تسوي تبقه بعيني بنان الاحبها وام ويلادي

قاطعته بنان: شنو ويلادي اني اريدها بنيه

بان: شلون عرفتي حامل

بنان مشحت دموعها عدلت گعدتها: من رحنهشكيت بنفسي وغابتلي صار اربعه ايام سويت تحليل زكملت مسواك رجعت اشوف تحليل وصدمني بحملي

بان: الحمدلله راح اصير خاله للمرة الثانيه هم خلفو ورة سنه خلفو وذبو عليه

بنان: اهوو بعد مخلينه يوسف يمج گمتي تبسمرين

يوسف گام شال الورد مني ونفضه وعدل الباقه وغمز لماما وكل مشي بتجاه ام دميعه قدم الورد بتجاهه وحچى تعويذة مدري سحر مدري شدردم وهاي تضحك