طاري اسمك يبجيني(مكتملة)

البارت الثامن

صلوات كلهه مطنشه المسابقه مو كلت احسن اقتباس .حكمه.شعر ينزل هالبارت..برافوو عالتغليس😒😒😒😒😒😒😒😒😒😒😒😒😒😒😒

للكاتبه سماح samah_96ss
اشعر وكأنني مجموعه من الاجزاء
جزء مني يضحك
وجزء مني يبكي
وجزء مني اصبح جماداً،،،🖤🔗

من قيس بطل القصه👏👏👆

بان:

يصدمنه قرار بابا بيوم منجمعين عالاكل ..جان يكول بدون مقدمات ..

ضياء: قررت اتزوووج الاسبوع جاي عرسي،وبدون هوسه اعقد محكمه واجيبهه للبيت بلغتكم ...

عاف الاكل وكام واني وبنان وحده تباوع للثانيه ونشوف امي جامدة بدون رده فعل رفضت صرخت بالعكس كانت هادئه وكملت اكل ساكته ....
وكالعاده راحت هيه وبنان لل اجتماعاتهم السريه
وطلعت بنان تبجي وكعدت وحدهي بالغرفه
يومين ورجع بابا فتح موضوع ابن صديقه ولح هالمرا
وبنان شبعت بجي فرفحت روحهه خابرت خالو هاشم وحجه وياهه بتلفون وظل يحجي بنص ساعه حاطه سماعه وبس تكول
يي
صح
ونعم بالله
صعب والله لتطلبه..

وسدت تلفون ورة ما خلصو حجي ..ويومين وجتي بنان كالت ل ماما على موضوع الولد المعجب بيهه اخو مدرسهه قبل وهوة هم مدرس عربي اسمه يوسف وماما بيومهه خلت بابا ينام هلكلام ورة ال ١٢ بليل واجتي ندحست بينه حاظنه بنان من جهه واني من جهه وتحجي ويه بنان..

ماما: ماما بنونه راح احجي وسمعيني للاخر بدون مقاطعه وهالشي انتي ادرى وحده بي تعرفين قبل شكد عانيت ومصارت هوايه اشياء ردتها اولها نوري بس بعدين بمرور السنين عرفت بيهه خيرة والله كاتبلي الاحسن وعوضني ب ضياء عوفج من طباكاته هسه بس جان ساعدني ومسمعني حجايه تغثني وواكف بصفي ضد امه والله ماكتب النه يصير عدنه ولد قبلج يا بنان حملت وبعدج وكلما يطلع ولد يموت وهم ماعترضت اكيد ربج اله بيهه حكمه منعرفهه احنه

بنان: بس ماما اني مو مثلج اتحمل وقبل محد يعرف بيج شنو وشنو بس هسه انتي تعرفين وبان تعرف جنت احب جلال

مانا قاطعتهه: عفيه جنتي يعني الولد راح لدار حقه وصعبه تخليني الماضي يرجع وينتقم وافقي بهذا المدرس يجوز بي خيرة وزين وبعدين بالعشرة تحبي بس لتضمين شي كوليله بموضوع جلال حته متصير عليج لزمه وتتعلعلين مثلي فاهمتني انتي مو

بنان: ماما والله مكدر اشوف غير جلال اختنك من طاري الموضوع شلون اعيش وياا

ماما: كلنه عبالنه ليحب واذا راح راح منعيش ونموت وراه بس طلع غلط محد يموت ورة احد وعيشي حياتج متكوليلي وين ٠لال جوة التراب راح بعد ميرجع وانتي وين فوك التراب لتدفنين نفسج بالحيا عيشي وارضي بالكاتبه الله الج ووافقي ب يوسف احسن اقلها حبج او انعجب بيج يعمي عنده شخصيه مو مثل ابن نوري مدري صديق ابوج دكتور جامعي ويخطب بدون ميشوف خطيبته واذا صارت قسمتج عند نوري تتعلعلين وافقي بالغريب احسن وانتي تدرين ضياء ابوج صاير خشخيشه بيد نوري وبعد الج القرار ...