طاري اسمك يبجيني(مكتملة)

البارت السادس عشر

دنيا وكضيناها قهر
واحدنه منزحزنه انكسر
وشبيك ياوكتي صعب
شو يشر مايرحم#بشر
الناس متغيرة احس
واليوم اصعب من امس
شو طال ليلك يا حزن
بس خوفي ما تطلع شمس

ذمه بركبته ليقرأ وميصوت👈⭐

للكاتبه سماح
صباح المحبه ورضا الرحمن ..

ورة اسبوع بعدلي ٣ ايام واشيل الخيط او السيم مال عمليه حاطه يعقوب بحظني ورة ما ماما علمتني شلون ارضعه خلص رضاعه ..داطبطب على ظهرة يمكن عنده غازات بس يبجي محس غير صدمني ايهاب من كال

ايهاب: عمه صدك بان متعرضه لتحرش من ابوج!!

نداريت علي بصدمه: هاا شتكول انته ايهاب

ايهاب همس : عمه مو اني لتضمين عليه شي تعرفين رايدها بلحلال حته من جانت مخطوبه انتي وعمي وكفتو بصفي مو تا هسه اسمع شي عنها واظل واكف بس فهميني صدك وشلون صار راسي راح ينفجر واكول شبيها تتلفت وتتراجف

دمعت: منو كالك هالحجي

ايهاب؛ فهميني بالاول واكلج منو كالي

حجيتله الصار باختصار بقه عيونه مفتحهن على وسعهن الغضب يتطاير منه كام يتحلف ب ضياء راد يكوم حجيت

بنان: ايهااب منو كالك بسالفه

ايهاب: جديتي كالتلي تعرف احبها كالتلي كل ظنها اعوفها متدري تمسكت بيها اكثر

بنان: لحظه شلون منو كايل الها لتدوخني اكثر مما دايخه

ايهاب: عمه الله يكون بعونج ارتاحي وعمو يوسف كاللها لان اصرت ولحت علي حيل اله اعرف شبيها اختج تتراجف ومنعزله وبعد جديتي ومتقصر وحجالها عمو يوسف كلشي باختصار همات

دمعت: نفضحنه راح نتعير بابونه مو اااخ يوسف اااخ

دنك لمستواي: عمه تعرفين شكد احبج انتي اكثر زوجات عمامي يمكن لان اخت الحب ولان مرت عمو يوسف هم احبه اكثرهم ماعاش ليعيركم اني الج اخ ول بان كلشي تريدة ارتاحي وريحي ابنج ركبته نملصت هوة هيج ليشيل طفل اله اعلمج

يحجي اخر جمله بشقه يريد يغير واهسي واني كسرة النفس صارت شيصلحهها بعد وضياء خلانه علج بحلك العالم مسحت دمعتي وشلت يعقوب حطيته بكاروكه وكمت ولخاولي على بطني امشي واستند بلحايط فتت للغرفه البيها بان اول مفتحت الباب فزت فزة من نومها خفت عليها بلكوة مشيت هيه كامت بوجهي تبجي حظنتها وكعدنه ع قنفه بزاويه الغرفه راسها على صدري محاوله لعل وعسى افهم شصار شلون صار الحادث كله ..دخلت اصابعي بشعرها وامسح بحنيه همست

بنان: بنو حبيبتي واختي وكل دنيتي مامعقوله متحجين وياي ارسد اسمع لحمدلله على السلامه منج مكلتيهها مو عيب

رفعت راسها دموعها نزلت حركت حلكها كانها ظتحجي بس ماكو صوت وكانو دتجرب تحجي بس مطلع منها اي شي غير صوت البجي هم اني بجيت وياها ظليت اسال بيها وين ديما جانت اجه ضياء بيوها بس وحده هزت راسها يي مخذت منها شي ولا فتهمت ...عفتها وطلعت ادور ماما لكيتها فارشه السجادة تصلي وتدعي بصوت مليان خشوع ..