طاري اسمك يبجيني(مكتملة)

البارت السابع

‏حنيتلك
بواهس غريب
بديرة مابيها عرف...

للكاتبه سماح
بان:

وماما جاوبت مفتوح سبيكر جان رايسن خالو يكول
بنونه جلاااال مااات استشهد رايح علي اني بطريق روحو لامه ملخه نفسهه ...وسده

بنان فقدت وعيهه وماما حاظنتهه وتصيح
بنتي رااااحت مني
يارب مالي غيرك

طفرت جبت كلاص مي حته ترش منه بلكي تكعد ورة خمس دقايق من المحاوله كعدت ومبلحقه عيونهه مبين مصدومه صافنه بلحايط وماما تكول

يمه بنونه وردتي لتسوين هيج وخل خالج يجي ونفهم

كامت تضرب بنان على وجهه شنفهم ماماااااا يكلج استشهد يعني مااااااات رااااااااااح هنت علي شكد توسلت بي يعوف سالفه روحته للموصل هسه شسوي اريد بس يكعد اعاتبه ...

ماما بقت تهدي بيهه ومفاد ظلينه على نار ومنعرف بيت اهله وين بضبط ونروحلهم باي صفه وماكو شي رسمي حته لو يعرفون اهله جان يحبها بس لا خاطب ولا عاقد...ظلينه على نار بسبب بنان حارت شتسوي لما ماما حظنتها تقرا على راسها ايات حته تهدء وفعلا هدت نامت من كد ما ماما حجت وياهه للمغرب خابر خالو كالو جهزو نفسكم جاي اخذكم كولو احنه اهل هاشم وواسو امه ملخت روحها بدفنه من شالو تابوت ...

لبسنه اسود وبابا عرف مكال غير

هنياله راح شهيد...

ودانه بابا وكال نص ساعه وطلعو انتظركم بجادر الزلم ..فتنه لكينه خالو وياهه زلم دلانه وين المكان وفتنه واول ما فتنه بنان شمرت نفسها بحظن ام جلال شبعن بجي بجن الكل واني اول مرا احضر عزاا اكل باظافري من توتر وهوسه ومجلبه بطرف ماما خايفه بجي
لبس اسود
نوح
صيااااح
ناس تخربطت امه واخته ..

طلعنه بعد ما بالقدرة فكينه بنان من حظن ام جلال وتشمشم بيهه من ريحت ابني ....
طلعنه خالو عيونه حمر دم جان جلال اعز صديق اله
عزيناه ... وطلعنه ويه بابا ...اسبوع بنات اعتكفت بس تحجي بليل اسمعهه

خليت التراب تحظنك قبل حظني
المن عفتني
ليش ماااااسمعت كلامي
شلووون مو كلت ماعوفج
وينكككك تعااال
عيوني راحت عليك بجيتني يلتمسح دموعي
من ينزلن علمود درجه وينك امسح دموعي ..

احظنهه يله تنام صارت عبالك طفله واني امها العطله صارت علينه سم بابا طبعا من نجحت بنان بالعاشر من رمضان جابلهه تلفون حديث واني جابلي كلاده ذهب برغم جنت اتمنى تلفون بس مصيبتي مااطلب ..

خالو اجانه مرتين وشاف حال بنان وكعد يحجي وياهه بس همه وطلع نفسيت بنان شوي تحسنت مو حيل ..

مر شهر واحنه خيم الحزن علي جان خوش زلمه
مر شهر شوي بنان رجعت تاكل وتشرب وترد على كد سؤال غابت ضحكتهه ..
بابا رجع اعصاب واحسه فرحان بهالسالفه لان نوري رجع طلب بنان مرة ثانيه وهاي تخبلت ورة ما بابا لاول مرة يرزلهه ويخشن خاطرهه