طاري اسمك يبجيني(مكتملة)

البارت الرابع عشر

وان سألت الله ! فسأله ان لا يمتحن صبرك على احب الاشياء اليك،،،💔

للكاتبه سماح
مساء العافيه للينتظرون ..💘🦋
الناسي الاحداث يرجع يقراها من جديد ...
البارت الاول والثاني بهذا حسابي smjank

قيس: حجيه بنتج راح تروح بيهه خوف منا ونزف برجليهه خل ناخذهه

منحس غير اجانه يوسف الماعرف شيصير بس يكول عمي وعمتي عمه العمى عمك نشاءلله ...صدمنه

يوسف: عمي ضياااء مموجود بالبيت كله فتشته ملكيته والباب البرة مفتوح على حيله احد مطلعه اكيد لان دم بالحوش موجود

كمت بغضب: شتكول منو طلعه؟؟ اكولك اني جتفته وضربته عدمته العافيه وطبكت الباب مابي حيل يحرك اصبع مو نوب يطلع

لزم راسه: والله ماكو ...باوع لعمته ..عمه خل ناخذ بان لان عفنه بنان وحدهي بلمستشفى

خطيه رادت تنزل بنتها بس كوة تمشي عرضت عليهم يبقوها وامها تصعد بس مقبلو ونزلت متكئها على امها كلما يوسف يريد يساعدها تنترة ..تمشي ورجلها كوة تدوس عليها ..منظر يمرد الكَلب مرد الله ينتقم منك يا ابوها ..ابويه شدعي عليك وان فكيت حلكي اطلع عاق!!
مسحت دمعتي الوكعت ع هالبنيه وركبت سيارتي ودمي يغلي وراهم لحكت سيارة يوسف ..وخابرت وسام كتله راح اتاخر ..وخابرت داليا تجهز نفسها هيه وامي وبندورتي مبقيهم لحظه يم نوري ..

سقت واحس طريق غوش عندي من كد دموع مخزونه من منظر الطفله ويه ابوها يا نوري هاي لو بنتك وانته هيج مسوي ترضاها ؟! والله جان اني شريت منك دم ..ليش وين اخوانها شو كَال بس بنان ومستشفى يعني يمكن مضطرة وبقت وحدهي !! دخت والله زين ابويه شدراه اكيد لحس عقل هالجبان وخلاه يفتح كلبه وعرف زوجاته مو هنا ...بس يمكن معرف اسماء طالعه ..مسحت وجهي بضجر وسقت واني كَضيت طريق اسب وانعل بابو الحظ ...وصلنا واخذوها ع طوارئ فحصو رجلها وراهه سألو عن السبب اهنا الكل نصه راسه !!
بلعت الغصه اني وكلت تعرضت للاغتصاب . بس مكلت منمن ؟ اخذوها سوو تقرير وطلعنه بالشافعات البنيه مضمدة رجلها طلع كزازة جانت بيها . ودكتور يكول متعرضه لشي قوي ان عقلها يستوعبه فصارت مثل الحاله نفسيه مانعه الكلام اثر صدمه يعني تكدر تحجي بس بعد متتحسن حالتها او تتعرض لصدمه اخرى!!!

خاف عوزها ضيم تتعرض لصدمه ثانيه ..طول الوكت امها حاظنتها ولسانها يلهج بالدعاء "اللهم انك عفو تحب العفو فاعف عنا "

دموعها هيه وبنتها ينزلن وصلنه لمستشفى الولادة واني وياهم منتبهو لان نخبص يوسف بمرته وصلنه فات يوسف بتجاه مرته مدري العمليات وامها كعدت بالانتظار ع كراسي هيه وبنتها اللي منظرها يزرف الكَلب بس تشهك وتبجي ..

مشيت بتجاهه بخطوات ثقيله من الصدمه واني زلمه شحال البنيه ممتوقعتها!! همست

قيس: خاله هذا رقمي اي تحتاجو طمنيني وخابري باي وكت ..تلكيني عد يمناج