الشك / بقلمي : ايمان احمد

الحلقة الاولي : من الشك بقلمي ايمان احمد

في احد المنازل البسيطة في الإسكندرية تستيقظ فتاة جميلة الملامح من نومها بنشاطها المعتاد وبفرحة كبيرة بداخلها فاليوم اول يوم لها بكلية الطب الحلم الذي طالما حلمت به هي ورفيقة حياتها منذ الصغر جلست علي سريرها ثم نظرت إلي الصورة بجانبها صورة لفتاة صغيرة جميلة ذات عيون خضراء وشعر اصفر وبجانبها فتاة بنفس عمرها ذات عيون عسلية وشعر اسود حالك وطويل نظرت للصورة بفرحة ثم تحدثت : واخيرا حققت حلمنا احنا الاتنين ودخلت الكلية اللي كان نفسنا ندخلها من صغرنا يا ترى انتي كمان حققتيه ولا لا نفسي بجد تكوني حققتيه قطع شرودها مع نفسها طرقات علي الباب وصوت
الصوت: نورين اصحي يالا علشان متتأخريش
نورين : أنا صحيت يا احمد عشر دقايق وأجهز
احمد: ماشي يا حبيبتي اجهزي يالا وانا جهزت الفطار علي السفرة اجهزي بسرعة وتعالي افطري
نورين : ماشي فريرة وأكون خلصت
بعد عشر دقائق خرجت نورين وهي مرتدية ملابسها ثم ذهبت الي السفرة وكانت مرتدية خمار من اللون الزيتي وفستان من نفس اللون الذي يتلائم كثيرا مع لون عينيها الجميلة فكانت مثل الحورية الجميلة  جلست تتناول فطارها مع اخوها ثم شردت نظر إليها احمد وعلم فيما هي شاردة فهو اخوها ومكمن أسرارها
احمد بابتسامة بسيطة : هتلاقيها أن شاء الله خلي عندك ثقة بربنا
نورين : تفتكر يا احمد تكون حققت حلمنا ودخلت كلية الطب
احمد: أن شاء الله تكون دخلتها وانتي عملتي اللي عليكي وانا عارف انتي اخترتي اسكندرية ليه وانا معاكي دائما في كل خطوة هتأخديها ومش هسيبك ابدا.
نورين بابتسامة: ربنا يبارك لي فيك يا رب يا احمد انت مش بس اخويا انت صديقي الصدوق كمان
احمد بضحك : صديقك الصدوق طب يالا يا اختي علشان متتأخريش علي الكلية تالنهاردة اول يوم
نورين : وانا جاهزة يالا بينا
ذهبت نورين وأحمد الي الكلية بسيارة احمد فأحمد معيد بنفس الكلية ثم افترقوا فهو ذهب إلي عمله وهي ذهبت الي المدرج الذي ستأخذ به اول محاضرة  جلست الي جانب مجموعة من الفتيات كانت المحاضرة عبارة عن الترحيب بهم ومعرفة ما سوف يدروسونه في هذه المادة بعد انتهاء المحاضرة تعرفت نورين علي الفتاة التي كانت تجلس بجانبها
البنت : السلام عليكم ازيك يا قمر أنا مريم وانتي؟
نورين : وعليكم السلام أنا نورين
مريم : ماشاء الله اسمك جميل بصي يا ستي زي ما امتي شايفة كدة أنا لسة مكونتش اصدقاء هنا وانتي ما شاء الله عليكي محترمة وعسولة فأيه رأيك نبقي اصحاب لان من ذكائي الخارق حاسة أن مالكيش أصحاب هنا زيي والا كنتي قاعدة مع حد عمالة ترغي زي بقيت الخلق دي
نورين بابتسامة علي كلام مريم : عندك حق أنا معنديش أصحاب هنا أنا من الصعيد وبدرس هنا واتشرف أن نكون اصحاب اكيد
مريم : الصعيد ازاي اللي يشوفك ويشوف لهجتك يقول انك من القاهرة ولا حاجة
نورين :أنا من الصعيد بس امي من القاهرة واحنا صغيرين كنا عايشين في القاهرة والصعيد  علشان كدة تلاقيني بتكلم مصري وكمان علي فكرة عدد كبير دلوقتي من الصعيد بيتكلم مصري بسبب الشغل والدراسة في القاهرة
مريم : وانا يا ستي من بنها وربنا يسامحه مكتب التنسيق اللي جابني هنا بصي الضهر أذن تعالي نصلي وتبقي نكمل كلامنا بعدين
نورين : قشطة يالا بينا
مريم بمرح : قشطة وانا اللي كنت حبيبك هادئة طلعتي شبهي يا أما أنا اللي بهت عليكي يالا يا اختي علشان منتأخرش
نورين بضحك : يالا بينا
ذهبوا للصلاة ثم رجعوا ليكملوا محاضرتهم وبعد انتهاء اليوم الدراسي في الطريق
احمد : ها عملتي ايه يا نوري النهاردة في الكلية
نورين : الحمد لله كان يوم جميل واتعرفت علي بنت محترمة جدا هناك وبقينا أصحاب خلاص
احمد: الحمد لله بس خلي بالك وانتي بتختاري اصحابك اختاري دائما اصحابك اللي يقربوكي من ربنا مش اللي يبعدوكي  عنه
نورين بابتسامة : أن شاء الله
ومر الاسبوع الاول دون إحداث تذكر سوي توطد علاقة مريم بنورين جدا
في اول يوم بالاسبوع التاني
نورين : احمد يا احمد قوم يالا اتاخرنا علي الكلية
احمد بنوم : ماشي يا ماما خمس دقائق كمان وهقوم
نورين : ماما مين يا ابني أنا نورين قوم يالا اتأخرنا علي الكلية
احمد: ماشي يا غلسة اسكتي بقا وسبيني انام شوية نايم امبارح متأخر كنت بحضر للي هشرحه النهاردة
نورين بخبث : خلاص يا احمد نام صعبت عليا وفجأة استيقظ احمد مفزوع بعدما كبت نورين عليه كوباية المياه
احمد بانزعاج:  ايه الله عملتيه دي يا بت مش سيبك النهاردة وطلع يجري وراها وهي تجري وتضحك لحد ما راحت لأوضتها  و قفلت الباب وراها
احمد بغيظ : ماشي يا نورين والله لأردهالك و قريب قوي كمان
نورين بضحك : ماشي بس البس يالا علشان اتأخرت والنهاردة اول يوم سكاشن
ذهب احمد وارتدى ملابسه ونورين كانت قد أعدت الفطار وفطروا ونزلوا راحوا الكلية
في الطريق
نورين بضيق : أدنا اتأخرنا أهو علشان خاطرك وممكن ميردوش يدخلوني السكشن
احمد : صحيح انتي سكشن كام
نورين بتعجب: سكشن ١٨ انت نسيت ولا ايه  انت اللي معرفني
احمد : لا بتأكد بس يالا بقا ربنا معاكي علشان المعيد اللي هيعطيكي شديد شوية مبيدخلش حد بعد ما يبدأ شرح وبيوقف علي الواحدة
نورين بخوف  : ربنا يستر بسرعة بقا علشان متأخرش
اسرع احمد بالقيادة وطول ما نورين قاعدة عمالة تدعي أن ربنا يسترها معاها و متتأخرش نزلت نورين وسابت احمد وجريت علي مكان السكشن بتاعها  وفجأة وهي بتجري خبطت في. .......  
يا ترى حصل ايه مع نورين ؟ ومين اللي خبطت فيه
#الشك
# بقلمي :ايمان احمد