الشك / بقلمي : ايمان احمد

الفصل السادس عشر من الشك

# الفصل : السادس عشر
# الشك
# بقلمي : ايمان احمد

سبحان الله و الحمد لله ولا اله الا الله و الله اكبر

مر اسبوع على حديث نورين ونورسين
في مكتب اكرم
اكرم : الحمد لله الشغل ماشي كويس جدا بس في مناقصة لو دخلناها هترفعنا رفعة تانية خالص فعايزين نقدم فيها ونشوف هي مجموعة فنادق في شرم الشيخ
معاذ : بص يا اكرم قبل ما نقدم لازم نشوف الفنادق دي هتكون فيها بارات و ماهي ليلي ولا لأ الاول
اكرم : بس احنا مالنا يا عم هو بتاعنا ولا احنا هنروح الأماكن دي
معاذ : لا يجوز العمل في التصميم الإنشائي أو المعماري لأماكن اتعملت لتمارس فيها المحرمات، علشان   التصميم ده معاونة على فعل المحرم، وقد قال تعالى:  وَتَعَاوَنُوا عَلَى الْبِرِّ وَالتَّقْوَى وَلا تَعَاوَنُوا عَلَى الْأِثْمِ وَالْعُدْوَانِ .{المائدة: 2}. فلا تصمم مكانا يحتوي على ربا، أو صالة رقص، أو ملهى ليلي ( المعلومة من موقع islamweb)
اكرم : بجد أول مرة اعرف المعلومة دي ربنا يبارك لك والله يا معاذ خلاص هشوف الموضوع ده وبعدين نصلي استخارة و نشوف
معاذ : تمام هروح أنا مكتبي هشوف ورايا ايه وخلي بالك أن شاء الله بكرة في مقابلةالمهندسين الجدد
اكرم : ماشي بإذن الله
             &&&&&&&&&&

في الفيلا كانت تجلس نورين وتضع الهاند فري في أذنيها وتستمع الي فيديو بإهتمام شديد
نورسين : نوريييييين يا نوريييين
نورين : ها يا نورسين بتكلميني
نورسين : بكلمك ! تأنا بقالي ساعة بنادي وانتي ولا انتي هنا
نورين : معلشي مأخدتش بالي اصل كنت بسمع فيديو جميل اوي
نورسين : ها بقى يا ستي كنتي بتسمعي ايه ؟
نورين : عنوان الفيديو اسمه علاج الكسل عن الصلاة
نورسين بإصغاء : عنوانه كويس اوي قوليلي بقا ايه هو العلاج ده
نورين : بصي يا ستي هي بتقول اول ما تسمعي المؤذن بيقول الله اكبر تقومي تقولي لنفسك فعلا الله اكبر عن كل حاجة الله اكبر عن الدرس اللي بذاكره الله اكبر عن مكالمتي لأختي الله اكبر عن الطبق اللي بغسله حتى لو انتي كنت بتعملي حاجة سيبيها من ايدك بسرعة و روحي صلي علشان الحاجة دي هتجر حاجة ورا حاجة وتيجي تصلي هوب هتلاقي الوقت خلص تاني حاجة خليكي دائما على وضوئك مثلا بدل متغسلي ايدك بعد متخلصي طبيخ قومي متوضية وهكذا لان اللي بيعطلنا و يكسلنا هو الوضوء أما لو متوضية هتصلي علطول تعرفي مرة وانا في ثانوي واحدة صاحبتي كانت بتكلمنا  في الموضوع ده وقالت لنا حاجة جميلة جدا قالتلنا قبل الاذان بنص ساعة هاتي السجادة وافرشيها قدامك وتكوني متوضية متستنيش الاذان لأن ساعتها الشيطان هيكسلك أما لما تكون السجادة قدامك مفروشة هتصلي علطول
تالت حاجة بقا في الفيديو لو انتي خارجة ولسة وقت شوية صغيرين على الصلاة متخرجيش الا لما تصلي الاول طب افرضي خرجتي قبلها بكتير وهتتأخري خلي معاكي مصلية بلاستيك صغيرة في شنطتك و اي مسجد يقابلك ادخلي صلي اتصرفي هتلاقي اماكن كتير و علفكرة الكلام ده صح جدا وهتشجعي الناس تعمل زيك مرة و احنا في المدرسة كان عندنا درس والمفروض علينا درس بعده والصلاة كانت هتفوتنا فواحدة زميلتنا قالت للمدرس عايزة اصلي فجبلها المصلية بتاعته و دخلها الاوضة اللي بيصلي فيها خلاها تصلي تاني يوم كنا أربعة بعدين ستة وكل يوم العدد يكتر والاستاذ فرش الاوضة وهدخلاها مسجد علشان العايز يصلي و اتعودنا نعمل كدة في كل درس و المدرسين بتوعنا كل واحد كان عامل اوضة كمسجد للبنات اللي بتروح وعايزة تصلي
نورسين : بجد الكلام ده جميل وهعمل كدة أن شاء الله و ان شاء الله في الكلية نبقى ننزل نصلي الضهر ونروح نكمل المحاضرات منستناش لما نروح و على فكرة أنا خلصت الكتاب وكنت جيباهلك و قررت أن شاء الله اغير لبسي و لبس الحجاب الشرعي
نورين بفرحة بالغة : بجد تا عمي هيفرح جدا بالخبر
نورسين : ده بقا اللي عايزة افهمه أنا عارفة بابا نفسه اغير لبسي بس ليه مقاليش وانا كنت هسمع كلامه
نورين : بصي يا ستي عمي عايزك تلبسي الحجاب الشرعي بس تكوني مقتنعة مش مجرد هو قالك و انتي سمعتي كلامه و خلاص انتي في الجامعة و بتشوفي بنات بيبقوا داخلين الجامعة بالخمار وبعدين يقلعوه ويحطوا ميكب و ينقلبوا مئة وتمانين درجة علفكرة الأهل بيبقوا مشتركين في الغلط هما كمان لأنهم أجبروا بناتهم على لبس الحجاب المفروض كانوا اقنعوهم بيه مش اجبروهم عليه لأنهم مجرد أنهم يبعدوا عن عين اهلهم هيقلعوه لانهم للاسف خافوا من اهلهم ونسوا ربنا اللي شايفهم وعارف بيعملوا ايه فعلشان كدة عمي عايزك تكوني مقتنعة تماما بالحجاب وحباه و تكون نيتك انك لبساه علشان ترضي ربنا مش لبساه علشان اهلك قالولك البسيه
نورسين بمكر : يبقا بقا بابا اللي قالك تقرأي الكتاب أدامك و تنزلي على الواتس بتاعك فيديوهات عن الحجاب
نورين بضحك : اه عمك عارف انك فضولية وهتسألي عن الكتاب وهتطلبي تقرأيه
نورسين : طب لو مكنتش طلبته كان هيعمل ايه
نورين : اكيد كان هيتكلم معاكي ويقنعك وعلى فكرة عمي كان صاحب فكرة أن احمد يشتريلي الكتاب من الاول
نورسين : طب دلوقتي أنا عايزة اجيب هدوم علشان معنديش الا بناطيل
نورين : انتي دلوقتي تلبسي معايا و بكرة بعد الكلية نروح نشتري لك كام طقم و اخمرة
نورسين : أن شاء الله

               &&&&&&&&&&
في منزل معاذ
رجع معاذ إلى المنزل وهو متعب فتح باب البيت فوجده هادئ على غير العادة
معاذ في نفسه : ايه ده انا جيت بدري النهاردة ولا ايه مريم مش واقفة ورا الباب علشان تخضني يعني ثم دخل وهو ينادي عليها و فجأة أغلقت كل انوار الشقة
معاذ: الكهربا شكلها قطعت أما افتح كشاف الموبايل فتح الكشاف وفجأة ظهرت أمامه شخص يلبس ابيض في ابيض و يظهر أصوات غريبة اتخض معاذ بشدة حيث كان مركز في الموبايل و لكنه عرف انها مريم فهي هكذا دائما
معاذ في نفسه : ماشي يا مريم اما وريتك تأنا قطعت الخلف بسببك بسبب الخضة دي
معاذ بتمثيل : اعوذ بالله من الشيطان الرجيم ابعد عني متلمسنيش فأقتربت منه مريم لكي تلمسه لعله يخاف اكتر وفجأة مسكها معاذ وازال هذه الملأة وذهب ليفتح النور وهو مازال ممسك بقا من الخلف كالمخبرين
مريم بتذمر : انت ماسك حرامي غسيل يا عم شيل ايدك
معاذ : عم كمان لا تأنتي حسابك تقل ثم مسكها وعلقها من هدومها في شئ ضخم  على الحائط يستحمل حجمها عمله معاذ مخصوصا لها
مريم : لا نزلني أنا أسفة حرمت معمتش هعمل كدة تاني
معاذ : كل مرة بتقولي كدة و بترجعي تعملي تاني يا ريت بقا متعمليش صوت هروح اغير هدومي واجي
ذهب معاذ ثم جاء و معه غداره وضعه على السفرة ثم بدء في الاكل دون أن ينظر إليها
مريم : طب نزلني اكل و طلعني تاني أنا قاعدة استناك من ساعتها علشان اكل معاك
معاذ : أنا بس علشان قلبي الطيب هنزلك علشان تاكلي وبعدين هطلعك تاني
مريم بسخرية : مش هتعرف زي كل مرة
معاذ : أنا لسة على فكرة منزلتكيش يعني ممكن ارجع في كلامي عادي
مريم : و الناس تقول اللي بيرجع في كلمته اهو أنا مرضهاش ليك
معاذ: أنا ارضاها وان مسكتيش هسيبك
مريم : لا خلاص انا اسفة يا عم
نزلها معاذ ثم جلسوا يتناولوا عداءهم وهم يضحكون فهذا ما يحدث دائما معهم مريم تقوم بالمقلب فيعلقها معاذ ثم ينزلها لتتناول غداءها معه في جو يسيده الفرحة والسعادة وينسيه تعب يومه

                &&&&&&&&
في اليوم التالي
يستيقظ شاب من نومه بكل نشاط ثم يمسك صورة فتاة صغيرة ويتحدث إليها
الشاب : تعرفي انك وحشتيني جدا  أنا يا ستي قررت اني امسك شركة بابا الله يرحمه و اريح عمي بقا هو كتر خيره مسك الشركة بقاله اكتر من خمستاشر سنة وانا الحمد لله اشتغلت في الشركة وعرفت كل حاجة وان شاءالله اعرف امشيها كويس اسيبك بقا و اروح اصلي علشان اروح اشوف ماما على فكرة انتي وحشتيها هي كمان اوي هي اه مبتتكلمش بس انا حاسس بيها
ترك الشاب الصورة ثم ذهب ليتوضأ ويؤدي صلاته ثم ذهب لأمه

يا ترى من هو الشاب ده ومين البنت اللي في الصورة ومين عمه  ومعاذ واكرم هيعملوا المشروع ده ولا لا
كل ده في الحلقات القادمة إن شاءالله

# الشك
#بقلمي : ايمان احمد

$ملحوظة :  البنت اللي قالت إن احنا نفرش السجادة علطول ادامنا علشان منكسلش دي واحدة صاحبتي و اتوفت من شهر كدة ياريت تدعولها بالرحمة