الشك / بقلمي : ايمان احمد

#الفصل العاشر من# الشك

# الفصل العاشر
# الشك
# بقلمي : ايمان احمد
سبحان الله وبحمده عدد خلقه ورضا نفسه وزنة عرشه ومداد كلماته
بعد ساعتين من التفكير قررت نورسين أن تتحدث مع جدها وبالفعل نزلت إلى مكتب الجد
الجد بإبتسامة : ايه ده نورسين هانم بذات نفسها مشرفة في مكتبي المتواضع
نورسين : جدو عايزة اتكلم معاك في موضوع مهم
الجد : خير يا حبيبتي
نورسين : أنا عايزة اعرف امي ماتت ازاي
الجد بهدوء : يبقى انتي اكيد عرفتي نورين وأحمد صح
نورسين بتعجب وذهول : انت عارف نورين وأحمد منين ؟ وعرفت ازاي أن هم عرفوني
الجد : أنا عارف عنهم كل حاجة من اول مسيبناهم احمد واكرم جم اسكندرية من حوالي تسع سنين واللي قالوه للكل أنهم حبين يدرسوا في اسكندرية بس الحقيقة أنهم جم يدوروا عليكي و نورين جات من سنتين تقريبا خدت الثانوية من هنا وهي طالبة معاكي في الكلية أما احمد فهو المعيد بتاعك واكرم دلوقتي دكتور في كلية هندسة بعد ما خاد الماستر والدكتوراه من لندن
نورسين : أنا معمتش فاهمة حاجة خالص من اللي بتحصل حواليا حاسة اني عايشة في كابوس و عايزة اصحى منه بس مش عارفة
الجد : بصي يا نورسين انتي كبرتي ولازم تعرفي كل الحقيقة وكمان أنا كبرت و الله اعلم هاموت امتى الحكاية بدأت تقريبا من تلاتين سنة لما ابوكي وعمك محمد جم القاهرة  كانوا جايين يدرسوا في كلية الهندسة كانوا في قمة الاخلاق والالتزام والناس كلها كانت تشهد بكدة  و كانوا ساعتها ساكنين في نفس العمارة اللي كنا ساكنين فيها في يوم في يوم لقيت عمك محمد جاي طالب ايد زينة بنت اخويا كنت ساعتها فرحان جدا لان عمك محمد كان شخص ملتزم و طموح واي شخص كان يتمناه لبنته وزينة أهلها ماتوا وهي سبع سنين وانا اللي ربتها وكانت زي بنتي بالظبط بس فوجئت لما قال إنه هياخدها ويعيش في اسيوط ساعتها كنت هرفض لأن زينة وأميرة امك  اللي كانوا  لسالي من عيلتي كلها وبالذات بعد وفاة جدتك بعد اخويا بسنتين فكنت مرتبط بأميرة و زينة جدا لأن أنا اللي ربتهم لواحدي كنت لهم الاب والام والاخ والصديق  و كل حاجة بس وفقت لما لقيت الفرحة في عيون زينة مرضتش اكسر بخاطرها واتجوزت زينة وسافرت مع محمد الصعيد ومحمد فتح شركة هناك ونجحت جدا كان ساعتها ابوكي لسة بيدرس وانا في الفترة دي ارتبط بأمك جامد وهي كذلك لأن مكنش لها أصحاب غيري انا و زينة و قتي كله كان معاها وهي دخلت هندسة علشان تفضل معايا في الشركة على الرغم كان نفسها تدخل صيدلة زي زينة بعد خمس سنين لقيت ابوكي جاي يطلب ايد أميرة ساعتها خوفت تبعد عني هي كمان فاشترط على ابوكي أنهم يعيشوا معايا ويشتغل معايا في الشركة في الاول رفض علشان ميسيبش اخوه لواحده و شركة اخوه كانوا شركاه فيها ولسة في الاول و كدة وحاول كتير يتقدم لاميرة تاني بس كل مرة كنت بقوله الشرط ده ولما حاول معايا كتير ومقدرش يعمل حاجة وافق في الاخر بعد اقناع زينة له وبعدها بسنة اتجوزوا وعاشوا معايا هنا و ابوكي كان شغله بين هنا وأسيوط وبعدها انتي جيتي انتي ونورين كنتي بالنسبة لي الدنيا كلها لدرجة امك كانت بتاخدك مني بالقوة علشان تأكلك أو تغيرلك  بس بعدها بسنة عمك محمد اتوفى في حادث عربية الكل قال إنه حادث مدبر بس محدش قدر يوصل للي عملها ساعتها ابوكي قرر أنه يرجع ويعيش في اسيوط علشان شركة اخوه وولاده كان ساعتها نورين عندها سنة واكرم وأحمد عندهم تمن تسع سنين تقريبا وانا ساعتها مقدرتش أقوله لأ بس هو برضوا راعى ظروفي وكانوا بيجو هنا كلهم هنا في نهاية كل أسبوع ابوكي حاول كتير اني اروح اعيش معاهم بس انا موافقتش علشان شركتي هنا وكمان بيتي اللي عيشت فيه عمري كله وفيه كل الذكريات بعد سنتين كدة ابوكي خلى الشركة من أكبر الشركات في مصر وده بدأ يضر ناس تانية فهددوه بس ابوكي كان عنيد زيك ومخدش بكلامهم وبعد التهديد بكام اسبوع امك و خالتك زينة اتخطفوا وابوكي فعلا بدأ يتنازل عن صفقات كتير بس لقى نفسه أنه بيضيع تعب اخوه فبدأ يدور ورا الناس دي وللاسف اكتشفوا ده  وفي يوم كان كلكم عندي كان عندك ساعتها خمس سنين جيه لابوكي تليفون ضروري من الشركة واضطر أنه يسافر بسرعة وامك ساعتها أصرت انها تروح معاه معداش غير ساعتين ولاقينا رقم ابوكي بيرن علينا وواحد بيرد و بيقول أن صاحب التليفون عامل حادثة و هو والست اللي معاه في المستشفى ساعتها معرفتش وصلت المستشفى ازاي وصلت لقيت امك اتوفت وابوكي في غيبوبة بعد اسبوع ابوكي فاق بس فاق مش حاسس برجله خالص الدكتور قال إن جاله شلل نصفي ابوكي قعد شهر في المستشفي  وبعد شهر جاله رسالة من رقم مجهول أن الحادثة دي كانت قرصة ودن علشان كان بيدور وراهم والمرة اللي جاية هتبقى بنته ساعتها حطيت مسئولية موت بنتي عليه وخوفت عليكي لابوكي يحاول يفتح في الموضوع ده تاني علشان بجيب حق بنتي وحق اخوه بعد ما عرفنا أنهم السبب في موت محمد وللاسف بيلعبوا بذكاء جامد لدرجة مبيسبوش وراهم اي دليل وكمان أصحاب الشركة الحقيقين مش معروفين خوفت عليكي فخدتك و مشيت وبعدت عن كل حاجة حتى الشركة صفيتها وقفلتها وسبنا القاهرة وخدتك وسافرت برة مصر خوفت لابوكي يرجع وياخدك فسفرنا في مكان محدش يعرفنا بس برضه كنت متابع كل اللي بيحصل في مصر وكنت ببعت لابوكي صور ليكي علطول بس مكانش يعرف مين اللي بيبعته وبعدين رجعنا مصر كنت عايز اعرف ابوكي مكانك بس خوفت لتعرفي الحقيقة وتسبيني انتي كمان أنا عارف اني ظلمتك وظلمت ابوكي وظلمت زينة بس كنت خايف تروحي مني انتي كمان لأن اللي يقتل مرة واتنين من غير ميتكشف ممكن يقتل ميت مرة  خوفت عليكي
قاطعته نورسين والدموع تهبط من عينيها كشلال : وليه قولتلي أن ابويا اللي قتل أمي
الجد : أنا مقولتش أنه اللي قتل امك أنا قولتلك ساعتها هو السبب في موتها ومكانش قصدي أنه اللي قتلها بس لما لقيتك مفكرة أنه اللي قتل امك سيبتك تفكري كدة علشان خوفت لترجعله وتسبيني
نورسين بغضب : عارف انت عملت ايه انت ضيعت حياتي خلتني عائشة طول حياتي وانا خائفة وظالمة ابويا خلتني اعيش يتيمة طول حياتي وابويا عايش خليت ابويا عايش طول عمره ونفسه يشوف بنته خليتني اكره ابويا و افتكره واحد مجرم وهو اطيب شخص ممكن تقابله اللي يعرض نفسه للخطر علشان اخوه واللي يربي ولاد اخوه ويعاملهم زي ولاده واكتر  يبقا مجرم ازاي أنا عمري ما هسامحك على اللي عملته فيا واللي انت كنت خايف منه هيحصل وهمشي واسيبك وارجع لابويا
مسحت نورسين دموعها و ذهبت لغرفتها لكي تجهز اشياءها علشان تمشي وتسيب الفيلا بس بعد ربع ساعة وجدت الباب بيخبط جامد والخادمة تصيح : الحقي يا نورسين هانم عبد الله بيه واقع في الأرض وقاطع النفس جرت نورسين على جدها وهي تصرخ في الخدم بأن يتصلوا بالاسعاف
نورسين : جدو يا جدو فوق يا جدو علشان خاطري انت عارف اني ماليش غيرك انت عارف اني كنت بقول كدة وخلاص بس انا مش هقدر ابعد عني بالله عليك فوق يا جدو بعد عشر دقائق وصلت الإسعاف وخدت عبد الله الي مستشفي خاصة ولحسن حظهم أن احمد يعمل بهذه المستشفي وهو بها في هذا الوقت ذهب احمد لكي يرى المريض ففوجئ لنورسين أمام غرفة المريض
احمد : نورسين انتي بتعملي ايه هنا ؟!
نورسين ببكاء شديد : جدو يا احمد اغمى عليه ومش راضي يفوق
احمد : طب اهدي كدة وانا دخله
بعد بعض الوقت خرج احمد من الغرفة
نورسين : جدو ماله يا احمد
احمد : هو كويس الحمد لله هو بس اتعرض لضغط عصبي شديد و هو اصلا عنده القلب بس الحمد لله ربنا ستر هو هيفوق على بكرة الصبح  فأنا هكلم اكرم يجي بروحك لأن الوقت أتأخر وانا هكون جمبه متقلقيش
نورسين : لا أنا مش هروح في حتة أنا هقعد جمبه
احمد : أنا قولت مش هيفوق اللي الصبح وانا هفضل جمبه وانتي هتروحي وتركها وغادر دون أن يسمع ردها وبالفعل اتصل على أكرم وطلب منه أنه يروح له المستشفي وياخد نورين معاه
ذهبت نورين ونورسين الى الفيلا مع اكرم بعد أن طلب احمد من نورين أن تظل مع نورسين اوصلهم اكرم ورجع لاحمد مرة اخري لكي يكون بجوار عبد الله

يا ترى ايه اللي هيحصل مع عبد الله ونورسين هتسامحه بجد ولا لا وأحمد ونورين هيسامحوا نورسين على كلامها ولا لا ومحمود وزينة هيسامحوا عبدالله كل ده في الفصول القادمة إن شاء الله
ايه رأيكم في موقف عبد الله واللي عمله ويا ترى يستاهل المسامحة ولا لا
هل ممكن الحب الزيادة لشخص يأذيه ؟ يعني ممكن تكون مقولة ومن الحب ما قتل صح ؟
يا ريت يا جماعة اشوف رأيكم في الكلام ده
# الشك
# بقلمي : ايمان احمد