الشك / بقلمي : ايمان احمد

الفصل التاسع عشر من الشك

# الفصل: التاسع عشر
# الشك
# بقلمي : ايمان احمد

لا اله الا انت سبحانك اني كنت من الظالمين

اكرم ببرود: انت متأكد من الكلام ده
عبد الرحمن : أنا أول ما شوفتها في الشركة استغربت جدا ايه اللي هيجيبها هناك بس لما سألت الأمن قالوا إنها كانت شغالة هنا من اربع سنين وسابت الشغل و كانت شغالة سكرتيرة لعمي مش مهندسة و اللي اكدلي اكتر أنها وهي بتقدم قالت إنها معاها كورسات كمبيوتر وسكرتارية و اكتر من خمس لغات يعني مؤهلاتها تخليها تشتغل سكرتيرة عادي جدا و اللي عملني اكتر سألت واحد معرفة في شؤون الخريجين في هندسة القاهرة قالي أنها الاولى على دفعتها و كانت المفروض تتعين في الجامعة بس هي مستلمتش شغلها اصلا .
اكرم : أنا حاسس ان البنت دي في حاجة وراها وحاجة كبيرة كمان اول ما جات تقدم على شغل أنا الحقيقة استغربتها جدا معاها كمية المؤهلات دي اللي تخليها تشتغل في احسن شركة و مع ذلك جات تشتغل في شركتنا على الرغم أن كنا لسة في الاول بس على فكرة البنت دي عايزة تلفت نظرنا لحاجة أو توصلنا حاجة من تعاملي معاها شايف انها ذكية جدا و كل خطوة بتعملها بتكون بعد تفكير يعني هي مش متهورة خالص علشان تغلط غلط زي ده وتروح الشركة وهي عارفة انك هتكون هناك وكمان عارف انها شغالة في شركتنا
عبد الرحمن : اكرم تبين لنا ايه بقولك البنت شغالة مع عمي وانت عارف عمي شغال في ايه كويس انا حاسس انك عارف حاجة ايه كمية البرود اللي بتتعامل بها دي
اكرم : مش برود ولا حاجة بس معلوماتك متأخرة شوية أنا عارف ان البنت دي شغالة مع عمك بعد ما اشتغلت في شركتنا بأسبوع بس
عبد الرحمن : لا استنى كدة أنا مش فاهم اي حاجة ازاي عارف و ازاي سايبها عندك في الشركة
اكرم : بص يا سيدي لما استغربت من مؤهلاتها و خاصة أنها كمان معاها دكتوراة و جاية شركتنا شكيت تكون مدسوسة علينا من شركة تانية جمعت عنها معلومات و وصلت لها بسرعة جدا وده اللي لحد الان مستغربه هي مش غبية أنها تسيب معلومات وراها بالعكس من شغلي معاها شايفها ذكية جدا او عبقرينو زي ما بيقول معاذ عنها و اللي مستغربه اكتر أنها مأذتناش في شغلنا و المفروض اننا عطينها الثقة كلها واللي انت حكيته اكدلي أنها عايزة توصلنا حاجة بس ممكن خائفة من عمك مش عارف الحقيقة وكمان أنا سألتها عن الايميل و أنا متأكد انها هتنكر بس كنت عايزها توصلهم اني معرفتش مين اللي ورا الحاجات دي
عبد الرحمن : اكرم أنا بقالي تلات سنين عارف حقيقة عمي و مستحمل الشغل في الزفت الشركة دي علشان تكشفه ورغم كدة مش عارف اعمل حاجة ولا عارف اكشفهم و اديك شوفت حصلك ايه النهاردة ؟ أنت عارف انك لولا وقفتني يومتها كنت رحت واجهت عمي وعمل اللي يعمله
فلاش باك
بعد شغل عبد الرحمن في الشركة بحوالي سبع شهور
وصل لأكرم طرد فيه اوراق تخص صفقات أسلحة ومخدرات و عبد الرحمن المسؤل عن الصفقات دي و ورقة تانية مكتوب فيها انقذ صاحبك من المصيبة اللي هيقع فيها و بلاش تخليه يتسرع و يودي نفسه في داهية
اتصل اكرم بعبد الرحمن ومعاذ و طلبهم ولما وصلو قالهم كل حاجة
عبد الرحمن : أنا مضيت ورق صفقة معدات و مكن من المانيا مين اللي ممكن يحاول يعمل كدة
معاذ : يبقى اكيد شركتكم بتشتغل في الحاجات دي و حطوك انت في وش المدفع
عبد الرحمن : لا اكيد عمي ميعملش كدة اكيد حد تاني له مصلحة أنه يوقع شركتنا أنا لازم احكي لعمي علي اللي حصل ده
اكرم : للاسف مفيش حد يقدر يعمل كدة الا انت او عمك لان الشركة بتاعتكم انتم الاتنين بس وانتم اللي تقدروا تتحكموا فيها بس لازم تتأكد الاول أن عمك المسؤل عن كدة
بعد اسبوع في شركة اكرم
عبد الرحمن بحزن و تيهة : للاسف عمي المسؤل عن كدة وفيه صفقات كتير جدا غير دي أنا لازم ابلغ الشرطة
معاذ : للاسف انت اللي هتشتال الشيلة كلها لأن الصفقة عليها امضتك انت فاحنا لازم نفكر صح علشان نقدر نكشفهم
عبد الرحمن : خلاص انا هسيب الشركة دي
اكرم : غلط لازم تفضل فيها علشان ميشكوش انك عرفت حاجة و كمان علشان انت اللي هتقدر تكشفهم