بسم الله الرحمن الرحيم
سبحان الله والحمد لله والله اكبر ولا اله الا الله
#الفصل السادس
#الشك
#بقلمي : ايمان احمد
ذهبت نورين الي احمد بسرعة وقلق
نورين بخضة : خير يا احمد جايبني بسرعة كدة ليه
احمد : اقعدي ارتاحي الأول عايز اتكلم معاكي في موضوع مهم
نورين بعصبية : ارتاح ! انت عارف انت عملت فيا ايه بمكالمتك دي
احمد بهدوء : اهدي كدة الموضوع اللي عايزك فيه مش عارف هيفرحك ولا هيزعلك بس علي العموم عارفة البنت اللي طردتها من السكشن واللي اتخنتي معاها اسمها ايه؟
نورين بتعجب : اه اسمها نورسين النهاردة كانت حزينة علشان ذكرى وفاة مامتها و روحت كلمتها وبقينا أصحاب دي طيبة جدا والله بس هي عنيدة شوية ومتهورة بتتصرف قبل ما تفكر عارف بتفكرني بيها اوي
احمد بصدمة : انتي غبية يا نورين اسمها نورسين و ذكري وفاة مامتها النهاردة و زفت عنيدة ومتهورة وفي طب اسكندرية وبتفكرك بيها كل ده و مشكتيش في حاجة ؟
نورين بصدمة : اوعى يكون اللي فكرت فيه صح
احمد: وهو يحرك رأسه علامة الموافقة : أيوة الدكتورة اسمها نورسين محمود الصعيدي بنت عمنا اللي بندور عليها بقالنا سنين
نورين بفرحة كبيرة : دي نورسين بجد الحمد لله يا رب أنا لازم اروح اقولها ان أنا نورين بنت عمها واختها وصاحبة عمرها وكادت أن تمشي و لكنها وقفت على صوت احمد
احمد : استني يا نورين بلاش تهور اهدي واقعدي افهميني الاول اولا دي مش نورسين بنت عمنا الطفلة الصغيرةاللي عندها خمس سنين اللي كانت متعرفش تقعد دقيقة واحدة من غيرنا ولا البنت الشعنونة اللي بتحب كل الناس ولازم تضحك كل اللي حواليها دي واحدة تانية خالص شخصيتها اتحولت نهائي لواحدة أنانية ومغرورة و أهم حاجة عندها الانتقام من اي حد يقف أمامها وانتي جربتيها في الحكاية دي ممكن اللي احتفظت بيه من شخصيتها القديمة للاسف عنادها وتهورها بس ثانيا بقا نورسين بتكرهنا كلنا علشان اللي حصل زمان او اللي فكراه حصل وانتي علاقتك معاها لسة في الاول يعني مش قوية لدرجة أنك تقولي لها دلوقتي ومش بعيد تهرب زي الاول
نورين بحزن : عندك حق بس هنعمل ايه
احمد : اول حاجة انك تتعاملي معاها عادي كصاحبتك الجديدة وحاولي تقربي منها وترجيعها نورسين القديمة ولو سألتك عن اسمك قوليلها نورين بس وتاني حاجة لازم محدش يعرف انك اختي بعد كدة تيجي وتروحي لواحدك علشان بما اني معيد عندكم فممكن تعرف اسمي فتكوني انتي في السليم حد يعرف انك اختي هنا؟
نورين : لا محدش يعرف غير صاحبة ليا بس بس هي عمرها ما تقول وانا كنت حكتلها عن نورسين فهقولها وهي مش هتقول لحد أنا ماشية بقا عايز حاجة علشان عندي محاضرة
احمد: ماشي خلي بالك من نفسك
خرجت نورين من عند احمد وهي تائهة تفكر في نورسين لم تستطع أن تحضر المحاضرة فأخذت نفسها وذهبت البيت تاركة شنتطتها وأدواتها مع مريم ولحسن حظها أن كانت تضع بعض المال في جيب فستانها تضمنا أن حدث معها شئ
عند احمد ظل شارد في ماضيهم وهو يتذكر نورسين ومرحها وعنادها معه وكيف كان الوحيد الذي يستطيع أن يسيطر على عنادها ثم يبتسم عندما كان عمه أو خالته رحمها الله يريدون أن تفعل شئ وترفض يذهبون إليه لكي يقنعها لتفعلها و لكن غابت ابتسامته وحل محلها العبوس والحيرة عندما تذكر عمه الحبيب الذي يعتبره والده فهو من قام بتربيتهم بعد وفاة والده كان هو واكرم حينها في التاسعة من عمرهم و نورين عندها سنة لم يشعرهم قط أنهم فقدوا أباهم شرد في ردة فعله عندما يعلم أنهم عثروا على نورسين لطالما كانوا يقولون انهم يحبون الإسكندرية والعيش فيها إذا آتوا لكي يدرسوا هنا ويعيشوا هنا و لكنه يشعر أن عمه يعرف سبب محيئهم وأنهم أتوا لكي يبحثوا عن نورسين
احمد محدثا نفسه : أنا لازم اكلم اكرم يجيلي علشان يساعدني وبالفعل اتصل به
اكرم : السلام عليكم
احمد: وعليكم السلام اكرم أنا محتاجلك في حاجة كدة يا ريت تجيلي بكرة اسكندرية
اكرم بقلق : خير يا احمد حصل حاجة
احمد بمرح لكي لا يقلقه : ما فيش حاجة يا بني انت بس وحشتني وعايز اشوفك
اكرم : اقفل يا احمد أنا جايلك
احمد : تيجي فين يا مجنون دلوقتي قولتلك بكرة ولكنه لم يجد رد وقد فصل الخط اكرم
دخل اكرم من بوابة الكلية بسهولة لظن الأمن بأنه احمد ظل يتلفت حوله حتى يعلم أين يذهب ولكن فجأة وجد فتاة تقترب منه ترتدي خمار وملابس محتشمة استغرب من اقترابها منه ولكن قطع تفكيره
مريم: لو سمحت يا دكتور احمد أنا أسفة بس كنت عايزة أسأل حضرتك علي نورين لأنها محترضتش المحاضرة ومش لاقيها في أي حتة في الكلية من ساعة أما حضرتك اتصلت بيها ونسيت شنتطها معايا
اكرم بخضة : نورين! هي حصلها حاجة ؟! لو سمحت يا آنسة فين مكتب الدكتور أحمد
مريم بتعجب : دكتور احمد مش حضرتك دكتور احمد
اكرم : لا أنا اخوه
مريم : اه أنا أسفة هو قسم الاناتومي في الدور التاني واتفضلي شنطة نورين
اكرم بعد أن أخذ الشنطة : شكرا لحضرتك وطلع يجري وصل وسأل على احمد وعلم أنه في معمل ب دخل بسرعة دون طرق الباب وجرى علي احمد الذي كان يقف أمامه
اكرم : خير يا احمد حصل ايه
نظر احمد الي طلابه الذين ينظرون إليهم ببلاهة
احمد : اسف يا شباب ده اخويا التوأم بس بشمهندس اكرم ثواني وهرجعلكم تاني نظر إليهم اكرم الذي لم يرهم الا الان أخذه احمد وخرج
اكرم بقلق : نورين حصل معاها ايه صاحبتها قابلتني وقالت لي انها مشيت ومحضرتش محاضراتها
احمد بهدوء : كنت متوقع ده الحكاية أننا عرفنا مكان نورسين بص تعالي اقعد شوية استناني لما اخلص واحكيلك كل حاجة بس انت جيت ازاي
اكرم : كنت جاي من الصبح علشان اقدم ورقي في هندسة الإسكندرية وكنت عاملها مفاجأة
دخل اكرم وأحمد مرة ثانية وانتهي السيكشن وذهب احمد واكرم وحكي له ما حصل.
مرت الايام و أصبحت علاقة نورين ونورسين ومريم قوية وقد بدأت امتحانات النصف الدراسي الاول و كانت نورسين ومريم يجلسون ينتظرون نورين حتى تخرج ويتحدثون بمرح قطع كلامهم رنين موبايل مريم برقم غريب لم ترد في بداية الأمر ولكن مع إصراره ردت
الشخص : السلام عليكم دكتورة مريم
مريم : وعليكم السلام مع حضرتك مين معايا
الشخص : أنا حد متعرفوش بس انا اعرف عنك كل حاجة حتي انتي قاعدة في الكلية ادام مبنى ......وكانت معاكي صاحبتك ومشيت وسابتك
بصت حولها ولم تجد نورسين فشعرت بالخوف الشديد
مريم بخوف: مين حضرتك
الشخص : انتي وحشاني جدا جدا وعايز اشوفك حالا والا متتوقعيش هعمل ايه يا .....أغلقت مريم الموبايل ولم تستمع الي بقية الكلام فأحست بيد توضع على كتفها فصرخت بهستيرية
يا ترى من الشخص ده وعايز ايه من مريم وهيعمل إيه معاها ويا ترى نورسين هتعرف حقيقة نورين وهتعمل ايه ساعتها وليه بتكرههم وبتهرب منهم كل ده هيتكشف في الحلقات الجاية أن شاء الله
#الشك
#بقلمي : ايمان احمد
# رأيكم
أنت تقرأ
الشك / بقلمي : ايمان احمد
غموض / إثارةدخل الشك قلبها وهي صغيرة بعد لم تفقه شئ بسبب كلمة قالها لها أحدهم جعلها تعيش بقية حياتها هاربة خائفة يتيمة ومازال والدها علي قيد الحياة فيا تري عندما تعلم الحقيقة ماذا ستفعل؟
