الشك / بقلمي : ايمان احمد

#الحلقة الثانية #الشك

نزلت نورين من سيارة احمد وطلعت تجري علي مكان السكشن وفجأة وهي بتجري بسرعة خبطت في بنت ترتدي بنطلون ضيق وبادي ضيق وطرحة قصيرة ومبينة جزء من شعرها وحطة مكياج مخبي ملامحها الحقيقية
نورين : أسفة حضرتك معلش مستعجلة
البنت بتأفف وغرور :انتي عامية يا بنتي مش تبصي أدامك يا شيخة ايه الاشكال دي علي الصبح
نورين بضيق : علفكرة أنا اعتذرت وقلت لك مستعجلة يعني خلاص و إتكلمي بأسلوب احسن من كدة شوية وتركتها ومشيت من غير متسمع ردها
البنت بغل : بقا أنا تمشي وتسلمي كدة ماشي أما وريتك علشان تعرفي مقامك بعد كدة
ذهبت نورين الي مكان السكشن وقابلت مريم وكان باين عليها الضيق جدا
مريم : مالك يا بنتي شكلك متضايقة كدة ليه
نورين بضيق : ما فيش خبطت في بنت وانا داخلة غصب عني وقاعدت تتشاكل  اهي هي البنت دي
مريم : مش لقيتي إلا دي وتتشاكلي معاها تا بنت مغرورة جدا وشايفة نفسها مش شايفة لبسها وشكلها
نورين : متقوليش كدة قولي ربنا يهديها وخلاص بقا متخلناش ناخد ذنوب علشانها
مريم : استغفر الله العظيم ربنا يهديها وتسامحني علي كلامي عنها
قطع كلامهم دخول المعيد
المعيد: السلام عليكم يا شباب انصدمت نورين اول ما سمعت الصوت ونظرت للدكتور لقيته احمد
نورين بصوت واطي : يا ابن الايه يا احمد تضحك عليا أنا أما وريتك ما ابقاش أنا نورين
مريم : في ايه يا بنتي بتكلمي نفسك ولا ايه يا عيني البت اتجننت
نورين : اسكتي علشان أنا متضايقة ومش ناقصة
كان احمد ينظر إلي نورين وكاتم ضحكته وفي نفسه : ماشي يا نورين أما وريتك علي اللي عملتيه فيا النهاردة
احمد بصوت عالي موجها الكلام لنورين ومريم : لو سمحت يا دكتورة انتي وهي يا اما تسكتوا أو تطلعوا تتكلموا برة
مريم باحراج : اسفين يا دكتور
بينما نورين تنظر له بغيظ وتتوعد له
احمد : أنا دكتور احمد اللي هيشرح لكم الاناتومي وهيكون معايا دكتورة كمان هنبدل مع بعض واللي عايز حاجة سواء في العملي أو النظري أنا موجود
وبدء احمد في الشرح بطريقة سلسة وسهلة وفجأة
احمد : ممكن يا دكتورة تقولي كنت بقول ايه من شوية
الفتاة : أنا ؟!
احمد : أيوة حضرتك
البنت : أسفة يا دكتور مكنتش مركزة 
احمد : لا حضرتك كنتي بتتكلمي مع اللي جانبك من اول السكشن يا ريت حضرتك تركزي أو تخرجي تتكلمي برة
البنت: حضرتك يا دكتور احنا مش في حضانة علشان تتعامل معانا بالاسلوب ده احنا المفروض كبار وفي جامعة
احمد بسخرية : والله كويس انك عارفة انك في جامعة مش في حضانة لان اللي أنا شايفه تصرف اللي في الحضانة حتي ميعملهوش
ضحك الطلبة علي الفتاة
الفتاة بغيظ وغرور : حضرتك تعرف انا مين وبنت مين علشان تتكلم معايا بالاسلوب ده
احمد بعصبية: هنا كله زي بعضه مفيش حد هنا احسن من التاني والأسلوب بتاعك بتاع مامي وبابي مينفعش معايا خالص واتفضلي اطلعي برة وأسلوبك يتعدل شوية بدل أما أخليكي متحضريش بعد كدة واه يا ريت تعرفي بابي علي اللي حصل
خرجت الفتاة مغتاظة من احمد وتتوعد له وخرجت معها صاحبتها
صاحبتها : خلاص بقا يا نورسين مكانش موقف يعني متزعلش اوي كدة
نورسين : أنا يكلمني كدة يا نرمين ما ابقاش أنا نورسين أما وريتك
نرمين : خلاص بقا يا ستي تعالي نقعد في الكافتيريا وفكك من الحوار ده
نورسين : ماشي يالا
انتهي السكشن وخرج نورين ومريم
مريم : بجد الدكتور ده شرحه جميل جدا واللي عامله مع البنت ده وقفها عند حدها بس يا رب ميرجعش في كلامه لأن الظاهر كدة البت مش هتسكت وعيلتها شكلها تقيلة
نورين : لا مش دكتور احمد اللي يعمل كدة وانا متأكدة
مريم : مالك يا اختي متأكدة كدة كان من بقيت عيلتك علشان تقولي كدة والبت مش هتسيبه في حاله وممكن تأذيه في شغله
نورين بخوف : تأذيه ليه أن شاء الله هي سايبة هو مغلطش
مريم بتعجب : مالك خائفة عليه كدة دا كفاية احرجنا واللي يشوفك ساعتها يقول عايزة تقتليه
نورين : اه والله ساعتها كنت نفسي اقتله بس والله لأخد حقي منه
مريم بتعجب : تاخدي حقك منه إزاي يا بت انتي اتجننتي صح ؟!
نورين بغيظ : لا يا ختي بس سيادة الدكتور يكون اخويا وهو اللي اخرني وبسببه خبطت في البنت دي وحكتلها ما حدث
مريم بضحك : والله يسلم علي اللي عمله فيكي تستاهلي
نورين بغيظ : ماشي يا اختي اضحكي اضحكي أنا ماشية سلام
مريم : سلام
عند نورسين رأت نورين وهي تذهب
نورسين في نفسها : جيه دورك يا حلوة  علشان تعرفي مين هي نورسين ثم ذهبت الي نورين و.....  
/يا ترى نورسين هتعمل ايه مع نورين وهل هتأذي احمد في شغله
# الشك
#بقلمي : ايمان احمد
رايكم يهمني