الشك / بقلمي : ايمان احمد

# الفصل التامن من #الشك

# الفصل التامن
# الشك
# بقلمي : ايمان احمد
سبحان الله والحمد لله والله اكبر ولا اله الا الله

انتهت الإجازة وسافر معاذ ومريم إلى بنها حيث يعيش عمهم و ابناؤه وكذلك سافر احمد واكرم و نورين الي الصعيد
في الصعيد
دخلت الخادمة بلهفة وفرحة إلى سيدة في عمرها الخمسين كانت تجلس في غرفتها تقرأ في كتاب الله بخشوع وهي تصيح : يا بشمهندزة زينة يا بشمهندزة زينة
زينة : في ايه يا نعمة بتجري كدة ليه
نعمة بفرحة : الضاكتور احمد والباشمهندز اكرم والضاكتورة نورين چم دلوقيتي و چاعدين مع الباشمهندز محمود تحت
زينة بفرحة واشتياق لأولادها : بجد أنا نازلة حالا ثم وضعت المصحف بجانبها علي الطاولة ونزلت الي الجنينة بسرعة لرؤية اولادها سلمت عليهم واحتضنتهم ثم جلسوا جميعا يحكون ما حصل معهم و يحكون مقالب احمد في نورين و امتلأ البيت بالضحك الذي افتقده منذ فترة طويلة منذ سفرهم
نورين بمرح لمحمود : اخبار صحتك ايه يا بشمهندس شكلك بتدلع علينا أنا بقيت دكتورة وعارفة
محمود بحب : و أحلي دكتورة كمان شد حيلك بقا عايزينك تبقي أشطر من الواد ده
احمد بغرور مصطنع : أشطر من مين دا أنا دكتور احمد وبإذن الله هكون اشطر دكتور قلب فيكي يا مصر
نورين : طب ايه رأيك بقا اني هتخصص قلب علشان انافسك و تشوف مين الاشطر علي الرغم اني عايزة رمد أو اطفال
محمود بحزن وشرود : نورسين كان نفسها تبقا دكتورة اطفال
نظروا جميعهم له بحزن بينما حاول اكرم تغيير الموضوع فقال بمرح : بس ايه رأيك يا هندسة أنا الوحيد في العيال دول اللي سلكت طريقك انت وبابا ودخلت هندسة بلا طب بلا وجع دماغ أديني اخدت الماجستير والدكتوراه ومن جامعة أكسفورد وهو لسة بيشعلق في الماجستير
احمد بغيظ ومرح : ذلني بقا علشان خدت الدكتوراة
محمود : ايه ده وصلة الخناق شكلها هتشتغل يالا قوم يالا منك له من هنا أنا تعبان وعايز ارتاح
اكرم بمرح : شكلنا كدة بنتطرد و منظرنا بقا وحش جدا ثم اكمل بجدية وتوتر : عمي أنا عايز اكلمكم في موضوع مهم
محمود بجدية : عارف عايز تقول ايه والحقيقة كنت بحسبك هتفتح الموضوع اول ما نزلت من السفر علشان الشركة مش كدة
اكرم بذهول : عرفت ازاي يا عمي أنا مفتحتش الموضوع ده خالص
محمود : بص يا اكرم انتم مش بس ولاد اخويا لا انتم ولادي اللي ربتهم طول حياتي من وهما صغيرين وعارف كل واحد فيكم بيفكر ازاي و طموحاته ايه أنا كنت عارف من اول يوم دخلت فيه هندسة انك هتطلب الطلب ده أنا مش هقف قدام حلمك بس هقولك خلي بالك من نفسك أوي و بلاش
عناد وتهور وحط حياتك وحياة اللي حواليك قدامك قبل ما تاخد اي قرار فاهمني وانا من ناحيتي موافق شوف رأي والدتك
زينة بتردد ودموع فالموضوع صعب جدا فهي لم ترد أن تقف في طريق سعادة ابنها وكذلك لم ترد أن ينعاد الماضي مرة أخرى : أنا موافقة بس كلام عمك اللي قاله لك يتنفذ و تحافظ على نفسك أنا وفقت بس علشان عارفة الحلم ده بالنسبة لك ايه بس لو حصل حاجة أنا اللي همنعك تخليك تقفل الشركة دي نهائي
ذهب اكرم إليها واحتصنها و مسح دموعها: وانا اوعدك اني هنفذ كل حاجة قلتيها ولو مش عايزاني افتحها مش هفتحها و انتي عارفة كدة
زينة بإبتسامة : عارفة بس خد بالك من نفسك
اكرم : حاضر يا ست الكل
مرت ايام الإجازة بفرح وسرور ملأ أرجاء البيت ورجع الشباب مرة أخرى الي الإسكندرية ولم يخبروا محمود أو زينة عن نورسين فهم يعلمون أن عمهم مريض ولن يتحمل
مر اسبوع على بداية الدراسة كانت تجلس نورسين بمفردها تنتظر مريم ونورين وجاءت إليها صديقتها نرمين
نرمين : Hi نورسين عاملة ايه
نورسين بإبتسامة : كويسة الحمد لله انتي اللي عاملة ايه معمتش بشوفك خالص
نرمين : ما انتي اللي سيبتي الشلة وماشية مع البنات اللوكال دول
نورسين بضيق : نرمين دول اصحابي ومش هسمح لحد يقول عليهم كدة
نرمين بمكر : اوه صحيح نسيت اني شتمت بنت عمك أنا أسفة بجد I'm sorry
نورسين بإستغراب : بنت عمي ايه اللي جاب بنت عمي في الموضوع
نرمين بخبث : اوبس انتي متعرفيش أنا أسفة خلاص مافيش حاجة
نورسين بعصبية : في ايه يا نرمين بنت عم مين ومتعرفش ايه
نرمين : نورين اسمها نورين محمد الصعيدي بنت عمك وعلى فكرة واخدة الثانوية من اسكندرية علشان تدخل جامعة اسكندرية وكانت طالعة من الاوائل على الجمهورية بس الله اعلم جات هنا ليه ومقلتش ليكي ليه أنها بنت عمك
نورسين بصدمة : نورين محمد الصعيدي بنت اللي قتلوا أمي
نرمين مدعية الحزن : علشان أنا صاحبتك وعارفة الحكاية قلت لازم اقلك واحزرك منها و أخليكي تبعدي عنها لتأذيكي هي وعائلتها
نورسين بغضب :لا معدش فيه هروب بعد كدة أنا لازم انتم منها من عائلتها كلها على قتلهم امي لازم اخليهم يندمو كلهم معدش فيه هروب تاني
نرمين : خلي الموضوع ده عليا أنا و أنا هجبلك حقك
نورسين بإستغراب : بس انتي مالك هتدخلي نفسك في مشاكل ليه
نرمين مدعية الحب لنورسين : انتي صاحبتي يا نورسين واللي يأذيكي يأذيني
نورسين : بجد انتي صاحبتي الحقيقية واكتر من اخت كمان مش عارفة من غيرك كنت عملت ايه
نرمين : يا بنتي اديكي قولتها احنا اخوات ثم أكملت في نفسها وكدة الخطوة الأولي نجحت
مر يومان و نورسين تتجنب الكلام مع نورين ومريم
في الكافتيريا
نرمين : خلاص يا ستي انتقامك حصل اهو ومن اكتر اتنين كنتي بتكرهيهم
نورسين : انتقام ايه !
نرمين : انتقامك من نورين والدكتور أحمد علشان طردنا وهزأنا ثم أخرجت لها الموبايل و ورتها بعض الصور
نورسين بصدمة : مستحيل دكتور احمد ونورين أنا عمري ما صدق الكلام ده
نرمين : مستحيل ليه أنا اصلا كنت عارفة انهم مش كويسين وبيمثلوا الفضيلة وأنهم ناس ملتزمين بس شوفتي الحمد لله ربنا كشفهم أنا شوفت امبارح واحنا مروحين دكتور احمد كان مستنيها بعيد عن الكلية بشوية علشان محدش يشوفهم
نورسين : أنا عمري ما صدق أن نورين تعمل كدة تا احنا متربين
قاطعتها نرمين : انتي نسيتي هما عملوا ايه في مامتك اللي يعمل كدة يعمل اي حاجة
نورسين : عندك حق تعالي معايا
كانت مريم تجلس بانتظار نورين تتصفح الفيس بوك وفجأة أتاها اشعار على جروب الكلية لتفتحه وتنصدم حيث رأت صور لنورين وأحمد وهي تضحك معه و تمسك بيده وصور اخرى وهي تركب معه العربية و انصدمت اكتر مما هو مكتوب تحت الصور
مريم في نفسها :لا حول ولا قوة الا بالله لدرجة دي الافتراء وتشويه سمعة البنات بقا سهل قطع شرودها نورين وهي تهزها
نورين : مالك يا مريم بكلمك بقالي كتير وانتي مبترديش
مريم بلهفة : نورين انتي كويسة
نورين : اه كويسة في ايه الكل عمال يبصلي بإستغراب جاءت مريم لتتكلم لكن قطع كلامها رنين موبايل نورين
نورين : السلام عليكم
احمد : وعليكم السلام نورين انتي كويسة انتي فين
نورين : أنا الحمد لله انا قدام مبنى . ........
احمد : أنا جايلك ثم فصل الخط
نورين لإستغراب وقلق : هو فيه ايه
لم تتحدث مريم لكنها أعطت لها هاتفها علي الصور
نورين : دي صوري أنا وأحمد جبتيهم ثم قطعت كلامها عندما رأت ما كتب تحت الصور و أدمعت عينيها : لا حول ولا قوة الا بالله اللهم اجرني في مصيبتي
مريم : اهدي يا نورين كل قطع كلامها صوت نورسين و معها شلتها القديمة
نورسين بتشفي : اهلا اهلا بالأنسة المحترمة المتدينة اللي يشوفها يقول عليها الملاك البرئ بس تصدقي انتي تستحقي جائزة أوسكار للتمثيل تا أنا صدقتك وكنت بحسبك ملاك وانتي في الحقيقة أزبل واحدة شوفتها في حياتي انتي ...
قطع كلامها صوت عالي يظهر عليه الغضب : نورسين

يا ترى ده مين ؟ وايه اللي هيحصل بين نورين ونورسين و رد فعل احمد واكرم علي الكلام ده و
يا ترى أهل نورين اللي قتلو ام نورسين ولا ايه اللي حصل كل ده في الحلقات القادمة بإذن الله
# الشك
# بقلمي : ايمان احمد
يا جماعة عايزة تعليقات على الرواية ورأيكم فيها و عايزة تفاعل عليها و رأيكم في ردود أفعال ابطال الرواية علشان التفاعل قل خالص وده سبب لي إحباط جدا رأيكم ببفرق جدا مع الكاتب