قصه وطن

البارت الأول

وطن:دنحظر بالعشه اني وماما وجان أخويه وابويه ديلعبون بلي رحت يمهم وماما جابت الاكل واجينا دنريد نكعد نتعشه وفجأه انفجار صار قوي لدرجه وكعن هوايه من غراض البيت وامي وكع منها الاكل ك العاده ابويه لازم يطلع يعرف شديصير "اعتقد كل الاباء هيج من يصير رمي او اي شي لازم يطلعون يعرفون شسالفه"المهم فجأه دخل ابوبه يعيط ويكول اخذوو بس غراضكم المهمه خل نطلع من البيت يابه دجاوب شكو شصاير ابويه بس يعيط ويردنا نطلع

ابو وطن"عمر" اني كاعد دلعب بلي وي همام وفجأه صار انفجار طلعت والكي الناس حيل صايره هوسه واريد افهم منهم شي ما اكدر بعدين اسمع واحد يصيح داعش دخل للموصل اخذوو غراضكم وهاجرو من بيوتكم اني بهالساعه ما اعرف شنو اسوي يعني وين نروح وشلون حنطلع هواي اجت اشياء ببالي ومعرف شنو اسوي بهاللحظه خفت على عائلتي بس اريد اوديهم بمكان آمن والف فكره ببالي شسوي انه بهاللحظه افكر بأطفالي"وطن وهمام" لو بزوجتي"رحمه" دخلت بسرعه اصيح عليهم ياخذون غراضهم بس خلي نطلع من البيت ونسيت حته اكللهم انو داعش دخل لأراضينا طلعت اشغل سيارتي حته نطلع بيها بس المشكله انو تأخرت بالانفجار وصار بيها عطل وبهالوقت حيل صعب عليه انو اصلح العطل البيها ف قررت نشوفلنا اي سياره تأخذنا لغير محافظه

وطن:اخذنا كم لبس النا واحنه مو عارفين شنو ديصير بس اخذنا ملابسنا اللي نريدهم بكل سرعه طبعاً وذهب مالي ومال ماما وطلعنا من البيت وي ابوي أشوف ابويه محتار وين ياخذنا وسيارات صعب يحصل ومنا سيارته صار بيها عطل المهم لكينه سياره كبيره الناس نشوفها تصعد بيها راح ابويه سئلهم وين حيرحون كالوله حنروح لديالى ف أبويه كال خل نروح وياهم لانو هم ديساعدون الناس يردون يخلصونهم من داعش فصعدنا بالسياره وهم اقارب ماما بديالى ف الوضع شوي تسهل علينا

بالطريق》طبعاً جان الجو حار ومي ماكو ولا أكل يعني التعب يقره الف..

وگفونا ناس جانو لابسين اسود كل لبسهم سواد بسواد ولحاياهم طويله حيل وكلهم عبالك مثل الشكل لحايه سود وملابس سود واشكالهم وصخه وييع عبالك وحوش مستحيل هذول اشكال بشر ولحاياهم طويله بشكل مقزز حيل اللي يشوفهم يكول الله گالب خلقتهم استغفر الله صح خلقه الله هُم بس حيل اشكالهم مو حلوة ومنا سياراتهم كبار وكومه مسويلهم سيطره وجان على سياراتهم اعلام سود ومكتوب عليها ما اعرف شنو الكتابه ابداً جانت مو واضحه بعدين عرفت انو مكتوب ع العلم الاسود "الله رسول محمد" شبيهم هذول حتى علمهم مو مثل البشر

سئلو السايق وين ماخذ هالناس؟!
احس السايق تلبك وما عرف شنو يرد عليهم
السايق:ها احنه عدنه مناسبه ورايحين لديالى
الداعشي:وليش بديالى وليش كل هالناس ماخذهم؟
السايق:يعني اقاربنا بديالى ورايحين نزورهم كلنا
الداعشي:وشبيك هيج تحاجيني يلا انزل من السياره وكل اللي وياك خلي ينزلون
السايق ما كال باطل بسرعه نزل من السياره وبدو الناس اللي بالسياره ينزلون واحد واحد واني حيل خايفه وابويه يحاجيني
عمر: همام و وطن خليكم يمي لا تبعدون عني وانتي رحمه عينج عليهم
رحمه:حاظر
نزلنا واني وهمام لازمين باهلي حيل خايفين شنو حيكون مصيرنا وي هالبشر اللي وجوهم ما تبشر بأي خير

يتبع...!!