قصه وطن

البارت الثالث

*كعدنا بعد ما نمنه4ساعات يعني كعدنا الساعه8
همام:ماما حيل جوعان صارلنا يوم ما ماكلين أي شي
رحمه:وليدي انتظر كلنا ميتين جوع بس انت دتشوف شنو هالوضع اللي احنه بي صعب نلكه اكل

وره لحظات دخل ابو فارس وچان بايده علاليك وكال
تفضلوا هذا أكل اعرف انتو صار هوايه هنا بدون أكل ومي
"والله زين طلع منه هالشي"
خله العلاليك وطلع جان جايب بيهن(دجاج شوي وصمون وزلايط وهالسوالف)
أكلنا الحمد الله لو باقين شوي جان متنا من الجوع عاد زين جابولنا اكل

كملنا وبقينا كاعدين نسولف عن الدواعش ومن هالحجي

عمر:اعتقد هم عبالهم اني سني لانو اسمي الثلاثي بالجنسيه عمر مؤيد كامل الشمري وكاتبين بالجنسيه مسلم يعني ما مبين سني او شيعي ومنا اسمائكم كلهن ما مبين بيهن اسم شيعي و ولادتنا الموصل صحيح اني انولدت بالبصره وامكم بصراويه بس كاتبين بجناسيناا محل الولاده موصل "تلاعبنا بجناسينا علمود شغلنا يضبط بالموصل"

طبعاً رحمه تصير بنت عمي حبيتها 3 سنوات انوب تزوجتها بعد معانات من اهلي واهلها يلا وافقوو عليه وتزوجنا

وطن: ياا لعد اذا دروو بينه شيعه يكتلونا لو شنو؟
عمر:ايي بابا لانو هذول هم اصولهم سنه ويردون يقضون ع الشيعه طبعاً هم مو كل السنه هيج لا حشاهم اكو بيهم ناس تنحط ع الجرح يطيب بس هم هذي سياسه داعش يقتلون كل شخص موالي لآل البيت

وطن:يا عزا يعني لازم نحلف يمهم بس بالله و بالنبي محمد "ص" والصحابه

عمر:ايي بابا لان ذول ناس ميخافون الله واهل البيت اذا دروو بينه شيعه كبل يذبحونه
وطن بملل:اوفف شيخلصنا من هالنماذج الزفت ويع

همام:كافيج وطن شكد تحجين اسكتي خلينا نرتاح
وطن:اهوو خاب انت ما تسكت هسه انه الي خلكك اللهم طولج يا روح

عفت همام وسكتت شكد يحب يتعارك وياي هالولد

شوي صار سكوت نام الكل انه ما اجاني نوم بقيت اسولف وي نفسي شنو خيصير بينا وخاصه اذا دروو بينه شيعه اكيد ح يكتلونا اوف يا رب خلصنا من هالناس اللي مترحم

وره شوي من التفكير نمت وما كعدت اله يوم ثاني تقريباً الساعه ٧ الصبح على صوت هوسه وناس مندري شسالفه طبعاً ابويه كل مره من يسمع صياح وهوسه يطلع يشوف شكو بس هالمره يدري الموضوع خطر علينا ف ما كدر يطلع طبعا هوسه مو طبيعيه وهذول واحد يصيح ع الثاني شوي دخل واحد منهم لابس اسود وملابسه أوصخ من ماضي ابو لهب ولحيته شطولها وبقى يصيح علينا طلعوو منا يلاا اخذوو غراضكم وامشوا

احنه هم اخذنا غراضنا وطلعنا وياهم بسيارات مدري وين يردون ياخذونه هذول شسالفتهم يالحمزه "طبعاً كاعده ادردم وي روحي"

شوي نززني صوت واحد منهم يكول ديلاا عيني نزلوو شتردون بعد هذا السافل ابو فارس خايف عليكم اكثر من خوفه ع نفسه

اني اجتلي صدمه ويع هذا ليش يخاف علينه😂يلا يمكن طلع براسه خير وخوش رجال يا رب ما يخيب ضني

نزلنا بمكان اعتقد هالمكان مو بالموصل اول مره اشوفه مكان هيمه ما بي اي احد وحته ما بي بيوت بس بي كرفانات وهذي الكرفانات مجهزه بكلشي بتبريد زين و مي وكلشي يعني اذا نكعد بيها مينقصنه شي

نزلنا غسلنا وارتاحينا وخلو واحد من هذي الكرفانات النا وطبعا بكل هذي الهوسه ابو فارس معافنه كل شوي يجي يكول شنو محتاجين واحنه منحتاج شي حته مطبخ موجود وكلشي بي

صار النا ثلاث ايام من طالعين من بيتنا وتعبانين بالفره من مكام لمكان
كامت ماما طبختلنا الغده اكلنا الحمد الله و انوب نمنا

يتبع...