قصه وطن

البارت الثالث عشر

وطن:بعد اسبوع ونص من جيتنه للبصره
إندگ الباب وطلعت ام علي تفتحه ما سمعنه بس البجي والعياط منها طلعنه نشوف شكو
طلع علي اجه من الموصل بس جان مضمدين چتفه لانو جايتله طلقه بطرف چتفه اوف والله انقهرت عليه واشوف خواته يبجن عليه وهو بس يحاجيهن ويكللهن انه ما بيه شي لتخافن وبعد ما اروح للموصل هاي لعيونجن خطيه والله

دخلنا جوه راح علي لغرفته يرتاح

بمرور الايام بقى علي يتحسن اكثر واكثر لحد مصار زين
طبعاً ريام ما نشوفها لانو من الشغل للنوم من النوم للشغل بس اقرب وحده الي من البنات هي شهد دوم تكعد تواسيني من اتذكر ابوي وايامنه سوه هي تجي تسولفلي هم على ابوها وشلون توفى وحده تصبر الثانيه وهالشوغه اللي بالگلب على فقدان الاب محد بالدنيا يكدر يعوضها بس الحمد الله ع كل حال
طبعاً شهد حاجت علي على دوامي انه وهمام وهو ما كال شي وره ما صار زين جان عنده واسطه بالمدرسه اللي تداوم بيها شهد ف كدر ينقلني وياها ونداوم سوه المدرسه مو كلش بعيده ف نروحلها مشي و اما عن همام ف هو اول متوسط ومدرسته كلش قريبه ع البيت.

فد يوم كاعدين اني وماما والبنات وعلي
رحمه:يمه علي رايدتك بموضوع
علي:كولي من عيوني
رحمه:سالمه عيونك بس هيج زحمه كاعدين وانتم تصرفون علينه انه اريد اشتغل مثل ما تعرف بعد كم يوم الدوام ويحتاجون مصرف و ملابس وقرطاسيه وانت هم رجال عندك عائلتك ما تكدر تصرف علينه
علي:خاله صدك جذب تحجين شهالحجي والله اصلاً الزحمه مو من نصرف عليكم لا الزحمه من تحجين هيج احنه اهل وناس وما بينه سالفه فلوس
وطن:بقت ماما تلح على علي بموضوع الشغل بس هو جان رافض كلش وميقبل تشتغل يكللها المصرف يجي لايدج والله زلمه معدل هذا بعد ابن البصره

بعد هم اسبوع بده الدوام طبعاً اني مجنت محجبه لكن من شفت البنات وبقيت اجرب الحجاب عليه وصدك طلع مرتب عليه ف التزمت بالحجاب حته يم علي بما انو هو غريب عليه ف البس من يمه حجاب وبالدوام كذلك
جان دوامي يومين صبحي وثلاث ايام عصري وجنت اروح للدوام وي شهد وندرس سوه وكلشي سوه والحمد الله جان كل درجاتنا عاليه واني طموحي اصير صيدلانيه من قبل احب هذي المهنه وجنت ابذل كل جهدي بالدراسه و كل ما اتذكر ابوي ادرس اكثر حته ارفع راسه ومرات يصيرلي مجال أدرس همام وهو شاطر هم بسرعه يفهم وجان حته معلمينه ومعلماته يمدحون بي ودوم جان علي يروح لمدرسه همام يسئل عنه وكلها عبالها علي ابو همام هلكد مو مهتم بي بحيث ما خلاا يحس بفقدان ابوي حته جابله بلي ويشجعه ع الدراسه وكل ما يجيب درجه عاليه يلعب وياا بلي يعني صدك جان واكف ويانه وكفه زلمه نشمي.

علي:"جان كل تفكيري ب وطن وشكد ما اكدر اعوضها فقدان ابوها بأي طريقه وجنع دوم اوصي عليها شهد حته بقيت احس انو شهد درت بيه احبها هلكد ما اهتم بيها وكل بالي وتفكيري يمها اريد احاجيها بس زحمه شتكول هسه او خاف ترفضني ف هواي متردد بس بقيت احبها من ناحيتي و وفرتلها كلشي والباقي الله كريم.

وطن:بعد مرور اشهر قرب امتحاناتنا النهائيه وجنت كاعده ادرس تذكرت اليوم سنويه ابوي وعفت الكتاب وبقيت بس ابجي اجت يمي شهد وكالعاده هي دوم تواسيني وتخفزني وكالت انو ابوج ميريد يشوفج ضعيفه بالعكس يريدج قويه حته يرفع راسه بيج
كمت سبحت وبدلت ونمت وره كم ساعه كعدت العصر وهم بقيت ادرس طبعاً همام نجح للثاني متوسط

بعد مرور شهرين اجه الوقت اللي يعلنون بي النتائج شحجي عن خوفي بهاللحظه ربي اني تعبت ودرست بكل جهدي يا رب نجحني اني وشهد والله تعبنه بالدراسه ادعي واني خايفه وارجف وعلي كاعد يطلعلنا النتائج شوي وصاح علي....

يتبع....