قصه وطن

البارت السابع

علي:رفعت راسي وباوعت لوجها شفتهة لاول مره مبتسمه سبحان الخالق
شكد طالعه يمنا قبل بس ولا مره منتبه لوجها اول مره هيج انتبه عليها شعرها قاتحته عبالك شلال مو شعر وعيونها واسعه وسوادهن بسواد الليل وطولها وسط وبيضه وجانت لابسه بدله قصيره شوي بس شنو عليها من ترتيب معنو كل هالاحداث الصارت وياهم وبهذلتهم بس هيه حيل انيقه وحلوة الله يحفظها لاهلها

عفت التفكير بيها ورحت يم اصدقائي بس هي بعدها ببالي نبره صوتها وهي تكول "هم كل اهل الجنوب هيج حلوين"

فتحت موبايلي وبقيت اباوع لنفسي بالكاميرا وابتسم اكول معقوله انعجبت بيه وانوب انه لابس الزي العسكري لا يابه حقها تنعجب بيه غير طالع اخبل ابتسمت سديت الموبايل ورفعت راسي

مؤيد:ها ولك عليوي اليوم توزع ابتسامات
علي:ها لا ماكو شي تذكرت سالفه وابتسمت
مؤيد:سالفه لو بنيه أموره حلوة؟
علي:خاب انت ما تسكت يا بنات بهالوضع
مؤيد:جا منو اللي حنت تسولف وياها قبل شويه جدي؟
علي:شجاب جدك بنص يابه البنيه جانت ضايجه من كعده الخيمه واجت سولفت وياي شوي ودخلت
مؤيد:اي خويه بس شدعوه هيج الابتسامه شاگه حلكك
علي:شلون بله واحد ما يبتسم هاي شبيكم عليه
مؤيد والشباب:لا ما بينه شي بس انت انتبه لنفسك يالعاشگ
علي:ضحكت على ضحكتهم وسكتنا

****

وطن:دخلت للخيمه وكل بالي وتفكيري بهالعلي شدعوه هواي افكر بي تراا ميصير هيج بالنبي مو مال افكر بي بهالوضعيه يووه خل اعوف هالافكار

بس الولد صدك مؤدب واخلاق ما توقعت هيج اقابل شخص بحياتي مؤدب وخلوق وحته من احاجي ميخلي عينه بعيني دوم مدنك راسه وعليه جمال يوسفي يخبل...
يلا كافي هسه اني شعليه بي الله يحفظه لاهله

بقيت اصفن بالوجوه وبالي مو يمي شوي نززني صوت بابا

عمر:ها بنيتي شبيج
وطن:لا بابا هيج صافنه
عمر:شنو شاغل تفكيرج؟
وطن:لا يابه بس دا افكر بمدرستي وصديقاتي
عمر:ان شاء الله نرجع لحياتنا الطبيعيه
وطن:ان شاء الله بابا...
اصلاً جنت افكر ب علي يا مدرسه هذي يا بطيخ😂

صار الليل وكلنا نمنه مثل كل مره وكعدنه الفجر لانو نمنه من وكت ف كعدنا كلنا صلينا الفجر و تريكنا
جانو جايبيلنا ريوك أجبان وشاي وصمون
كعدنا ناكل كلنا سويه هالمره بما انو احنه كعدنه من وكت والشباب بره كلهم كاعدين ف فرشنا بره بمكان صحراء ماكو بس كم خيمه واحنه بالمكان
طلعنه بره خلينا الريوك وكاعدين ناكل وعلي اكيد ويه الشباب موجود

كل شوي ارفع راسي تجي عيني بعينه زحمه هسه عيوني ما تجي اله عليه تراا هوايه فشله هسه يكول هذي خلت عينها عليه
اهوو هسه اني يمه كرباا خل اسكت احسنلي دنكت جاي ناكل

وفجأه صار هوسه ورمي
^
^
^
يتبع.....