قصه وطن

البارت الاحد عشر

ناس مخلوقين للهم!
گوه هيه تريدني افرح؟
هد قميصي وخل اروح،
يغفى ليلية التقاطع مايفز الا ع وجهي,
الذابل،اليضحك لكلشي،الأسمر،اليبچي السموح!
راح ابونا وعمري شاب وشهر وشچم دقيقة،
مااتذكر!
أمي گالت! تحسب لكلشي خطيه لكل حقيقة!
المهم راداه الوطن واحتاجه اكثر،
اولى من عدنا الوطن!!
ياملامح وجه ابوي المااتذكر كلشي منهن!
بس اشوفنهن بوجه امي خطيه طيور چنهن,

عبد الله:بعد طريق اكثر من7 ساعات و سيطرات كومه كل شوي سيطره توكفنا لان ويانه وطن واهلها وما عندهم جناسي ف صعب يعبرونهم بس بعد توضيح الموضوع وبمساعده وطن وامها كدرنا نعبر هالسيطرات كلهن و اخيراً وصلنا للبيت اخذتهم وياي لبيتنا وانه حته ما كايل لاهلي ح اجيب البنت واهلها وياي بس كون يقبلون ولا اروح احتار بيهم هسه 🤦‍♀️

نزلنا يم بيتنا ونزلت غراض وطن وياي ودكيت الباب فتحته امي سلمت عليها وكلتلها ع وطن شفت ع وجهه انو ما راضيه بس دخلتهم وضيفتهم وصار وقت العشه تعشينه وكملنا وصاحتلي امي

الوالده:يمه هذول شنو يبقون عدنه؟
عبد الله:يمه خطيه ما عندهم مكان هسه ومحتارين وين يرحون خل يرجع علي من الموصل ويصير خير
الوالده:يمه هواي بعد منا على ما يجي علي من الحشد
عبد الله:يعني شلون يمه تردين نطردهم صدك جذب؟
الوالده:لاا يبعد عيوني بس اكلك ليش ما توديهم لبيت علي هم أحسن الهم مثل ما تعرف علي ابو متوفي وما عنده اخوان بس خواته وامه بالبيت ما عندهم احد واحنه بيت شيخ والناس طالعه وداخله علينه و ولد عمك هم دوم عدنه ف احسن شي توديهم لبيت علي واي شي يحتاجونه احنه نساعدهم بكلشي
عبد الله:صدك يمه ابوس راسج ع هالتفكير هسه شوفيلهم مكان ينامون بي وباجر من الصبح اخذهم لبيت علي واكيد امه ما تكول شي خوش مره اعرفها
الوالده:خوش يمه خير ان شاء الله.

وطن:استراحينه اليوم بعد تعب الطريق والسيطرات والدوخه واهل عبد الله خطيه تعبوا هواي ويانه صارت الساعه9 بليل خلونه بغرفه واجت امه جابتلنا فراشات وسئلتنا اذا جنه محتاجين شي جاوبتها امي سلامتج خيه والله ما تقصرون يا عيوني ومايهن

طلعت المره وشوي بعد ساعه ونص تقريباً كلنا نمنه

اليوم الثاني*

ام عبد الله:يلا يمه وطن عبد الله راح ياخذكم لبيت علي
وطن:من كالت اسم علي فزيت ذول وين يردون ياخذونه؟
ها خاله يا علي
ام عبد الله:هذا صديق عبد الله ومحد عندهم بالبيت بس خواته وامه
وطن:خير ان شاء الله

طلعت ام عبد الله وكعدت ماما و همام وطلعنا يمهم غسلنا وبدلنا وخطيه تعبناهم ويانه جابولنا الريوك كملنا وطلعنا بسياره عبد الله شوي مشت السياره و وكفت كبال بيت كلش مبين بسيط

دگينا الباب طلعتلنا مره كبيره بالعمر تقريباً يطلع عمرها اكثر من55 سنه مبين على وجهه التعب

سلم عبد الله عليها واحنه واكفين بعيد وهو جان يسولف وياها شوي وصاحتلنا المره خطيه رحبت بينا ودخلتنا
عبد الله:خويه وطن انه يمته ما تحتاجيني موجود باجر اجيبلج موبايل خاف تحتاجون شي انتي اهلج انه موجود وح انطيج رقمي حته اي شي تردين تتصلين عليه
وطن:مشكور خويه ما تقصر والله

يتبع....