قصه وطن

البارت السادس

عمر:الله يساعدهم الشباب
علي:كل الهلا بيك خويه تفضل
عمر:زاد فضلك...كعدت يمهم وتعرفت على كم واحد منهم تقريباً كلهم اعمارهم بالعشرين علي ومؤيد وحسن مبين عليهم كلهم من الجنوب اشكالهم نورانيه والسمار اللي طاغي عليهم يزيد وجوهم جمال وصفاء گلوبهم احلى شي بيهم..

علي:انتم اصلكم بصراوي مثل ما كال همام مو؟
عمر:ايي والله عميي
علي: چا كل الهلا بيك ابن ديرتي انه هم بصراوي
عمر:يا بعد روحي والله تشرفت بيك
علي:الي الشرف يا عيني وماي عيني
عمر:سالمه عينك ...اي شلونها البصره صار زماان ما رايحلها
علي:على حطه ايدك يخوي الحمد الله
عمر:انت من أي منطقه بالبصره؟
علي:احنه كاعدين بالدير وانتم؟
عمر:احنه جنه كاعدين بالجزائر احنه وبيت عمي الله شكد مشتاق للبصره وللحدائق العامه بيني وبينكم جنه نطلع اني وام وطن بالحدائق العامه من دون علم اهلها😂
الشباب:بقو يضحكون واحد منهم كال هاا من وره بيت عمك
عمر:يعني شسوي جنت احبها وهم ميخلونا نطلع ف نعوف الجامعه ونطبع😂
علي:والله كفوو😂

*شوي صار سكوت

عمر:يلا بعد عيني انه استرخص منكم
الشباب: اخذ راحتك خويه اي شي تحتاجه احنه موجودين ان شاء الله ما نقصر وياكم
عمر:ما تقصرون ❤

بعد سكوت كم دقيقه استرخصت من الشباب ودخلت للخيمه اللي احنه بيها طبعا جان اكو كم عائله هم ويانه بهالخيمات

وطن:بابا وبعدين وين حيصفى بينا الزمن تراا بالنبي ملينه
عمر:اصبري بابا ان شاء الله يجيلنا الفرج
وطن:الله كريم
اوف مليت تراا شيخلصها يا طلابه الما تخلص هسه كل امنياتي نرجع لبيتنا ونرجع لحياتنا الطبيعيه هذول منين اجولنا وتعبونا وجهرونا من بيوتنا حسبي الله ونعم الوكيل بيهم☹

مشى الوقت بسرعه وصار الضهر وتغدينه وبقينه كاعدين ملل فول 💔

صار العصر طلعت بره اهلي كاعدين بالخيمه واني طلعت لكيت ماكو احد بس علي كاعد يدخن من شافني شمر الجكاره و وكف

علي:هلا خويه محتاجه شي؟
وطن:لا سلامتك بس مليت من كعدة الخيمه
علي:تفضلي خويه اذا تردين تكعدين هنا
وطن:اي والله خل اكعد
علي:هلا خيتي اي شي تحتاجينه انه موجود
وطن:تسلم متقصر

بقيت اسولف وي روحي"شنو هذا شكد مؤدب بحيث يسولف وياي وهو مدنك راسه وعليه جمال ملائكي عضلات وسماره منطي جمال وضخم هواي وعنده لحيه شوب ثخينه وسوده وعيونه عسله عزاا بعيني حته بلون عيونه ركزت شهاللكافه كبر امداني😂
ديلا عادي هو حلو اني شسويله
شوي صارت سكته وانوب حجيت انه

وطن:اكول ممكن سؤال
علي:جواب خويه
وطن:هم اهل الجنوب كلهم حلوين مو؟
علي:رديت عليها بشقه وشوي غرور "لا عيني بس اني حلو باعي الجماب يخبل
وطن:هههههه ايي والله فدوة الله يحفظك
علي:شكراً شكراً خجلتيني
وطن:جذاب ما مبين عليك خجلت
علي:شلون بله تردين اصير طماطه يلا تصدكين خجلت
وطن:ههههه لا محاجه صدكت
علي:واخيراً صدكتي ههههه
وطن:يلا انه اروح اسفه ع الازعاج
علي:لا صدك جذب ماكو أي ازعاج
وطن:اي اكيد ادري بس كلت ادخل
علي:اخذي راحتج خويه

علي:رفعت راسي وباوعت لوجها شفتهة لاول مره..

يتبع....